Dünya

Çin Tayvana qarşı məhdudiyyətlər tətbiq etməyə başlayıb

3 Avqust, 2022
121

Açıq mənbələrdən götürülüb

Çin hökuməti ABŞ Nümayəndələr Palatasının spikeri Nensi Pelosinin adaya səfərindən sonra Tayvana qarşı məhdudiyyətlər tətbiq etməyə başlayıb. 

Belə ki, avqustun 3-dən etibarən Pekin Tayvana qum tədarükünü dayandırıb. Çin Xalq Respublikasının Ticarət Nazirliyi bu tədbirin “mövcud hüquq normalarına uyğun olaraq” həyata keçirildiyini açıqlayıb.

Bundan əlavə, avqustun 3-dən Çin Tayvandan sitrus meyvələri və iki növ balıq məhsulunun idxalını dayandırdığını elan edib. Adaya qarşı müvəqqəti məhdudiyyətlərin səbəbləri açıqlanmır, amma  TTV bildirir ki, yeni iqtisadi sanksiyalar ABŞ Konqresinin Nümayəndələr Palatasının spikeri Nensi Pelosinin səfəri fonunda yaranan gərginliklə bağlıdır.

https://toplum.tv/dunya/kiv-ag-ev-pelosinin-tayvana-seferine-gore-mesuliyyet-dasimadigini-beyan-edib

Pelosi isə ABŞ nümayəndə heyətinin Tayvana səfərinin səbəbi kimi demokratiyaya dəstəyi göstərib: 

"Bu gün nümayəndə heyətimiz Tayvana olan bağlılığımızdan əl çəkməyəcəyimizi və zamanın sınağından çıxmış dostluğumuzla fəxr etdiyimizi bildirmək üçün Tayvana gəlib".

Nensi Pelosi Tayvanın Baş Qərargah rəisi Tsay İnq-ven ilə görüşü zaman ABŞ-ın adanı dəstəkləmək öhdəliyindən əl çəkməyəcəyini bəyan edib. 

Pelosi Taypeyə avqustun 2-də axşam gəlib. Çin Xarici İşlər Nazirliyi Pelosinin Tayvana səfəri ilə bağlı ABŞ-a qarşı ciddi cavab tədbirlərinin görüləcəyini bildirib. Kreml isə Pelosinin səfərini ABŞ-ın Çinə açıq təxribatı kimi qiymətləndirib. 

Dünya

Qərb Ukraynaya daha 1,5 milyard avroluq hərbi yardım göstərəcək

12 Avqust 2022

Açıq mənbələrdən götürülüb

Qərb ölkələri Rusiyanın təcavüzünü dəf etmək üçün Ukraynanın hərbi ehtiyacları üçün bir milyard yarım avrodan çox vəsait ayırmağa söz verib.  "Radio Svoboda" xəbər verir ki, bu barədə avqustun 12-də Kopenhagendə 26 ölkənin müdafiə nazirlərinin konfransında bildirilib. Bu vəsaitdən silah, raket və sursatların tədarükü, Ukrayna üçün silah istehsalının artırılması, ukraynalı əsgərlərin təlimi və Ukraynanın müharibə gedən ərazilərində minaların təmizlənməsi üçün istifadə olunacaq. https://toplum.tv/dunya/ukrayna-krimi-vurdu-rusiyanin-reaksiyasi-nece-olacaq Ukrayna Prezidenti Vladimir Zelenski videobağlantı vasitəsilə Qərb müttəfiqlərindən daha çox maliyyə vəsaiti və silah-sursat istəyib. "Rusiyanı nə qədər tez dayandırsaq, özümüzü bir o qədər tez təhlükəsiz hiss edəcəyik. Müdafiəmiz üçün silah-sursat lazımdır", - deyə Zelenski bildirib. Ukraynanın müdafiə...
Dünya

Türkiyə Krım tatarlarına uzunmüddətli yaşayış icazəsi verməyə başlayıb

12 Avqust 2022

Açıq mənbələrdən götürülüb

Türkiyə Krım tatarlarına uzunmüddətli yaşayış icazəsi verməyə başlayıb. "Anadolu" agentliyi xəbər verib ki, bu barədə ölkənin daxili işlər naziri Süleyman Soylu göstəriş verib.   https://toplum.tv/dunya/ruslar-kutlevi-sekilde-turkiyeden-ev-alir “Avqustun əvvəlindən Türkiyənin Daxili İşlər Nazirliyinin Miqrasiya Xidməti Krım tatarlarına “türk mənşəli həmvətən” statusu əsasında  uzunmüddətli yaşayış icazəsi verməyə başlayıb. Əvvəllər Ahıska türkləri, uyğurlar, Bolqarıstan və Yunanıstandan olan etnik türklər bu statusdan yararlanıblar", - deyə o bildirib.  Qeyd olunub ki, Krım tatarlarına yaşayış icazəsi 2022-ci ilin iyununda daxili işlər naziri Süleyman Soylunun adından verilməyə başlanıb. 

Seçilmiş Videolar

Toplum TV loqo