Dünya

Elxan Şahinoğlu: "İvanişvili özünü xaç atası kimi aparır"

Nigar Səmədli
15 Aprel, 2021
1735

Açıq mənbələrdən götürülüb

Gürcüstanda siyasi gərginlik davam edir. Sabiq Baş nazir Giorgi Qaxariyanın yeni partiya təsis edəcəyi elan edilib. Gürcüstan parlamentinin sədri Arçil Talakvadze isə onu şəxsi maraqlarını   dövlətin mənafeyindən üstün tutmaqda ittiham edib. 

Aprelin 14-də isə 6 deputat Gürcü Arzusu Partiyasının sıralarını tərk edərək Qaxariya ilə birgə yeni partiya quruculuğunda fəal iştirak edəcəklərini açıqlayıb.
Tbilisi Şəhər Məhkəməsi isə müxalif Vahid Milli Hərəkat Partiyasının (VMHP) sədri Nika Meliyanı həbsdə saxlayıb. 

Gürcüstandakı proseslər nə ilə nəticələnə bilər?

“Toplum TV”  politoloq Elxan Şahinoğlu ilə bu barədə danışıb.

- Şahin bəy, sizcə, Gürcüstandakı siyasi böhran nə ilə nəticələnəcək və 6 deputatın istefa verərək Qaxariyanın tərəfinə keçməsi növbəti istefalar üçün presedent yarada bilərmi? 

- Gürcüstanda keçirilən parlament seçkilərindən sonra siyasi durum hələ də gərgin olaraq qalır. Müxalifət liderinin həbsi bu gərginliyi daha da artırdı. Eyni zamanda, Baş nazirin və digər nazirlərin istefası fonunda tez-tez hökumət böhranı yaşanır. Digər tərəfdən Gürcüstanda ciddi iqtisadi problemlər var. Ölkənin əsas gəlir mənbəyi turizmdir, amma pandemiya dövründə bir çox ölkələrdə olduğu kimi burada da turizm tənəzzülə uğradı və gəlirlər xeyli azaldı. Müxalifət bundan istifadə edərək təzyiqləri getdikcə artırır və ölkə sanki xaosa  sürüklənir. Müxalifətin əsas tələbi erkən parlament seçkilərinin keçirilməsi olsa da, hökumət bu addımı atmaq istəmir. Problem isə ondadır ki, Gürcüstan hakimiyyətinin özü monolit deyil. Qeyd etdiyim kimi, sürəkli istefalar, siyasi böhranlar ölkənin sabit inkişafı üçün ən böyük əngəldir. Ona görə də prosesin sonunu gözləmək lazımdır...

- Keçmiş Baş nazir Qaxariya yeni partiya yaradacağını bildirib. Onun gələcəkdə real liderə çevrilmə şansı nə qədərdir?

- Gürcüstanda son 15 ildə müxtəlif siyasətçilər güclənmək, tərəfdar toplamaq üçün bir çox partiyalar yaradıblar. Bunların içində tanınmış siyasi fiqurlar olsa da, onlar partiya quruculuğunda o qədər də böyük nailiyyətlər əldə etməyiblər. Bu səbəbdən Qaxariyanın yeni partiya quraraq siyasi liderə çevrilməsi gözlənilən deyil. Hazırda Gürcüstanda iki əsas siyasi partiya var: hakim Gürcü Arzusu Partiyası və Mixail Saakaşvilinin qurduğu Vahid Milli Hərəkat Partiyası. Yerdə qalan partiyalar o qədər də güclü deyil.

- Məhkəmə müxalifət lideri Nika Meliyanın həbsdə saxlanılmasıyla bağlı qərar çıxarıb. Bu, Gürcüstan-Avropa münasibətlərinə necə təsir edəcək, ümumiyyətlə, ölkə Avropanın dəstəyindən məhrum ola bilərmi?

- Əlbəttə ki, mənfi təsirləri olacaq. Avropa hər zaman Gürcüstanı islahatlara və insan haqları məsələlərinə görə təqdir edirdi. İndi isə müxalifət liderlərindən biri həbs olunub. Avropa buna seyrçi qala bilməz, hətta bu səbəbdən Gürcüstan hakimiyyətinə tənqidləri də artıb. Halbuki bir vaxtlar Avropa Gürcüstanı başqa ölkələrə nümunə kimi təqdim edirdi. Təəssüf ki, bu ölkə artıq nümunə kimi göstəriləcək halda deyil. 

