Dünya

Nazarbayevin qızı yeri bilinməsin deyə sosial şəbəkə hesablarını silib

14 Yanvar, 2022
394

Açıq mənbələrdən götürülüb

Qazaxıstanın keçmiş prezidenti Nursultan Nazarbayevin qızı Aliyə sosial şəbəkə hesablarını qəfildən ləğv edib. 

"Znak" xəbər verir ki, hadisə "İnstaqram"-ın Aliyənin BƏƏ-də olduğunu müəyyənləşdirəndən sonra baş verib. 

Aliyə öz ailə üzvləri arasında Qazaxıstandakı etirazları şərh edən birinci adam idi. Bu zaman istifadəçilər fikir veriblər ki, "İnstaqram" avtomatik olaraq onun geolokasiyasını BƏƏ kimi göstərib. Nazarbayevanın "Meta" kompaniyasının sosial şəbəkələrindəki akkauntları verifikasiyadan keçmişdi  Bu isə o deməkdir ki, həqiqətən də ona məxsusdur. 

“The Sunday Telegraph” qəzeti daha əvvəl xəbər verirdi ki, Aliyə Nazarbayeva hələ 2006-cı ildə ölkədən 300 milyon dollar çıxararaq Londonda, Dubayda daşınmaz əmlak və şəxsi təyyarə alıb. Bu barədə faktlar Aliyə və onun maliyyə müşavirləri arasında narazılıq yaranandan sonra ortaya çıxıb.

Qazaxıstanda vəziyyət yanvarın 2-də, maye qazın qiymətinin iki dəfə  artırılmasına qarşı ölkənin qərbində yerləşən Mangistau vilayətində etirazlarla gərginləşib. Sonrakı günlərdə etirazlar bütün ölkəni bürüyüb və siyasi tələbləri də əhatə edib. Yanvarın 4-5-də Almatıda etirazçılarla güc strukturları arasında toqquşmalar baş verib. Ölənlər və xəsarət alanlar var. Etirazlar hökumətin istefası və Qazaxıstanın ilk prezidenti Nursultan Nazarbayevin siyasətdən getməsi ilə nəticələnib.

Nazarbayevlərin ölkədə getmələri barədə informasiya yayılsa da, onların harada olduqları hələ məlum deyil.

Dünya

Qərb Ukraynaya daha 1,5 milyard avroluq hərbi yardım göstərəcək

12 Avqust 2022

Açıq mənbələrdən götürülüb

Qərb ölkələri Rusiyanın təcavüzünü dəf etmək üçün Ukraynanın hərbi ehtiyacları üçün bir milyard yarım avrodan çox vəsait ayırmağa söz verib.  "Radio Svoboda" xəbər verir ki, bu barədə avqustun 12-də Kopenhagendə 26 ölkənin müdafiə nazirlərinin konfransında bildirilib. Bu vəsaitdən silah, raket və sursatların tədarükü, Ukrayna üçün silah istehsalının artırılması, ukraynalı əsgərlərin təlimi və Ukraynanın müharibə gedən ərazilərində minaların təmizlənməsi üçün istifadə olunacaq. https://toplum.tv/dunya/ukrayna-krimi-vurdu-rusiyanin-reaksiyasi-nece-olacaq Ukrayna Prezidenti Vladimir Zelenski videobağlantı vasitəsilə Qərb müttəfiqlərindən daha çox maliyyə vəsaiti və silah-sursat istəyib. "Rusiyanı nə qədər tez dayandırsaq, özümüzü bir o qədər tez təhlükəsiz hiss edəcəyik. Müdafiəmiz üçün silah-sursat lazımdır", - deyə Zelenski bildirib. Ukraynanın müdafiə...
Dünya

Türkiyə Krım tatarlarına uzunmüddətli yaşayış icazəsi verməyə başlayıb

12 Avqust 2022

Açıq mənbələrdən götürülüb

Türkiyə Krım tatarlarına uzunmüddətli yaşayış icazəsi verməyə başlayıb. "Anadolu" agentliyi xəbər verib ki, bu barədə ölkənin daxili işlər naziri Süleyman Soylu göstəriş verib.   https://toplum.tv/dunya/ruslar-kutlevi-sekilde-turkiyeden-ev-alir “Avqustun əvvəlindən Türkiyənin Daxili İşlər Nazirliyinin Miqrasiya Xidməti Krım tatarlarına “türk mənşəli həmvətən” statusu əsasında  uzunmüddətli yaşayış icazəsi verməyə başlayıb. Əvvəllər Ahıska türkləri, uyğurlar, Bolqarıstan və Yunanıstandan olan etnik türklər bu statusdan yararlanıblar", - deyə o bildirib.  Qeyd olunub ki, Krım tatarlarına yaşayış icazəsi 2022-ci ilin iyununda daxili işlər naziri Süleyman Soylunun adından verilməyə başlanıb. 

Seçilmiş Videolar

Toplum TV loqo