Dünya

Kosova və Serbiya arasında gərginlik: etnik serblər etiraz edirlər

1 Avqust, 2022
380

Açıq mənbələrdən götürülüb

Qismən tanınan Kosova Respublikası hökuməti iyulun 29-da elan edilmiş Serbiya vətəndaşları üçün ölkəyə yeni giriş qaydalarının tətbiqini bir ay müddətinə təxirə salmaq qərarına gəlib.

 Yerli televiziyanın məlumatına görə, Kosova hökuməti bazar ertəsi Serbiya ilə inzibati sərhəddəki keçid məntəqələrində barrikadalar götürülərsə, bu tədbirlərin sentyabrın 1-nə qədər təxirə salınacağını bildirib. Qərarın ABŞ hakimiyyətinin tələbi ilə verildiyi qeyd olunub. 

Bazar günü Kosovanın şimalında yaşayan serblər Serbiya ilə iki əsas sərhəd keçid məntəqəsinin yaxınlığında yolları bağlayıblar. Daha sonra Kosova polisi bildirib ki, buna görə onlar Yarine və Brnjak keçid məntəqələrini insanların və nəqliyyat vasitələrinin keçidi üçün bağlamaq məcburiyyətində qalıblar.

Kosova hökuməti avqustun 1-dən etibarən Serbiyadan respublikaya daxil olanların orada verilmiş şəxsiyyət vəsiqələrini Priştinanın verdiyi sənədlərlə dəyişməyi əmr edib,  bu sənədlərdə etibarlılıq müddəti 3 ayı keçməməlidir. “Azadlıq” radiosunun Balkan xidməti qeyd edir ki, bu tədbir Belqradın Kosova vətəndaşlarının Serbiyaya səfəri zamanı tətbiq etdiyi prosedurdla eynidir. 

https://toplum.tv/dunya/iranda-bir-gunde-3-qadin-edam-edilib

Dəyişikliklər avtomobillərin dövlət nömrə nişanlarına da şamil edilir. Kosovanın şimalında yaşayan serblər hələ də Serb qurumları tərəfindən verilən nömrələrdən istifadə edirlər. 2008-ci ildə Belqraddan müstəqilliyini elan edən Priştina sentyabrın sonunadək Kosova Respublikasının abbreviaturası olan nişanları tətbiq etməkdə israrlıdır.

Yeni məhdudiyyətlər əsasən Kosovanın şimalında, etnik serblərin yaşadığı Kosovska Mitrovitsa şəhərinin sakinlərinə şamil edilməlidir. Serbiya Kosovanın müstəqilliyini tanımır və buna görə də bu şəhəri öz ərazisi hesab edir.

Kosova və Serbiya hakimiyyəti bir-birini sərhəddəki vəziyyəti gərginləşdirməkdə ittiham edib.

Serbiya Prezidenti Aleksandr Vuçiç Kosovanın şimalında etnik serblərin təqib edildiyini açıqlayıb. Bununla belə o qeyd edib ki, dialoqun davam etməsi "bizim üçün son dərəcə vacibdir, biz məsələləri sülh yolu ilə həll etməyi qərara almışıq".

Kosovanın Baş naziri Albin Kurti isə deyib ki, Priştinanın qərarı “Serbiyanın 11 il əvvəl həyata keçirməyə başladığı” prosedura cavabdır.

Kosovadakı beynəlxalq təhlükəsizlik qüvvələri lazım gələrsə, prosesə müdaxilə etməyə hazır olduqlarını bildiriblər.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Avropa Komissiyası dondurulmuş Rusiya aktivlərinin müsadirəsi planını açıqlayıb

30 Noyabr 2022

Açıq mənbələrdən götürülüb

Avropa İttifaqının icra orqanı olan Avropa Komissiyası Rusiyanın hərbi müdaxiləsi nəticəsində Ukraynaya dəymiş zərərin ödənilməsi üçün dondurulmuş Rusiya aktivlərinin müsadirə edilməsi planını təklif edib.  Toplum TV xəbər verir ki, bu barədə Avropa Komissiyasının rəhbəri Ursula fon der Leyen məlumat verib.  Onun sözlərinə görə, bu zərər artıq 600 milyard avronu keçib. https://toplum.tv/dunya/bloomberg-abs-vaqner-qruplasmasini-terror-teskilati-elan-etmeyi-nezerden-kecirir Leyen deyib ki, Rusiya və onun oliqarxları ölkənin yenidən qurulması xərclərini ödəməlidirlər və Avropa hökumətinin Moskvanı zərəri ödəməyə məcbur etmək üçün rıçaqları var. O xatırladıb ki, bu məqsədlər üçün Avropa İttifaqı Rusiya Mərkəzi Bankının 300 milyard avrosunu və rusiyalı oliqarxlara məxsus 19 milyard avro vəsaitini dondurub. Avropa Komissiyası Rusiyanın...
Dünya

Avropa Komissiyası Ukraynanın itkiləri ilə bağlı hissəni silib - YENİLƏNİB

30 Noyabr 2022

Açıq mənbələrdən götürülüb

Avropa Komissiyası Ursula von der Leyenin videomüraciətindən Ukraynanın müharibə nəticəsində 100 mindən çox hərbçi itirməsi ilə bağlı hissəni silib. *** 13:22 Avropa Komissiyasının rəhbəri Ursula fon der Leyen Rusiya işğalı başlayandan bəri Ukraynanın100 min hərbi qulluqçunu itirdiyini bildirib.  Toplum TV xəbər verir ki, bu barədə von der Leyen videomüraciətində deyib. Onun sözlərinə görə, bu ilin fevral ayından bəri “100 mindən çox Ukrayna hərbçisi və 20 mindən çox mülki şəxs həlak olub”. https://toplum.tv/dunya/bloomberg-abs-vaqner-qruplasmasini-terror-teskilati-elan-etmeyi-nezerden-kecirir Rusiyanın müharibədəki itkiləri barədə isə müxtəlif versiyalar var. Kiyev iddia edir ki, indiyədək müharibədə Rusiyanın 100 mindən çox hərbi qulluqçusu həlak olub, Rusiya tərəfi isə bu rəqəmi dəfələrlə...

Seçilmiş Videolar

Toplum TV loqo