Dünya

Ermənistan Türkiyəylə münasibətlərin normallaşması üçün Rusiyadan kömək istəyib 

25 Noyabr, 2021
87

Rəsmi səhifə

Mariya Zaxarova

Ermənistan Türkiyə ilə münasibətləri normallaşdırmaq istəyir, o, bu məsələdə vasitəçilik etməsi üçün Rusiyaya müraciət edib. 

"RIA Novosti"-nin noyabrın 25-də verdiyi xəbərə görə, bu barədə Rusiya Xarici İşlər Nazirliyinin sözçüsü Mariya Zaxarova məlumat verib. 

O bildirib ki, ölkəsi Ermənistan-Türkiyə münasibətlərinin normallaşmasında maraqlıdır və dəfələrlə bu barədə bəyan edib. 

"Rusiya hətta iki ölkənin münasibətlərinin normallaşması prosesi üçün çalışıb. Biz bundan sonra da yardım etməyə hazırıq. Bu prosesə başlanılması şübhəsiz ki, bütün regionda cəmiyyətin sağlamlaşmasına və mehriban qonşuluq, etimad mühitinin formalaşmasına töhfə verərdi. Hazırda bu məsələ xüsusilə aktualdır”, - deyə Zaxarova vurğulayıb.

XİN sözçüyü keçirdiyi brifinq əsnasında sabah, noyabrın 26-da Soçi şəhərində Rusiya, Azərbaycan və Ermənistan liderləri arasında keçiriləcək görüş barədə də şərh verib. 

Onun sözlərinə görə,  Rusiya Cənubi Qafqaz regionunda əmin-amanlığın möhkəmlənməsi və dinc həyatın qurulması istiqamətində addımların atılması üçün əlindən gələni edir: "Hazırda əsas diqqət regionda ticari-iqtisadi və nəqliyyat əlaqələrinin bərpasına yönəlib".

Dünya

Avropa Birliyi Belarusa qarşı sanksiyaları təsdiq etdi

2 Dekabr 2021

Rəsmi səhifə

Avropa Birliyinə üzv-ölkələrin daimi nümayəndələri komitəsinin (COREPER) iclasında Lukaşenko rejiminə qarşı sanksiyaların beşinci paketi razılaşdırılıb. Bu barədə "RİA Novosti" xəbər verir.  Qərara əsasən, yeni məhdudiyyətlər imzalanandan və ictimailəşəndən sonra qüvvəyə minəcək. Sanksiyaların AB-nin rəsmi jurnalında bu gün, dekabrın 2-də dərc olunacağı gözlənilir. Yeni sanksiya siyahısına Belarusun 17 rəsmi şəxsi və 11 təşkilatı daxil edilib. Daha əvvəl məlum olmuşdu ki, yeni sanksiyalar AB sərhədlərində miqrasiya böhranını təşkil edən və ya ona yardım edən fiziki və hüquqi şəxslərə, dövlət orqanlarına tətbiq ediləcək. Artıq məlumdur ki, Dövlət Sərhəd Xidmətinin sədri Anatoli Lapko, Qrodno sərhəd dəstəsinin rəisi Konstantin Molostov, DİN-in rəsmi nümayəndəsi Anatoli Qlaz...
Dünya

Belarusda növbədənkənar prezident seçkiləri keçirilə bilər

2 Dekabr 2021

Spiegel

Belarus prezidenti Aleksandr Lukaşenko Belarusun yeni konstitusiyasının qəbulundan sonra növbədənkənar prezident seçkiləri ehtimalını dəyərləndirib.  O, bu barədə “RİA Novosti”yə müsahibəsində danışıb. Lukaşenko bildirib ki, Belarus konstitusiyasına dəyişikliklər haqqında referendumdan sonra parlament və Ümumbelarus məclisinə yeni seçkilər keçiriləcək. Bu zaman o, növbədənkənar prezident seçkilərinin keçiriləcəyini də istisna etməyib. Dövlət başçısı deyib ki, seçkilər əgər “prezident qərar verərsə”, ya da əsas qanununun keçici müddəalarında Belarus prezidentinin seçilməsi üçün başqa müddətlər göstərilərsə, keçirilə bilər. Lukaşenko yeni konstitusiyanın qəbulunun əhəmiyyətini daha əvvəl izah edib. O, bildirib ki, dəyişikliklərin mahiyyəti səlahiyyətlərin bölüşdürülməsi və yeni hakimiyyət strukturunun yaradılmasıdır. Dəyişikliklər qəbul edilərsə, parlament və hökumətin rolu artacaq,...
Seçilmiş Videolar