DW
Niderland polisi sərt karantin əleyhinə keçirilən etiraz aksiyaları zamanı 150-dən çox nümayişçini saxlayıb.
Bu barədə yanvarın 26-da NOS televiziya kanalı məlumat verib.
Məlumata görə, etiraz aksiayları ölkə miqyasında çox sayda şəhəri əhatə edib. İğtişaşlar zamanı ən azı 151 nəfər saxlanılıb. Həbslərin 1/3-i etirazçılarla polislər arasında toqquşmaların baş verdiyi Rotterdam şəhərinin payına düşüb. Burada etirazçılar polisə daş və petarda atıblar.
Hadisələr Haarlem, Haaqa, Helmond və Zvolle şəhərlərində də eyni ssenari üzrə cərəyan edib. Hertogenbosda etirazçılar mağazaları qarət ediblər və bir avtomobili yandırıblar. Amsterdamda nümayişçilər polis maşının aşırmağa cəhd göstəriblər. Polis nümayişçiləri dağıtmaq üçün su şırnaqlarından və gözyaşardıcı qazdan istifadə edib.
Hökumətin komendant saatı tətbiq etməsinə görə başlayan etirazlar iki gündür ki, davam edir. Baş nazir Mark Rütte etiraz aksiyalarını “cinayətkar zorakılıq” adlandıraraq qınayıb.
Niderlandda dekabrın ortalarından tətbiq olunan sərt karantinin müddəti bir qədər əvvəl fevralın 9-na qədər uzadılıb. Karantin çərçivəsində Zanbaqlar Ölkəsində demək olar ki, bütün mağazalar, restoranlar və kafelər, muzey və kinoteatrlar, parklar və idman zalları bağlıdır, bütün təhsil müəssisələri distant fəaliyyət göstərir. Bundan əlavə, ölkədə İkinci Dünya Müharibəsindən sonra ilk dəfə komendant saatı tətbiq olunub. Vətəndaşların saat 21.00-dan 04.30-a kimi evlərini tərk etmələri qadağan edilib. Polis komendant saatının pozulmasına görə artıq beş mindən çox cərimə tətbiq edib.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Açıq mənbələrdən götürülüb
Açıq mənbələrdən götürülüb
Makron Avropadakı müttəfiqləri qorxaq olmamağa çağırıb
Neft gəlirləri ədalətli bölünürmü? - SORĞU
İranla münasibətlər bərpa olunur, azərbaycanlı diplomatlar qayıdacaq
"Arxa cəbhədə olmuşuq deyə veteranlıq vermirlər"
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər