Dünya

Co Bayden: Yeni pandemiyaya hazır olun

22 İyun, 2022
132

NPR

ABŞ Prezidenti Co Bayden Konqresi yeni pandemiyaya hazırlaşmağa və koronavirusun nəticələrini nəzərə alaraq büdcə planlaşdırmağa çağırıb. 

CNN xəbər verir ki, siyasətçi bunu COVID-19 əleyhinə peyvəndin beş yaşınadək uşaqlar üçün istifadəsi ilə bağlı çıxışı zamanı deyib.

“Nəticədə bizə daha çox pul lazımdır, nəinki uşaqlar üçün peyvənd. İkinci pandemiyanı planlaşdırmaq üçün bizə daha çox vəsait lazımdır. Daha bir pandemiya olacaq. Biz qabaqcadan tədbir görməliyik. Ona görə də bizə vəsait lazımdır”, - Amerika lideri bildirib.

Mart ayında Ağ Ev ABŞ Konqresindən COVID-19 ilə mübarizə üçün əlavə 22,5 milyard dollar tələb etmişdi. Vəsait peyvəndlərin alınmasına və səhiyyə sistemini zəruri avadanlıqlarla təmin etməyə sərf olunacaq. Bayden administrasiyası tezliklə koronavirus infeksiyasının yeni dalğası ilə qarşılaşacağından ehtiyat edir.

Dünya

Borrell: Avropa İttifaqının Rusiya ilə müharibə etmək niyyəti yoxdur

6 İyul 2022

Rəsmi səhifə

Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell bildirib ki, Avropanın Rusiya ilə müharibə etmək planları yoxdur. O, bu barədə “Yomiuri” qəzetinə yazdığı məqalədə bildirib. Borrellin sözlərinə görə, Rusiyanın Ukraynadakı işğalçılıq siyasətinə əsas cavab bundan sonra da sanksiyalar siyasəti olacaq. O, sanksiyaların təsirinin daha da artacağına əminliyini ifadə edib.  Diplomat həmçinin Rusiyanın Avropa və ABŞ texnologiyalarından asılılığının Çindən altı dəfə çox olduğunu qeyd edib. Borrel hesab edir ki, buna görə də sanksiyalar altındakı Rusiya iqtisadiyyatı  ehtiyaclarını ödəyə bilməyəcək. Borrell artıq sanksiyalara görə Rusiyanın “İskəndər” və “X-101” kimi dəqiq raketlər istehsal etmək imkanlarının məhdudlaşdığına diqqət çəkib.  "Neft...
Dünya

Rusiya Xarkov Universitetini raketlə vurub

6 İyul 2022
İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir.  Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.

Seçilmiş Videolar

Toplum TV loqo