Dünya

"Facebook" qlobal böhranın səbəbini açıqladı

5 Oktyabr, 2021
294

Açıq mənbələrdən götürülüb

Mark Zukerberqə 7 milyard dollar zərər dəyib
 
Oktyabrın 5-də "Facebook" şirkəti qlobal böhrana nəyin səbəb olduğunu açıqlayıb.
 
"Şəbəkədəki nasazlıq məlumat mərkəzlərimiz arasında şəbəkə trafikini əlaqələndirməyə cavabdeh olan magistral marşrutlaşdırıcılarda konfiqurasiya dəyişiklikləri səbəbindən baş verib", - şirkətin məlumatında qeyd olunub və həmçinin əlavə edilib ki, trafikdəki nasazlıq məlumat emal edən mərkəzlərin fəaliyyətinə təsir göstərib, bunun da nəticəsində tətbiq və xidmətlərin işi dayanıb.
 
"Facebook" və sahib olduğu "Instagram"-la "WhatsApp" şəbəkələri təxminən 7 saat ərzində istifadəçiləri üçün əlçatan olmayıb.
 
Şirkət istifadəçilərin məlumatlarının oğurlanması barədə iddiaları təkzib edib və heç bir şəbəkə istifadəçinin məlumatlarının oğurlanmadığını vurğulayıb.
 
Dataları toplamaqla məşğul olan "Downdetector" resursunun məlumatına görə, bu, sosial şəbəkə tarixi ərzindəki ən böyük nasazlıqdır. Baş verənlər fonunda sosial şəbəkələrin aktivlərində 5 faizlik eniş baş verib. Şirkətin sahibi Mark Zukerberqə isə demək olar ki, 7 milyard dollar dəyərində ziyan dəyib.

Dünya

Qırğızıstan-Tacikistan sərhədində toqquşma: həlak olanlar var

28 Yanvar 2022

TASS

Qırğızıstan və Tacikistan sərhədində baş verən konfliktdə ölənlərin sayı iki nəfərə çatıb. Bu haqda “Sputnik Tacikistan” məlumat yayıb. Tacikistanın Sərhəd qoşunlarının mətbuat xidməti bildirib ki, insanları sərhədyanı kənddən çıxarmağa çalışarkən təcili yardım maşınının 62 yaşlı sürücüsü Əbdüllətif Şaripov qırğız tərəfdən açılan minaatan zərbəsi nəticəsində həlak olub. Qırğızıstan tərəfindən atılan mərminin həyətində partlaması nəticəsində 1986-cı il təvəllüdlü bir sakinin həlak olması daha əvvəl xəbər verilirdi. Mətbuat xidmətindən bildiriblər ki, konflikt nəticəsində Tacikistan tərəfdə altı hərbçi və dörd mülki şəxs yaralanıb. Qırğızıstan tərəfdə isə 11 hərbçinin yaralandığı bildirilir. İki respublikanın sərhədində atışma dünən başlayıb. Tərəflər münaqişənin başlamasında bir birlərini günahlandırıblar. Daha sonra...
Dünya

NATO Rusiyaya yazılı təhlükəsizlik təkliflərini verdi

27 Yanvar 2022

Rəsmi səhifə

NATO çərşənbə günü Rusiya tərəfinə özünün təhlükəsizlik təkliflərini təqdim edib.  "İnterfaks" bildirir ki, bu barədə təşkilatın Baş katibi Yens Stoltenberq məlumat verib. “Bu gün NATO Rusiyaya yazılı təhlükəsizlik təkliflərini təqdim edib. Biz bunu Birləşmiş Ştatlarla paralel etmişik”, - o,dünən  Brüsseldə jurnalistlərə bildirib. Daha əvvəl xəbər verilirdi ki, ABŞ-ın Moskvadakı səfiri Con Sallivan Rusiyanın təhlükəsizlik təminatları ilə bağlı təkliflərinə Vaşinqtonun yazılı cavabını təqdim edib. Stoltenberq Şimali Atlantika alyansının cavabının Ukraynanı və onun ətrafındakı vəziyyəti əhatə etdiyini bildirib və Rusiyanı gərginliyi azaltmağa çağırıb.  “Rusiya Ukrayna, Gürcüstan və Moldovada bu ölkələrin razılığı olmadan yerləşdirdiyi qüvvələri çıxarmalıdır”, - NATO Baş katibi söyləyib. Stoltenberq Ukrayna...
Seçilmiş Videolar