Dünya

Ərdoğan: "Türkiyə “Ukrayna şousuna” qarışmaq fikrində deyil"

24 May, 2022

193

Reuters

"Biz Rusiyaya açıq və cəsarətlə Ukraynanın ərazi bütövlüyü və suverenliyi ilə bağlı mövqeyimizi bildirdik. Amma biz bu şouya qarışmaq fikrində deyilik. Rusiya ilə münasibətlər bütün müstəvilərdə davam edir".

Türkiyə mətbuatının məlumatına görə, bunu ölkə Prezidenti Rəcəb Tayyib Ərdoğan deyib.

Bundan əvvəl də Türkiyə hakimiyyəti Ukraynadakı vəziyyətin nizamlanması üçün dəfələrlə təkliflər verib. İstanbul Moskva və Kiyev nümayəndə heyətlərinin üzbəüz görüşlərinin keçirildiyi məkanlardan birinə çevrilib.

Rusiya fevralın 24-də Ukraynada hərbi əməliyyatlara başlayıb.

Prezident Vladimir Putin bildirib ki, Moskvanın məqsədi Donbasda “səkkiz il ərzində Kiyev rejimi tərəfindən zorakılığa və soyqırıma məruz qalmış insanları qorumaqdır”. Müdafiə Nazirliyinin məlumatına görə, Rusiya hərbçiləri yalnız hərbi infrastruktura və Ukrayna qoşunlarına zərbələr endirir, mülki əhali zərər görməyib.

Hərbi əməliyyatların başlamasında 2 gün öncə, fevralın 22-də isə Putin açıqlama verərək Ukraynanın şərqindəki separatçı qurumları "Donbas və Luqansk Xalq Respublikalarını" tanıdığını bəyan edib.

Ukrayna və Qərb liderləri hərbi əməliyyatları pisləyib, Putinin buna görə cavab verəcəyini bildirib.

Bundan sonra Qərb ölkələrində Rusiyaya qarşı sanksiyalar gəlməyə başlayıb.

Sanksiya tətbiq edilən 600-dən çox şəxsin içində oliqarxlar, yüksək rütbəli hərbçilər, şirkət sahibləri, biznesmenlərlə yanaşı Vladimir Putin və xarici işlər naziri Sergey Lavrovun da adı var.

Aprelin 7-də BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur.

Oxşar Xəbərlər

Ərdoğan Yunanıstanla müharibə ehtimalını dəyərləndirib

Vladimir Solovyov Azərbaycandan üzr istəyib

Suriya "DNR" və "LNR"-nin müstəqilliyini tanıdı

Putin Baydenin qızını Rusiyaya buraxmayacaq

İlham Əliyev Sergey Lavrovla görüşdə: Sülh müqaviləsi üzərində işə başlamaq barədə təklifimiz cavabsız qalır

Vladimir Putinin populyarlığı aşağı düşüb

Redaktorun Tövsiyələri

Şahid: Almaniyaya getmək üçün mənə AXCP üzvü olmağım barədə saxta arayış verdi

Vətəndaşın 500 min dollarını kim qaytaracaq?

Bakı ilə Quba arasında batan 550 milyon manat

Dəli Arazın şor suyunun ümidinə qalanlar

Bərdə sakini uşağının pensiyasının kəsilməsindən şikayətçidir

Əvəz Hafizlinin işi üzrə məhkəmə hakim məzuniyyətə çıxdığına görə keçirilməyib

Dünya

Borrell: Avropa İttifaqının Rusiya ilə müharibə etmək niyyəti yoxdur

6 İyul 2022

Rəsmi səhifə

Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell bildirib ki, Avropanın Rusiya ilə müharibə etmək planları yoxdur. O, bu barədə “Yomiuri” qəzetinə yazdığı məqalədə bildirib. Borrellin sözlərinə görə, Rusiyanın Ukraynadakı işğalçılıq siyasətinə əsas cavab bundan sonra da sanksiyalar siyasəti olacaq. O, sanksiyaların təsirinin daha da artacağına əminliyini ifadə edib. Diplomat həmçinin Rusiyanın Avropa və ABŞ texnologiyalarından asılılığının Çindən altı dəfə çox olduğunu qeyd edib. Borrel hesab edir ki, buna görə də sanksiyalar altındakı Rusiya iqtisadiyyatı ehtiyaclarını ödəyə bilməyəcək. Borrell artıq sanksiyalara görə Rusiyanın “İskəndər” və “X-101” kimi dəqiq raketlər istehsal etmək imkanlarının məhdudlaşdığına diqqət çəkib. "Neft...

Davamını oxu

Dünya

Rusiya Xarkov Universitetini raketlə vurub

6 İyul 2022

İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir. Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.

Davamını oxu