Dünya

KTMT qoşunlarının Qazaxıstandan çıxarılma vaxtı açıqlandı

11 Yanvar, 2022
102

Açıq mənbələrdən götürülüb

Kollektiv Təhlükəsizlik Müqaviləsi Təşkilatının (KTMT) sülhməramlı missiyasının Qazaxıstandan çıxarılması iki gün sonra, yanvarın 13-də başlanacaq və proses 10 gün davam edəcək. 

“Sputnik Qazaxıstan”ın yanvarın 11-də verdiyi məlumata görə, bu barədə Prezident Qasım-Comərd Tokayev çıxışında bildirib. 

Dövlət başçısı xarici hərbi kontingentin əsas missiyasının başa çatdığını bildirib. Onun sözlərinə görə, ölkənin bütün regionlarında vəziyyət sabitləşib. 

Bununla yanaşı, Tokayev ölkənin yeni baş nazirinin təyinatı ilə bağlı da sərəncam imzalayıb. Hökumətə hazırda baş nazir səlahiyyətlərini icra edən Əlixan Smaylov rəhbərlik edəcək.

Tokayevin dəyərləndirməsinə görə, ölkədəki iğtişaşlar nəticəsində dövlətə dəyən ümumi zərər 2-3 milyard dollar təşkil edə bilər.

Qazaxıstanda vəziyyət yanvarın 2-də, maye qazın qiymətinin iki dəfə  artırılmasına qarşı ölkənin qərbində yerləşən Mangistau vilayətində etirazlarla gərginləşib. 

Sonrakı günlərdə etirazlar bütün ölkəni bürüyüb və siyasi tələbləri də əhatə edib. Yanvarın 4-5-də Almatı şəhərində və ölkənin müxtəlif bölgələrində etirazçılarla güc strukturları arasında toqquşmalar baş verib. Ölənlər və xəsarət alanlar var. Etirazlar hökumətin istefası və Qazaxıstanın ilk prezidenti Nursultan Nazarbayevin siyasətdən getməsi ilə nəticələnib.

Yanvarın 5-də Prezident Qasım-Comart Tokayevin müraciəti əsasında anti-terror əməliyyatları keçirmək üçün KTMT qoşunları ölkəyə daxil olub.  

Dünya

NATO Rusiyaya yazılı təhlükəsizlik təkliflərini verdi

27 Yanvar 2022

Rəsmi səhifə

NATO çərşənbə günü Rusiya tərəfinə özünün təhlükəsizlik təkliflərini təqdim edib.  "İnterfaks" bildirir ki, bu barədə təşkilatın Baş katibi Yens Stoltenberq məlumat verib. “Bu gün NATO Rusiyaya yazılı təhlükəsizlik təkliflərini təqdim edib. Biz bunu Birləşmiş Ştatlarla paralel etmişik”, - o,dünən  Brüsseldə jurnalistlərə bildirib. Daha əvvəl xəbər verilirdi ki, ABŞ-ın Moskvadakı səfiri Con Sallivan Rusiyanın təhlükəsizlik təminatları ilə bağlı təkliflərinə Vaşinqtonun yazılı cavabını təqdim edib. Stoltenberq Şimali Atlantika alyansının cavabının Ukraynanı və onun ətrafındakı vəziyyəti əhatə etdiyini bildirib və Rusiyanı gərginliyi azaltmağa çağırıb.  “Rusiya Ukrayna, Gürcüstan və Moldovada bu ölkələrin razılığı olmadan yerləşdirdiyi qüvvələri çıxarmalıdır”, - NATO Baş katibi söyləyib. Stoltenberq Ukrayna...
Dünya

Qərb-Rusiya qarşıdurması - Putin Ukraynaya qarşı hücuma keçəcəkmi?

Məzahir Abdurahmanov
27 Yanvar 2022

Açıq mənbələrdən götürülüb

"Putin daha çox blef etməklə, ictimai rəyi çaşdırmaqla, hədə-qorxu gəlməklə  məşğuldur. Rusiyanın müharibəyə başlayacağına inanmıram". Bu sözləri siyasi şərhçi Anar Məmmədli Rusiya ilə Ukrayna arasında müharibənin başlayacağı iddialarını "Toplum TV"-yə şərh edərkən deyib. Rusiya və Ukrayna arasında müharibənin başlaması ehtimalı artır. ABŞ başda olmaqla bir çox Qərb ölkələrinin liderləri, həmçinin NATO rəhbərliyi Rusiya qoşunlarının istənilən an Ukraynaya daxil ola biləcəyi barədə açıqlamalar veriblər. Bəzi dövlətlər Kiyevdəki səfirlik əməkdaşlarının və diplomatların təxliyyəsinə belə start veriblər. Ukrayna Prezidenti Volodimir Zelenski isə mətbuata açıqlamasında bildirib ki, ölkədə və onun ətrafında mövcud vəziyyət nəzarət altındadır, təlaşa səbəb yoxdur: "Milli Təhlükəsizlik və Müdafiə Şurasının iclası...
Seçilmiş Videolar