Dünya
Estoniyanın baş naziri korrupsiya ittihamlarına görə istefa verdi
13 Yanvar, 2021
Baxış: 54
Yuri Ratas
FOTO: Baltija.eu
 
Estoniyanın baş naziri Yuri Ratas vəzifəsindən istefa verdiyini bəyan edib. 

"İnterfaks"ın yanvarın 13-də verdiyi xəbərə görə, bu barədə baş nazir özünün "Feysbuk" hesabında açıqlama yayıb. 

"Siyasətdə çətin vəziyyətləri həll etmək üçün çox çətin seçimlər etməli olursan. Bu gün yaranan vəziyyətlə bağlı dəyərlərimə sadiq qalaraq, Estoniya Respublikasının baş naziri vəzifəsindən istefa vermək qərarına gəldim”,- deyə Ratas qeyd edib.

O, qərarını partiya üzvləri və yaxın həmkarları ilə məsləhətləşmələrdən sonra verdiyini, müxtəlif həll yollarının olduğunu, ancaq yalnız istefa verməyin düzgün qərar olduğunu bəyan edib. 

Ratas ona 4 il Estoniyanın baş naziri vəzifəsində xidmət etmək imkanı yaradıldığına görə təşəkkür edib və siyasətçinin istefaya da hazır olmalı olduğunu deyib. 

Estoniyada Yuri Ratasın üzv olduğu Mərkəzi Partiyaya hüquqi şəxs qismində, partiyanın beş nəfər üzvünə isə fiziki şəxs qismində korrupsiya ittihamları irəli sürülüb. Partiya qanunsuz yol inşaatından bir milyon dollar ianə almaq cəhdində günahlandırılır.
Dünya

Putin Rusiyadakı etiraz aksiyalarına münasibət bildirdi

25 Yanvar 2021

Qazeta.ru

“Rusiyada hər kəs öz fikrini bildirmək hüququna malikdir, lakin qanuni metodlarla...” Rusiya Prezidenti Vladimir Putin yanvarın 23-də “Tatyanin den” münasibətilə keçirilən videokonfransda icazəsiz aksiyaları şərh edərkən belə deyib. “Mən artıq dəfələrlə belə mövzular barədə danışmışam. Qeyd etmək istəyirəm ki, bütün insanlar qanun çərçivəsində öz fikirlərini bildirmək hüququna malikdirlər. Qanundan kənara çıxan hər şey sadəcə əks təsirli deyil, həm də təhlükəlidir. Rusiya öz tarixində dəfələrlə vəziyyətin qanun çərçivəsindən çıxması və bunun cəmiyyəti, dövləti sarsıtmağa gətirib çıxardığı halla qarşılaşıb, bundan təkcə dövləti və cəmiyyəti sarsıdanlar deyil, həm də buna heç bir aidiyyəti olmayan insanlar əziyyət çəkib”, - deyə Rusiya dövlət başçısı vurğulayıb....
Dünya

Cavad Zərif: "Azərbaycanın torpaqlarını geri qaytarmasına görə şadıq"

25 Yanvar 2021

Sosial media

İranın xarici işlər naziri Cavad Zərif dünən gecə Bakıya səfərə çıxmazdan əvvəl Tehran hava limanında jurnalistlərin suallarını cavablandırıb. TRT-nin yanvarın 25-də verdiyi xəbərə görə, nazir Azərbaycan Respublikasına səfəri çərçivəsində regional əməkdaşlıq məsələlərinin müzakirə ediləcəyini deyib. “Qardaş ölkə Azərbaycanın torpaqlarını geri qaytarmasına görə şadıq. Bu gün Azərbaycan torpaqları Azərbaycan xalqının əlindədir. Xalqın azad edilən bölgələrdə tezliklə evlərinə qayıtmaları üçün yardım etmək istəyirik”, - deyə Cavad Zərif bildirib. Nazir deyib ki, Bakıya səfər çərçivəsində azərbaycanlı tərəfdaşlarla Qarabağda sabitlik, sülh və bölgənin yenidən qurulması ətrafında diskusiyalar aparılacaq. Danışıqlarda tranzit yükdaşımaları və Cənub-Şimal nəqliyyat dəhlizi ilə bağlı məsələlər də gündəmdə olacaq.  
Seçilmiş Videolar