Dünya

Ərdoğan Rusiyadan S-400-ün hansı səbəbdən alındığını açıqladı

30 Sentyabr, 2021
665

Rəsmi səhifə

Türkiyə Rusiya istehsalı olan S-400 zenit-raket kompleksinin alınması barədə qərarı Vaşinqtonun "Patriot" raketlərini satmaqdan imtinasından sonra qəbul edib. 

Bu barədə Türkiyə prezidenti Rəcəb Tayib Ərdoğan “The New York Times” qəzetinə müsahibəsində məlumat verib. 

“Öz silahımızı biz özümüz alırıq”, - Ərdoğan deyib. Onun sözlərinə görə, Donald Trampın rəhbərlik etdiyi keçmiş ABŞ administrasiyası və NATO Baş katibi Yens Stoltenberq Ankaranın silah təchizatçısını seçmək hüququnu təsdiqləyiblər. 

Həmin satınalmadan sonra ikitərəfli münasibətlərin soyuqlaşmasına toxunan Ərdoğan “buna dəyərdi” söyləyib. Bu zaman o, əlavə edib ki, Türkiyə və ABŞ arasındakı əlaqələr prinsipial önəmli xarakter daşıyır, onları qorumaq və möhkəmləndirmək lazımdır. 

Bundan əvvəl, sentyabrın 27-də Ərdoğan bildirmişdi ki, Ankara daha bir partiya S-400 almaq niyyətindədir. Prezidentin sözlərinə görə, Türkiyə suveren dövlət kimi kimdən silah alacağına yalnız özü qərar verə bilər: “Gələcəkdə kimsə bizim hansı müdafiə sistemini və hansı ölkədən silah alacağımıza qarışa bilməz”.

Rusiyadan S-400-ün alınması barədə danışıqlar 2019-cu ilin iyulunda başlamışdı. Vaşinqton Türkiyədən sövdələşmədən imtina etməyi və Amerika istehsalı olan "Patriot" raketlərinin alınmasını tələb edirdi. Bundan sonra Türkiyəyə ən müasir "F-35 Lightning II" qırıcılarının satılmasından imtina edildi. Qərara görə, Türkiyə bu təyyarələrdən 100 ədəd almalı idi.

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo