Dünya

Nobel sülh mükafatı jurnalistlərə verildi

8 Oktyabr, 2021
259

Rəsmi səhifə

Sülh üzrə Nobel mükafatı rusiyalı və filippinli jurnalistə verilib.
 
Qurumun rəsmi "Tvitter" hesabında oktyabrın 8-də verilən məlumata görə, Rusiyanın "Novaya Gazeta" nəşrinin baş redaktoru Dmitri Muratov və filippinli jurnalist Mariya Ressa "demokratiya və dayanıqlı sülh üçün əsas şərt olan ifadə azadlığını qorumaq səylərinə görə" mükafata layiq görülüblər.
 
Dmitri Muratov - rusiyalı jurnalist, teleaparıcı, "Novoya Gazeta"-nın həmtəsisçisi və baş redaktorudur. O, Nobel sülh mükafatına layiq görülən üçüncü rus olub. Ondan əvvəl fizik və hüquq müdafiəçisi Andrey Saxarov ilə SSRİ-nin ilk prezidenti Mixail Qorbaçov təltif edilmişdi.
 
Mariya Ressa - jurnalist və yazıçıdır. O, "Rappler" xəbər saytının həmtəsisçilərindən biridir. Ressa 20 il Cənub-Şərqi Asiya üzrə müxbir kimi fəaliyyət göstərib.
 
Bu il Nobel sülh mükafatına 234 şəxs və 95 təşkilat namizəd idi.
 
2020-ci ildə mükafata BMT-nin Ümumdünya Ərzaq Proqramı layiq görülmüşdü.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo