Dünya

Ərdoğan Yunanıstanla müharibə ehtimalını dəyərləndirib

1 İyul, 2022
290

Açıq mənbələrdən götürülüb

Türkiyə Prezidenti Rəcəb Tayyip Ərdoğan Yunanıstanla müharibəyə başlamaq fikrində olmadıqlarını bildirib.

"Anadolu" agentliyinin məlumatına görə, Ərdoğan münaqişə ehtimalını dəyərləndirib və deyib ki, Ankara Yunanıstanla müharibəyə başlamağı planlaşdırmır.  

Bununla belə, dövlət başçısı Afinanın “sözlərinin arxasında durmadığına” işarə edərək, ölkəsinin hava məkanının 147 dəfə pozulduğunu xatırladıb.

“Qonşuluqda necə yaşayacağıq? Nə etməliyik? Bu işdə mənim Hərbi Hava Qüvvələrim məsuldur. Hərbi Hava Qüvvələri cavab verməsə, vətəndaşlarım nə deyəcək? Hərbi Hava Qüvvələrimizin nə iş gördüyünü soruşacaqlar?" -  prezident sual edib və deyib ki, bir çox ölkələr Türkiyə və Yunanıstanı barışdırmağa çalışır, amma Ankara hələlik belə bir ssenarini nəzərdən keçirmir.

Mayın sonunda Ərdoğan Afinaya ölkəsinə qarşı qeyri-dost münasibətin yolverilməzliyi barədə xəbərdarlıq etmişdi.  Ankara Yunanıstanın Türkiyə yaxınlığındakı adaları silahlandırdığını bildirir və lazım gələrsə, qarşı tərəfə cavab verəcəyinı bəyan edir.  

Dünya

Qərb Ukraynaya daha 1,5 milyard avroluq hərbi yardım göstərəcək

12 Avqust 2022

Açıq mənbələrdən götürülüb

Qərb ölkələri Rusiyanın təcavüzünü dəf etmək üçün Ukraynanın hərbi ehtiyacları üçün bir milyard yarım avrodan çox vəsait ayırmağa söz verib.  "Radio Svoboda" xəbər verir ki, bu barədə avqustun 12-də Kopenhagendə 26 ölkənin müdafiə nazirlərinin konfransında bildirilib. Bu vəsaitdən silah, raket və sursatların tədarükü, Ukrayna üçün silah istehsalının artırılması, ukraynalı əsgərlərin təlimi və Ukraynanın müharibə gedən ərazilərində minaların təmizlənməsi üçün istifadə olunacaq. https://toplum.tv/dunya/ukrayna-krimi-vurdu-rusiyanin-reaksiyasi-nece-olacaq Ukrayna Prezidenti Vladimir Zelenski videobağlantı vasitəsilə Qərb müttəfiqlərindən daha çox maliyyə vəsaiti və silah-sursat istəyib. "Rusiyanı nə qədər tez dayandırsaq, özümüzü bir o qədər tez təhlükəsiz hiss edəcəyik. Müdafiəmiz üçün silah-sursat lazımdır", - deyə Zelenski bildirib. Ukraynanın müdafiə...
Dünya

Türkiyə Krım tatarlarına uzunmüddətli yaşayış icazəsi verməyə başlayıb

12 Avqust 2022

Açıq mənbələrdən götürülüb

Türkiyə Krım tatarlarına uzunmüddətli yaşayış icazəsi verməyə başlayıb. "Anadolu" agentliyi xəbər verib ki, bu barədə ölkənin daxili işlər naziri Süleyman Soylu göstəriş verib.   https://toplum.tv/dunya/ruslar-kutlevi-sekilde-turkiyeden-ev-alir “Avqustun əvvəlindən Türkiyənin Daxili İşlər Nazirliyinin Miqrasiya Xidməti Krım tatarlarına “türk mənşəli həmvətən” statusu əsasında  uzunmüddətli yaşayış icazəsi verməyə başlayıb. Əvvəllər Ahıska türkləri, uyğurlar, Bolqarıstan və Yunanıstandan olan etnik türklər bu statusdan yararlanıblar", - deyə o bildirib.  Qeyd olunub ki, Krım tatarlarına yaşayış icazəsi 2022-ci ilin iyununda daxili işlər naziri Süleyman Soylunun adından verilməyə başlanıb. 

Seçilmiş Videolar

Toplum TV loqo