Dünya
Çinlilərdən daha çox uşaq dünyaya gətirmək tələb olunacaq
24 Noyabr, 2020
Baxış: 105
Çində doğuşun azaldılması siyasətinə dəyişiklik etmək barədə qərar verilib. Əhalinin qocalması və işçi qüvvəsinin azalması ilə mübarizə çərçivəsində ölkə vətəndaşlarından dünyaya daha çox uşaq gətirmək tələb olunacaq. 

Bu barədə noyabrın 24-də "China Daily" nəşri məlumat verib.

"Universal ikinci uşaq siyasəti heç bir halda ailə planlaşdırması siyasətinin sonu olmayacaq. Doğuşun, işçi qüvvəsinin və əhalinin strukturunun keyfiyyətinin artımına yönələn daha inklüziv demoqrafik siyasət tətbiq olunacaq”, - bu sözləri Çin Demoqrafiya Assosiasiyasının vitse-prezidenti Yuan Sin deyib. 

O, həmçinin qeyd edib ki, son onilliklərdə demoqrafiya sahəsindəki siyasət doğuşun azalmasını həvəsləndirməyə yönəlib. Sosial və iqtisadi sahələrdəki müvafiq tədbirlər də bunu nəzərdə tuturdu. İndiki dövrdə mütəxəssislər həmin siyasətin yumşaldılmasını istəyirlər. Məsələn, çinli ailələrə üç uşaq dünyaya gətirmək icazəsinin verilməsi, ya da doğuşun məhdudlaşdırılması siyasətinin ləğv edilməsi müzakirə olunur. 

Yuan Sinin sözlərinə görə, yeni qaydaları regionlardakı vəziyyətə uyğun tətbiq etmək lazımdır: "Biz ölkənin qərbindəki bəzi kasıb rayonlarda insanların hələ də çoxuşaqlılığa meylli olduqlarını müəyyən etmişik. Buna görə də ailənin planlaşdırılması siyasətinin yumşaldılması onlara daha çox uşaq dünyaya gətiməyə imkan yaradacaq, bu isə yoxsulluqdan qurtulmağı çətinləşdirəcək”. 

Bu ilin yanvar ayında Çində doğuşun rekord sayda azaldığı bildirilirdi. Bundan başqa, əmək qabiliyyətli 16-59 yaş qrupundakı insanların da sayı azalır: ötən il bu qrupda 890 min nəfər azalma qeydə alınıb. Təşviş doğuran məqamlardan biri də ölkə əhalisinin sürətlə qocalmasıdır.
Dünya

Co Bayden and içdi

20 Yanvar, 2021
Demokrat, keçmiş prezident müavini, 36 illik konqresmen Co Bayden ABŞ-ın 46-cı prezidenti olacaq. TASS agentliyinin yanvarın 20-də verdiyi xəbərə görə, ABŞ-da yeni seçilmiş prezident Co Baydenin inuaqurasiya mərasimi keçirilib.  Yeni prezident çıxışı zamanı  ölkəyə və Konstitusiyaya sadiq qalacağına and içib. Baydenlə bərabər fəxri qonaqlar üçün ayrılan zonada yeni seçilmiş ABŞ-ın 49-cu vitse-prezidenti Kamala Harris və səlahiyyət müddəti bitən vitse-prezident Maykl Pens də əyləşib.    Orada, həmçinin ABŞ-ın keçmiş prezidentləri, seçilmiş Prezidentin ailə üzvləri, ABŞ Ali Məhkəməsinin hakimləri, amerikalı qanunvericilər yer alıb.    Mərasimə qatılan qonaqlar koronavirus pandemiyası səbəbindən sosial məsafə qaydalarına uyğun olaraq əyləşdirilib. Donald Trampın tərəfdarlarının 6 Yanvar Kapitolidəki...
Dünya

İtaliya "Pfizer" şirkətini məhkəməyə verir

20 Yanvar, 2021
İtaliya koronavirusa qarşı vaksinlərin çatdırılmasını yubatdığına görə ABŞ-ın əczaçılıq şirkəti "Pfizer"i məhkəməyə verməyə hazırlaşır. Bu barədə yanvarın 20-də "Rai Nyuz 24" telekanalına müsahibəsində İtaliyanın Regionlar Naziri Françesko Boçça deyib. "Biz əldə olunmuş Avropa sazişləri əsasında məsələyə aydınlıq gətirilməsini və ölkəmizə hörmət edilməsini tələb edirik", - Boçça deyib. Siyasətçi preparatların xəbərdarlıq edilmədən ixtisar edilməsinin qəbuledilməz olduğunu vurğulayıb. Bir neçə gün əvvəl "Pfizer" şirkəti Avropaya çatacaq vaksinlərin sayında ixtisarların baş verəcəyini bəyan edib, şirkət bunu məhsulun modernləşdirilməsiylə izah edib. Bildirilib ki, məhsulun istehsalınının artırılması prosesi gedir: il ərzində 1,3 milyard əvəzinə, 2 milyard doza peyvənd istehsal olunacaq. Hazırda isə zavodlar bunun öhdəsindən...
Seçilmiş Videolar
Menu