Dünya

COVID-19-a qarşı üçüncü doza vaksin təhlükəlidir? 

16 Sentyabr, 2021
1569

AARP

Nüfuzlu tibb jurnalı “The Lancet”-də yer alan məqalədə koronavirusa qarşı kütləvi revaksinasiyanın (üçüncü dozanın) faydasız olduğu bildirilib. 

Məqalənin müəllifləri olan alimlər qrupuna Dünya Səhiyyə Təşkilatının (ÜST) və ABŞ-ın Qida məhsulları və dərmanların keyfiyyətinə sanitar nəzarət idarəsinin  nümayəndələri də daxildir. 

Məqalədə iddia olunur ki, mövcud vaksinlər yetərincə effektli olduğuna görə təkrar vaksinasiyaya ehtiyac yoxdur. Bundan əlavə, təkrar dozaların çox tez-tez və vaxtından əvvəl vurulması miokarditə və Giyen-Barre sindromuna səbəb ola bilər. 

Bununla belə məqalədə qeyd olunub ki, revaksinasiya zəif immun sistemi olan insanlar üçün faydalı ola bilər. 

Bəzi mütəxəssislər isə “The Lancet” jurnalında iddia olunan fikirlərlə razı deyillər. Rusiyalı mütəxəssis Larisa Popoviç hesab edir ki, bəzi ölkələrdə əhalinin çoxu vaksinin hələ birinci dozasını almadığı halda, varlı ölkələrdə üçüncü doza vurulur. ÜST bunun qarşısını almaq üçün belə məqalələrdə maraqlı ola bilər.

Avqustda ÜST-ün Baş direktoru Tedros Qebreisus yoxsul ölkələrdə vaksinasiya göstəricilərini artırmaq üçün zəngin ölkələri revaksinasiyanı məhdudlaşdırmağa çağırmışdı. Onun hesablamalarına görə, həmin vaxt dünyada istifadə olunan 4 milyard doza vaksinin 80 faizi həyat səviyyəsi yüksək və orta olan ölkələrin payına düşürdü. 

İsrail alimlərinin hesablamalarına görə isə, "Pfizer-BioNTech" vaksininin üçüncü dozası iki doza ilə müqayisədə 60 yaşdan yuxarı insanları yoluxmadan dörd dəfə daha yaxşı müdafiə edir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Gürcüstan Prezidenti Saakaşvilinin siyasətdən getməsini istəyir

Toplum TV
8 Fevral 2023

Açıq mənbələrdən götürülüb

Gürcüstan Prezidenti Salome Zurabişvili sabiq dövlət başçısı Mixail Saakaşvilidən “ölkəni girov saxlamaqdan əl çəkməyi” və siyasətdən getməyi xahiş edib.  Toplum TV xəbər verir ki, bu barədə məlumatı "Rustavi 2" telekanalı yayıb.  Zurabişvilinin sözlərinə görə, gürcü xalqı keçmiş prezidentlə bağlı vəziyyətin girovuna çevrilib. O hesab edir ki, Saakaşvili Gürcüstanın reputasiyasına xələl gətirir və tərəfdaşlarla, o cümlədən Kiyevlə münasibətlərin normal inkişafına mane olur. “Ölkə təkcə bu məsələnin əlində girov qalıb. Halbuki bu gün bizim üçün vacib olan digər heç bir məsələ ictimai müstəvidə bu şəkildə müzakirə olunmur”. O, həmçinin qeyd edib ki, Saakaşvilinin açıqlamalarını və törətdiyi hansısa əməldən peşman olmadığını nəzərə alsaq,...
Dünya

Türkiyədə zəlzələdə ölənlərin sayı 7 minə çatır - YENİLƏNİB

Toplum TV
8 Fevral 2023

Reuters

Türkiyədəki zəlzələ nəticəsində ölənlərin sayı 6957-ə, yaralananların sayı isə 38224 nəfərə çatıb.  Bu barədə fevralın 8-də Türkiyənin Fövqəladə Halların İdarə Olunması Agentliyi məlumat verib. Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Azərbaycan Fövqəladə Hallar Nazirliyinin daha 227 nəfərdən ibarət çevik xilasetmə qüvvələri bu ölkəyə yola düşüb. Nazirliyin rəsmi saytı xəbər verir ki, qüvvələrin tərkibinə FHN-in Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq şəxsi heyəti daxildir. Bundan əvvəl də Azərbaycan Türkiyəyə çox sayda xilasedici və yardım ləvazimatı göndərib.  *** 11:1 Türkiyədə baş verən zəlzələ nəticəsində ölənlərin sayı 6234-ə, yaralananların sayı isə 37011...

Seçilmiş Videolar

Toplum TV loqo