Dünya

Finlandiya Rusiya ilə sərhəddə hasar çəkmək niyyətindədir

10 İyun, 2022
155

Wikipedia

Finlandiya ilə Rusiyanın sərhədində mühafizə hasarları peyda ola bilər. 

"Svoboda.org" məlumat verir ki, bu barədə Finlandiyanın daxili işlər naziri Krista Mikkonen xəbər yayıb. Hökumət sərhəd xidməti haqqında qanuna dəyişikliklər təklifini iyunun 9-da parlamentə təqdim edib. Dəyişikliklərin mümkün qədər tez qəbul olunacağı gözlənilir.

Hasar tikilməsindən əlavə sərhədçilərin sayının artırılması, texniki müşahidə üçün yeni avadanlıqların və kəşfiyyat təyyarələrinin alınması nəzərdə tutulur. Mikkonen sərhəd xidmətinin “hibrid təsir” təhlükəsinə də hazır olmalı olduğunu vurğulayıb. Bu zaman həmsərhəd ölkənin siyasi təsir məqsədilə üçüncü ölkələrdən miqrasiya dalğasından istifadə etməsi nəzərdə tutulur. Belə hal ötən il Belarus-Polşa sərhədində müşahidə olunub. 

Əcnəbilər haqqında qanuna da dəyişikliklər ediləcək. Sığınacaq barədə müraciətlər elə sərhəd buraxılış məntəqəsində qəbul ediləcək və nəzərdən keçiriləcək. Bu qayda müraciətçinin Finlandiyanın içərilərinə və ya AB ölkələrinə miqrasiyasının qarşısını alacaq. 

Fin-rus quru sərhədinin uzunluğu 1271 kilometrdir. Sərhəddən paytaxt Helsinkiyə qədər olan məsafə isə 200 kilometrə bərabərdir. 

Rusiyanın Ukraynaya qarşı hərbi təcavüzünün başlanmasından sonra bitərəf olan Finlandiya NATO-ya qoşulmaq istədiyini bildirib. Ölkə təşkilata üzv olmaq üçün artıq ərizə ilə müraciət edib, amma hələ ki, Türkiyə buna etiraz edir.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo