Dünya

Ermənistanda bu gün kütləvi itaətsizlik aksiyası keçiriləcək

22 Fevral, 2021
57

news.am

Bu gün saat 18:00-da Ermənistanın paytaxtı Yerevanda “Vətənin qurtuluşu uğrunda” hərəkat kütləvi itaətsizlik aksiyası keçirəcək.

"News.am"-ın məlumatına görə, bu barədə “Vətənin qurtuluşu uğrunda” hərəkatının koordinatoru və Daşnaksütyun partiyasının rəsmisi İşxan Saqatelyan bildirib.

Məlumata görə, aksiyada etirazçılar baş nazir Nikol Paşinyan və onun hökumətinin istefa verməsini tələb edəcəklər.

"Bu aksiya bizim digər ləyaqət aksiyalarımızdan fərqlənəcək, çünki bu, itaətsizlik aksiyası olacaq. Bazar ertəsindən etibarən paytaxtda, sonra regionlarda, hətta ən ucqar kəndlərdə də fasiləsiz aksiyalar keçiriləcək. Biz tələsmədən və uzatmadan nazirlər kabinetindən canımızı qurtaracağıq", - deyə Saqatelyan bildirib. 

Ermənistanda Nikol Paşinyan istefasını tələb edən sonuncu kütləvi aksiya fevralın 20-də keçirilib.
 

Dünya

Ermənistan prezidenti Paşinyanın fərmanını yerinə yetirməkdən imtina etdi

2 Mart 2021

Radio Azatutyun

Ermənistan prezidenti Armen Sarkisyan Silahlı Qüvvələrin Baş Qərargah rəisi Onik Qasparyanın istefası ilə bağlı baş nazir Nikol Paşinyanın fərmanını ikinci dəfə imzalamaqdan imtina edib. "Sputnik Ermənistan"ın martın 2-də verdiyi xəbərə görə, bu barədə prezidentin mətbuat xidmətinin məlumatında deyilir. Prezidentin mətbuat xidmətinin məlumatında deyilir ki, Sarkisyan məsələ ilə əlaqədar olaraq Konstitusiya Məhkəməsinə müraciət etmək qərarına gəlib. Prezident Sarkisyanın Konstitusiya Məhkəməsinə müraciəti Baş Qərargah rəisi Onik Qasparyanın vəzifədən azad edilməsi ilə bağlı deyil, Konstitusiya Məhkəməsi vəsatətə və baş nazirin bu vəsatəti göndərməsini mümkün edən qanunvericilik dəyişikliklərinə baxacaq. Düzəliş uyğun sayılarsa, qanuna görə, Paşinyanın fərmanı avtomatik olaraq qüvvəyə minəcək.
Dünya

Gürcüstana koronavirus qarşı vaksinin çatdırılması təxirə salınıb

2 Mart 2021

Pfizer

Gürcüstana COVAX platforması vasitəsilə koronavirusa qarşı peyvəndin çatdırılması daha 2-3 həftə gecikəcək.  "Sputnik Gürcüstan"ın martın 2-də verdiyi xəbərə görə, bunu ölkənin səhiyyə nazirinin müavini Tamar Qabuniya mətbuat konfransında deyib. Rəsmi bildirib ki, Gürcüstan, Ukrayna, Moldova və Bosniya və Hersoqovina “Pfizer” vaksinini fevral ayının sonunadək əldə etməli idi, amma çatdırılma təxirə salınıb.  "Biz COVAX-la əməkdaşlığı davam etdiririk və ləngimənin ən qısa vaxtda aradan qaldırılacağını gözləyirik", - Tamar Qabuniya qeyd edib.  Məlumata görə, Gürcstan COVAX təsisatına 575 min ABŞ dolları köçürüb. Vaksin Gürcüstana çatdırılan kimi peyvəndləməyə başalanacağı bildirilib. 
Seçilmiş Videolar