Dünya

Haiti prezidentinin qətlində şübhəli bilinən şəxslər saxlanıldı

9 İyul, 2021

362

Reuters

Haiti prezidenti Jovanel Moizini qətlə yetirən əcnəbi muzdlulardan ibarət mütəşəkkil dəstə ən azı 28 nəfərdən ibarət olub.

BBC-nin məlumatına görə, Haiti polisinin təmsilçisi Leon Şarl mətbuata açıqlamasında bildirib ki, araşdırmalar nəticəsində 15 Kolumbiya və 2 ABŞ vətəndaşı saxlanılıb. Əməliyyat zamanı üç kolumbiyalı öldürülüb, daha səkkizinin axtarışı isə davam edir.

Haiti polisinin keçirdiyi mətbuat konfransına saxlanılanlar gətirilib. Onlar əlləri qandallı halda döşəmədə oturublarmış. Mətbuata onlardan müsadirə olunduğu iddia edilən silahlar, Kolumbiya pasportları, ratsiyalar və başqa alətlər nümayiş etdirilib. Leon Şarl qeyd edib ki, polis hazırda cinayət təşkilatçılarını axtarır.

Haiti prezidentinin ölkə paytaxtı Port-o-Prensdəki iqamətgahına hücum iyulun 7-nə keçən gecə baş verib. Müşahidə kameralarında əks olunan görüntülərdə qara geyimli adamlar özlərini ABŞ-ın narkotiklərin dövriyyəsi ilə mübarizə Agentliyinin əməkdaşları kimi təqdim edirlər. Prezident Jovanel Moizin bədənində 12 güllə yarası aşkar edilib. Onun arvadı Martin Moiz də yaralanıb və müalicə üçün ABŞ-a aparılıb.

Prezidentin təhlükəsizlik xidmətinin rəhbərliyi sui-qəsd zamanı passivlikdə şübhəli bilinir. Xidmətin əməkdaşları da istintaqa cəlb olunublar.

Oxşar Xəbərlər

“Əl-Cəzirə”nin jurnalisti öldürülüb

DİN: Bakıda polis nişanlısını öldürəndən sonra intihar edib

Prokurorluq: Bakıda 15 yaşlı oğlan anasını qətlə yetirib

Transgenderi öldürməkdə təqsirləndirilən şəxsə hökm oxundu

Türkiyə Camal Qaşıqçının işini Səudiyyə Ərəbistanına göndərib

Haiti prezidentinin hansı səbəbdən öldürülə biləcəyi açıqlandı

Redaktorun Tövsiyələri

Müştəri restoranda servis haqqı ödəməlidirmi?

Bakıda etiraz aksiyası keçirilib, saxlanıların olduğu deyilir

Siyasi şərhçi: "Rusiya istəyir ki, münaqişə onun monopoliyasında olsun"

“Mətbuat intiharı epidemiya kimi yayır”

Mədəniyyət evlərinin acınacaqlı vəziyyəti – “Büdcədən vəsait ayrılacağı təqdirdə tədbir görüləcək”

55 yaşlı Gülər: "Vaqifi gözləyirəm, gələn kimi qoşulub onunla gedəcəm"

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...

Davamını oxu

Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Davamını oxu