Dünya

Meqan Markl Britaniya kral ailəsini irqçilikdə ittiham etdi

9 Mart, 2021
739

Fashionista

Sasseks hersoginyası intihar etmək barədə də düşündüyünü etiraf edib

Böyük Britaniyanın taxt-tacdan imtina etmiş şahzadəsi Harri və onun həyat yoldaşı Meqan Marklın martın 8-də amerikalı teleaparıcı Opra Uinfriyə verdikləri müsahibə böyük söz-söhbətə səbəb olub. 

Xüsusilə Meqan Marklın açıqlamaları ölkədə böyük ajiotaj yaradıb. O, CBS kanalında yayımlanan müsahibəsində Britaniya kral ailəsində irqçiliyin mövcud olmasına dair eyham vurub. Bildirib ki, birinci hamiləliyi zamanı saray nümayəndələrindən bəziləri onun gələcək oğlunun dəri rənginə görə narahatlıq keçiriblər və  Arçi anadan olandan sonra dərisinin "nə qədər qara olacağı haqqında müzakirələr olub".

Onun sözlərinə görə, kral ailəsi nümayəndələri körpənin şahzadə olmayacağını və şəxsi mühafizə əldə etməyəcəyini bəyan edəndə şoka düşüb: “Onun şahzadə olmasını istəmirdilər və protokolu pozmaq niyyətində idilər”. 

Bu zaman Meqan Markl kral ailəsindən məhz kimin belə söhbətlərin təşəbbüskarı olması barədə suala cavab verməkdən imtina edib və “ailəyə həddən artıq böyük zərər vurmaq” istəmədiyini deyib.

Şahzadə Harri və Meqan Marklın (Sasseks hersoqu və hersoqinyası) ilk uşağı 2019-cu il mayın 6-da anadan olub. Uşağı Arçi Harrison Mauntbatten-Vindzor adlandırıblar. 

Müsahibəsi zamanı Meqan Markl onu da etiraf edib ki, sarayda yaşayarkən intihar etmək barədə düşünüb: "Mən utanırdım, Harriyə etiraf etməkdən utanırdım. Amma bilirdim ki, əgər ona deməsəm, bunu həqiqətən edəcəyəm. Bu, çox aydın, gerçək və qorxulu dərəcədə fasiləsiz düşüncə idi".

Müsahibə yayılmazdan əvvəl "The Times" qəzeti Meqan Markl haqqında bir neçə neqativ məqalə dərc edib. Məqalələrin birində Meqan Səudiyyə Ərəbistanının vəliəhd şahzadəsi Məhəmməd ibn Salman əl-Saudun bağışladığı sırğaları taxdığına görə tənqid edilib. Bunun 2018-ci ildə, jurnalist Camal Qaşıqçının qətlindən az sonra baş verdiyi bildirilib. Həmin qətlin vəliəhdin əmri ilə törədildiyi iddia olunur.

"Daily Mail" və digər Britaniya tabloidləri isə Böyük Britaniya kraliçasının 99 yaşlı əri şahzadə Filippin səhhətinin pisləşməsi səbəbindən müsahibənin yayımının ləğvinə çağırıblar. Onu fevralın 17-də infeksion xəstəliklər xəstəxanasına yatırıblar, daha sonra ürəyində əməliyyat olunub, o hələ də xəstəxanadadır.

Şahzadə Harri və Meqan Markl Böyük Britaniya kral ailəsinin üzvləri kimi öhdəliklərinin yerinə yetirilməsini 2020-ci il aprelin 1-dən dayandırıblar. ABŞ-a köçmək, işləmək və sahibkarlıq fəaliyyəti ilə məşğul olmaq üçün “Sizin kral alihəzrətiniz” müraciətindən, dövlət tərəfindən maliyyələşmədən və "Sussex Royal" ticarət markasından imtina etməli olublar. Harri və Meqan "Neftlix" şirkəti ilə müqavilə imzalayandan sonra kral ailəsindən maliyyə müstəqilliyinə nail olublar.

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo