Dünya

Liviyada vətəndaş müharibəsi aparan tərəflər vahid hökumət qurdu

11 Mart, 2021

1056

AFP

Liviyada vətəndaş müharibəsində iştirak edən əsas tərəflər vahid hökumətin tərkibini təsdiq edib.

"Radio Svoboda"nın martın 11-də verdiyi xəbərə görə, parlamentin iclası Tripoli ilə Benqazi arasındakı Sirt şəhərində baş tutub. Bu iki şəhər yeddi il ərzində bütün ölkəyə nəzarət uğrunda müharibə aparan iki administrasiyanın faktiki paytaxtı idi.

Məlumata görə, yeni hökumət əvvəlki iki administrasiyanı əvəz etməlidir. Açıq səsvermə zamanı yeni hökuməti 132 deputat dəstəkləyib, 2 nəfər onun əleyhinə səs verib, daha 36 nəfər isə tədbirdə iştirak etməyib. Yeni hökumətin ümumi seçkilərin keçiriləcəyi 2021-ci ilin dekabr tarixinə qədər dövləti idarə etməsi gözlənilir.

Liviyada vətəndaş müharibəsi Müəmmər Qəddafi rejiminin 2011-ci ildə devrilməsindən sonra başlamışdı. Ölkənin qərbini və paytaxt Tripolini Milli Həmrəylik hökuməti idarə edirdi. Şərq və cənubun bir hissəsini isə seçilmiş parlament. Tripoli hökuməti BMT tərəfindən tanınsa da, digər tərəf müxtəlif Qərb ölkələri tərəfindən dəstəklənirdi.

Parlamentin adından hərəkət edən və feldmarşal Xəlifə Həftərin başçılıq etdiyi qoşunlar Milli Həmrəylik hökumətinin paytaxtı Tripolini almağa yaxın olduqları zaman Türkiyənin müdaxiləsindən sonra geri oturdulmuşdular. Bundan sonra ölkənin bütün ərazisində müharibənin dayandırılmasını, koronavirus pandemiyası ilə mübarizə aparılmasını və iqtisadi sabitliyin təmin olunmasını tələb edən vətəndaş etirazları bürümüşdü.

Yeni hökumətin formalaşması – BMT planının tərkib hissəsidir. Hökumətdə 33 nazir, iki baş nazir müavini olacaq. Baş nazir vəzifəsini Abdel Həmid Mohammad Dbeyba tutacaq. Tripolidəki ABŞ səfiri parlamentin sözügüdən iclasını “tarixi” hadisə adlandırıb. BMT də əldə olunan nəticəni alqışlayıb.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Oxşar Xəbərlər

Ukrayna İrana sanksiyalar qoymağa hazırlaşır

Ərdoğanın qələbəsindən sonra lirə rekord həddə düşüb

Kılıçdaroğlu: Bu, tariximizin ən ədalətsiz seçki dövrü idi

Avropa İttifaqı ölkələri Rusiyanın 200 milyard avroluq aktivlərini dondurub

Britaniyalı ekspertlər: Rusiya ordusu indi daha yaxşı döyüşür

Kiyev: Ukraynanın əks-hücum əməliyyatı artıq başlayıb

Redaktorun Tövsiyələri

Paşinyan Əliyevin açıqlamasından və Moskvadakı görüşdən narazı qalıb

Qarabağ separatçıları Əliyevə cavab verdi

Ukrayna İrana sanksiyalar qoymağa hazırlaşır

"Narkotik ittihamı ilə tutub, casus kimi tanıdırlar" - Dindarlar etiraz etdi

Ərdoğanın qələbəsindən sonra lirə rekord həddə düşüb

Cümhuriyyətin 105 yaşı polis nəzarətində keçdi

Dünya

Ukrayna İrana sanksiyalar qoymağa hazırlaşır

Toplum TV

29 May 2023

PBS

Ukrayna Prezidenti Volodimir Zelenski parlamantə İrana qarşı 50 il müddətinə sanksiyaların tətbiqinə dair qətnamə layihəsi təqdim edib. Toplum TV "Radio Svoboda"-ya istinadən xəbər verir ki, sənədə əsasən, sanksiyalara digər məsələlərlə yanaşı, ticarət əməliyyatlarına tam qadağa qoyulması, resursların tranzitinin dayandırılması və Ukrayna ərazisində İran sakinlərinin kapitalının bloklanması daxildir. https://toplum.tv/dunya/pavropa-ittifaqi-oumllkeleri-rusiyanin-200-milyard-avroluq-aktivlerini-dondurubp Ukraynanın iqtisadiyyat naziri Yuliya Sviridenkonun sözlərinə görə, sanksiyaların tətbiqinə səbəb Tehranın Moskvaya göstərdiyi hərbi yardımdır. Kiyev Tehranı Rusiyanı Ukraynanın kritik infrastrukturuna hücum üçün istifadə olunan silahlarla, xüsusən də "Şahed" dronları ilə təchiz etməkdə ittiham edir. Tehran isə iddia edir ki, Rusiyaya az sayda pilotsuz təyyarələr verib, amma bu, müharibə başlamazdan əvvəl olub. ...

Davamını oxu

Dünya

Ərdoğanın qələbəsindən sonra lirə rekord həddə düşüb

Toplum TV

29 May 2023

Açıq mənbələrdən götürülüb

Türkiyədə prezident seçkililərinin ikinci turunda Rəcəb Tayyib Ərdoğanın qələbəsi rəsmiləşəndən sonra lirə dollar qarşısında rekord həddə ucuzlaşıb. Toplum TV CNBC-yə istinadən xəbər verir ki, valyuta bu gün, mayın 29-u yerli vaxtla səhər saat 11:00 radələrində ABŞ dolları qarşısında qısa müddət ərzində 20 həddini keçərək ötən həftənin rekordunu təzələyib. Dünyanın aparıcı maliyyə xidməti şirkəti "Wells Fargo"-nun valyuta strateqi Brendan Makkenna CNBC-yə açıqlamasında deyib ki, Ərdoğanın yenidən prezident seçilməsi nəticəsində türk lirəsi ilə bağlı bədbin proqnozlar artır. https://toplum.tv/dunya/pkiliccedildaroglu-bu-tariximizin-en-edaletsiz-seccedilki-doumlvruuml-idip McKenna lirənin ikinci rübün sonuna kimi dollara nisbətdə 23-ə, gələn ilin əvvəlində isə 25-ə çataraq ən aşağı səviyyəyə düşəcəyini proqnozlaşdırır. Son beş ildə lirə...

Davamını oxu