Dünya

İranda etiraz aksiyaları davam edir, öldürülənlər var

21 İyul, 2021
110

Sosial Media

İranın Xuzistan əyalətində su təchizatının dayandırılmasına qarşı qarşı etiraz aksiyalarının altıncı günündə ölüm hadisəsi baş verib.

21 iyul gecəsi əyalətin Məhşəhr liman şəhərində bir polis məmuru vurularaq öldürülüb və beləliklə, İzə şəhərində öldürülən nümayişçi Məhəmməd Abdullahi də daxil olmaqla, aksiyalar zamanı həyatını itirənlərin sayı 4 nəfərə çatıb. Bir nəfər ayağından güllə yarası alıb. Məhşəhr qubernatorunun müavini Feridun Benderi İranın rəsmi xəbər agentliyi İRNA-ya bildirib ki, polis məmurunu Taleqani kəndində bir evin damından atəş açaraq öldürüblər, digərini isə ayağından yaralayıblar. Amma ictimai fəallar insanların təhlükəsizlik qüvvələri tərəfindən açılan atəş nəticəsində öldüyünü iddia edirlər (“Associated Press”).

Etiraz aksiyaları Xuzistanın Ahvaz, İzə, Məhşəhr, Xürrəmşəhr, Abadan, Susengerd və Şadegan şəhərlərini əhatə edib.

İzədə yüzlərlə nümayişçi ölkənin dini lideri Əli Xameneiyə qarşı şüarlar səsləndirilib.

Susengerd şəhərində polis nümayişçilərə qarşı gözyaşardıcı qazdan və silahda istifadə edib, etirazçılar təhlükəsizlik qüvvələrinə məxsus tankı yandırıblar (“Reuters”).

Yay aylarında havanın temperaturunun 50 dərəcəyə çatdığı Xuzistan əyalətində əsasən etnik ərəblər yaşayır.

Ölkədə içməli su problemi Xuzistan əyalətinin mühüm su ehtiyatları olan Xur-əl-Əzim körfəzinin və Kerxe çayının quruması, habelə hökumətin suyu Karun çayından digər bölgələrə çatdıracaq layihədən imtina etməsi səbəbindən yaranıb.

İlk aksiyalar iyulun 14-də Həmidiyyə, Bostan, Şadegan, Danyal və Məhşəhr şəhərlərində başlayıb.

Müxalifyönlü xəbər agentliyi HRANA-nın məlumatına görə, bu günlər ərzində İranda işçilərin və fermerlərin mitinqləri də daxil olmaqla, ən az 31 etiraz aksiyası keçirilib.

ABŞ Dövlət Departamentinin Mətbuat Xidmətinin əməkdaşı Jalina Porter qurumun ənənəvi brifinqində İran rəsmilərini aksiyalara müdaxilə etməməyə səsləyib:

"Biz İran hökumətini ümumi fikir azadlığı və dinc toplaşmaq hüququndan istifadə edən vətəndaşları dəstəkləməyə çağırırıq" (TASS).

İran son 50 ilin ən ağır quraqlığıyla üz-üzədir. Su qıtlığı ev təsərrüfatlarına, əkinçiliyə və heyvandarlığa ciddi zərər vurur. Bundan başqa, artıq bir neçə həftədir ki, ölkədə elektrik enerjisi də kəsintilərlə verilir.

İranın su təchizatı və kanalizasiya şirkəti rəhbərinin sözlərinə görə, su böhranı ilə üzləşən 304 şəhərdən 101-i "qırmızı zona" dadır və ciddi su çatışmazlığı yaşayır (“RİA Novosti”).

Dünya

ABŞ Konqresi Rusiyaya qarşı yeni sanksiyalar tələb edir

23 Sentyabr 2021

Açıq mənbələrdən götürülüb

ABŞ-ın Nümayəndələr palatasının reqlament üzrə komitəsi növbəti maliyyə ili üçün (oktyabrın 1-dən başlayır) müdafiə büdcəsinə dəyişiklikləri dəstəkləyib.  RBK xəbər verir ki, konqresmen və Helsinki komissiyasının üzvü Pol Massaro siyahını "Tvitter"də açıqlayıb. Sözügedən siyahı hazırda həbsdə olan Aleksey Navalnının silahdaşları Leonid Volkov və İvan Jdanov tərəfindən hazırlanaraq AB və ABŞ nümayəndələrinə təqdim olunub.  Siyahıda Rusiyanın Baş naziri Mixail Mişustin, Kremlin mətbuat katibi Dmitri Peskov, FTX-nin (FSB) direktoru Aleksandr Bortnikov, Moskva meri Sergey Sobyaninin, həmçinin Rusiya hakimiyyətinə yaxın olan biznesmenlərin, təbliğat ruporu olan media nümayəndələrinin, Duma üzvlərinin və digərlərinin adı var.  Dəyişikliyin mətni demokrat Tom Malinovski və respublikaçı Con Kertis tərəfindən hazırlanıb....
Dünya

Türkiyənin pilotsuz döyüş təyyarəsini istehsal edəcəyi tarix açıqlandı

22 Sentyabr 2021

www.star.com.tr

2023-cü ilə qədər insansız döyüş təyyarə sistemimizi, yəni insansız döyüş təyyarəsi dediyimiz layihəni reallaşdırmağı hədəfləyirik.  "Anadolu Agentliyi"nin bu gün, sentyabrın 22-də verdiyi xəbərə görə, bunu "Baykar" şirkətinin direktoru Selçuk Bayraktar Türkiyədə keçirilən "Take Off" Beynəlxalq İnvestisiya Sammitindəki çıxışı zamanı deyib.  Bayraktar 2022-ci ildə isə “Bayraktar TB3” pilotsuz uçuş aparatının (PUA) ilk uçuşunun keçiriləcəyini bildirib.  Onun sözlərinə görə, “Bayraktar TB3”  insansız müharibə təyyarəsi kimi inqilabi keyfiyyətlərə malik olacaq: o, qısa uçuş zolağı olan gəmilərə enib qalxa biləcək. 
Seçilmiş Videolar