Dünya

CNN: Putin mayın 9-da ümumi səfərbərlik elan edə bilər

4 May, 2022

CNN

Rusiya prezidenti Vladimir Putin mayın 9-da Ukraynaya rəsmən müharibə elan edə bilər, bu da ona ümumi səfərbərlik keçirməyə və əlavə qüvvələr cəlb etməyə imkan verəcək.

Bu barədə Qərb rəsmilərinə istinadən CNN xəbər yayıb.

Telekanal başqaları ilə yanaşı, Böyük Britaniyanın müdafiə naziri Ben Uollesdən sitat gətirir. Nazir deyib ki, Putin Ukraynada baş verənləri “xüsusi əməliyyat” adlandırmaqdan vaz keçə və ümumi səfərbərlik elan edə bilər.

ABŞ Dövlət departamentinin nümayəndəsi Ned Prays bildirib ki, rusların 9 maydan “təbliğat məqsədli istifadə üçün mümkün olan hər şeyi edəcəklərini gözləməyə ciddi əsaslar var”

Rəsmi müharibə elanı Putinə Ukraynadakı itkilərin yerini ehtiyat qüvvələrlə doldurmaq imkanı verəcək. Ukrayna Müdafiə Nazirliyi rusların mayın 3-ə qədər 24 mindən çox canlı qüvvə itirdiyini iddia edir. Rusiya Müdafiə Nazirliyi isə sonuncu dəfə itkilər barədə martın 25-də danışıb və 1351 hərbçinin öldüyünü söyləyib.

Səfərbərlik haqqında qanuna görə, Rusiya prezidenti “Rusiya Federasiyasına qarşı təcavüz və ya bilavasitə təcavüz təhlükəsi, Rusiya Federasiyasına qarşı yönələn hərbi konfliktlərin baş verməsi halları zamanı” qismən və ya tam səfərbərlik elan edə bilər.

CNN 9 mayla bağlı başqa variantı göstərir. Bildirilir ki, Rusiya 9 may günü Donbasın ilhaqını elan edə bilər. Bu versiyanı ABŞ-ın ATƏT-dəki nümayəndəsi Maykl Karpenter də səsləndirib.

Oxşar Xəbərlər

Putin niyə MDB ölkələrinin KTMT-yə üzv olmasını istəyir?

Peskov: Dost olmayan ölkələri düşmən adlandırmağın vaxtı çatıb

Nikol Paşinyan KTMT-ni tənqid edib

KTMT NATO ilə qarşılıqlı əlaqələr yaratmaq istəyir

Zelenski "Azovstal"da mühasirədə qalan həbçilərin təxliyyəsini təsdiqlədi

Putin MDB-yə KTMT-də müşahidəçi statusunun verilməsini istəyir

Redaktorun Tövsiyələri

Bakıda etiraz aksiyası keçirilib, saxlanıların olduğu deyilir

Siyasi şərhçi: "Rusiya istəyir ki, münaqişə onun monopoliyasında olsun"

“Mətbuat intiharı epidemiya kimi yayır”

Mədəniyyət evlərinin acınacaqlı vəziyyəti – “Büdcədən vəsait ayrılacağı təqdirdə tədbir görüləcək”

55 yaşlı Gülər: "Vaqifi gözləyirəm, gələn kimi qoşulub onunla gedəcəm"

“Bu, onun sonuncu etirazı idi”

Dünya

Yerevanda saxlanılan müxalifətçilərin sayı 400-ü keçib

17 May 2022

AFP

Ermənistan polisi Baş nazir Nikol Paşinyanın istefası tələbi ilə vətəndaş itaətsizliyi aksiyaları çərçivəsində küçələri bağlayan 400-dən çox aksiyaçını saxlayıb. Yerevan polisininin rəsmi məlumatına görə, 414 nəfər saxlanılıb. Bundan əvvəl müxalifət liderlərindən biri, parlamentin vitse-spikeri İşxan Saqatelyan küçə aksiyalarının dayandırıldığını və axşam saatlarında mitinq keçiriləcəyini açıqlamışdı: "Biz qarşıya qoyulan məqsədi yerinə yetirmişik - qeyd etmişik ki,Ermənistanda vəziyyətin sahibi xalqdır. Biz itaətsizlik aksiyalarını dayandırırıq". Mayın 17-i səhər saatlarından etibarən nümayişçilər Yerevanın müxtəlif yerlərində, o cümlədən hava limanına və Müdafiə Nazirliyinə gedən yollarda nəqliyyatın hərəkətini dayandırıblar. Saxlanılanlar arasında Ermənistanın ikinci prezidenti Robert Köçəryanın oğlu Levon da var. Bu barədə o, özünün “Telegram” kanalında...

Davamını oxu

Dünya

Zelenski və Şolz Ukrayna müharibəsinin bitməsi üçün şərti açıqlayıb

17 May 2022

açıq mənbədən götürülüb

Ukrayna Prezidenti Volodimir Zelenski və Almaniya kansleri Olaf Şolz arasında telefon danışığı olub və onlar münaqişənin diplomatik yolla həlli üçün Rusiya qoşunlarının ölkə ərazisindən çıxarılmasının zəruriliyini bəyan ediblər. Bu barədə mayın 17-də Almaniya Nazirlər Kabinetinin rəsmi nümayəndəsi Şteffen Hebeştreit özünün “Twitter” səhifəsində məlumat verib. Hebeştreitin məlumatına görə, Zelenski və Şolz humanitar və hərbi vəziyyəti müzakirə ediblər. Liderlər Ukraynadakı münaqişənin danışıqlar yolu ilə sülh şəraitində həlli yollarını axtarıblar. Onlar bu qənaətə gəliblər ki, bu, yalnız Rusiya hərbi əməliyyatlara son qoyacağı və qoşunlarını çıxaracağı halda mümkün olacaq. Bundan əvvəl Şolz və Zelenski mayın 11-də tetefonla danşıblar. Liderlər Moskva və Kiyev arasında danışıqların...

Davamını oxu