- İvanişvilinin heç bir açıqlama verməməsinin, siyasi arenada görünməməsinin səbəbi nədir? 

- İvanişvili özünü xaç atası kimi aparır. Hadisələrə kənardan təsir etməyə çalışır. O, müəyyən vaxt kəsimində belə bir ssenari üzrə davarana bilər, amma görünən odur ki, bir müddət sonra ölkədə xaos başlayacaq. Çünki bir siyasətçi hakimiyyətdə deyilsə və kənardan idarəetmə siyasəti həyata keçirirsə, bu həm ölkəyə, həm də özünə problem yaradacaq. Bu səbəbdən düşünürəm ki, İvanişvili kənardan idarəetməni davam etdirərsə, Gürcü Arzusu Partiyası daha böyük problemlərlə üzləşəcək. 

- Müxalifət mediası yazır ki, bu partiya xalqın böyük kəsiminin dəstəyini itirir.

- Hələ ki bunu demək tezdir. Müxalifət son parlament seçkilərinin saxtalaşdırıldığını iddia etsə də, əslində Gürcü Arzusu Partiyası ən çox səs qazanan partiya idi. Amma Gürcüstanda siyasi xaos, həbslər davam edərsə, hakim partiyanın reytinqinin aşağı düşmə ehtimalı var.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Rusiya XİN: Moskva Paşinyana cavab hazırlayır

Toplum TV
25 Sentyabr 2023

Açıq mənbələrdən götürülüb

Rəsmi Moskvanın yaxın vaxtlarda Ermənistan rəhbərliyinin son bəyanatları ilə bağlı müvafiq açıqlama verəcəyi gözlənilir. Toplum TV xəbər verir ki, bu haqda sentyabrın 25-i Rusiya Xarici İşlər Nazirliyinin rəsmi nümayəndəsi Mariya Zaxarova “Rossiya-24” telekanalına müsahibəsində bildirib. Zaxarova Yerevanın rəsmi açıqlamalarını ikitərəfli münasibətlərin inkişafına zidd olduğunu qeyd edib. “Deyə bilərəm ki, Moskva Ermənistanın baş naziri və Yerevanın digər rəsmi nümayəndələri tərəfindən verilmiş reallığa uyğun gəlməyən bir sıra bəyanatlara diqqət edib və bu, ilk növbədə, ikitərəfli münasibətlərin inkişafına ziddir. Buna müfəssəl cavab yaxın gələcəkdə veriləcək, bir neçə dəqiqə ərzində Rusiya Xarici İşlər Nazirliyinin müvafiq bəyanatı dərc olunacaq”, - Kreml rəsmisi vurğulayıb. https://toplum.tv/dunya/pabs-in-yuumlksekccedilinli-resmileri-yerevana-gelibp Xatırladaq ki,...
Dünya

ABŞ-nin yüksəkçinli rəsmiləri Yerevana gəlib

Toplum TV
25 Sentyabr 2023

Açıq mənbələrdən götürülüb

USAİD-in (ABŞ Beynəlxalq İnkişaf Agentliyi) direktoru Samanta Pauer və ABŞ Dövlət katibinin Avropa və Avrasiya məsələləri üzrə müavini vəzifəsini icra edən Yuri Kim Ermənistana səfər ediblər. Toplum TV xəbər verir ki, bu haqda sentyabrın 25-i ABŞ-ın Ermənistandakı səfirliyi məlumat yayıb. Səfirlik açıqlamasında, bu səfərin ABŞ-nin Ermənistanın suverenliyinə, müstəqilliyinə, ərazi bütövlüyünə, demokratiyasına dəstəyini bir daha təsdiqlədiyinin ifadəsi olduğunu bəyan edib. Səfər   Vaşinqton rəsmilərinin gəlişi, həmçinin erməni sakinlərin Qarabağda son hərbi əməliyyatlar zamanı yaranmış humanitar ehtiyaclarının həll olunması üçün olduğu diqqətə çatdırlıb. https://toplum.tv/siyaset/pkreml-qarabagin-kime-malik-olmasi-meselesi-hell-olundup Səfirlik rəsmi Vaşinqtonun Qarabağdakı humanitar vəziyyətlə bağlı hesabatlardan dərin narahat olduğunu və Qarabağa beynəlxalq humanitar təşkilatlarının, habelə kommersiya...

Seçilmiş Videolar

Toplum TV loqo