Dünya

Çində donos yazan vətəndaşlara pul veriləcək

8 İyun, 2022
170

Açıq mənbələrdən götürülüb

Çin hökuməti gələn həftədən etibarən “milli təhlükəsizliyi pozanlar” barədə donos yazan vətəndaşlara pul mükafatları və fəxri fərmanlar verəcək. 

"Reuters" xəbər verir ki, "etibarsız vətəndaşlar" haqqında məlumat verən çinlilər 100 000 yuana (15 000 ABŞ dolları) qədər vəsait ala biləcəklər.  

Çin Təhlükəsizlik Nazirliyinin sözçüsü yerli mətbuata açıqlamasında bildirib ki, bu tədbirlər mükafatları standartlaşdırmaq və ictimaiyyəti xarici kəşfiyyat agentliklər, o cümlədən digər düşmən qüvvələrlə mübarizəyə həvəsləndirmək məqsədi daşıyır.

Mükafatın miqdarı verilən məlumatın keyfiyyətindən asılı olacaq. Bir neçə vətəndaş eyni qanun pozuntusu ilə bağlı müraciət edərsə, pulu birinci olan şəxs alacaq.

Çinin bir çox regionlarında artıq “sosial kreditlər” adlanan sistem fəaliyyət göstərir, onun köməyi ilə hakimiyyət orqanları vətəndaşların və təşkilatların etibarlılığını qiymətləndirir.

Çoxlu “sosial krediti” olan vətəndaşlar ən yaxşı mehmanxanalara, kirayə evlərə və məktəblərə çıxış əldə edir.

“Etibarsız” vətəndaşlar müəyyən müddətə ictimai nəqliyyatla məhdudlaşa bilərlər. Rəsmi məlumatlara görə, 2017-ci ildə 6 milyon insan qatar, avtobus və təyyarələrə bilet almaqda problem yaşayıb.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo