Dünya

Odessa ətrafına raket zərbələri nəticəsində ölənlərin sayı artır

1 İyul, 2022
236

DW

Ukrayna hökuməti gecə radələrində Rusiya hərbi qüvvələrinin Odessa ətrafındakı yaşayış binası və istirahət mərkəzinə raket hücumu nəticəsində 17 nəfərin öldüyünü və 30-dan çox insanın yaralandığını bildirib.

“İyulun 1-də səhər saat bir radələrində Belqorod-Dnestrovski rayonunun şəhər tipli qəsəbəsinə raket hücumu nəticəsində doqquzmərtəbəli yaşayış binası qismən dağılıb, ardınca ona bitişik mağazada yanğın baş verib”, - Ukraynanın Fövqəladə Hallar üzrə Dövlət Xidmətinin bəyanatında deyilir. 

Qurumdan bildirilib ki, dağıntılar altından üçü uşaq olmaqla 7 nəfər xilas edilib. Xilasetmə işləri davam edir.

Ukraynanın “Cənub” operativ komandanlığı bildirir ki, zərbə Rusiyanın "Tu-22" strateji təyyarəsindən üç "X-22" raketi ilə endirilib.

Rusiya Müdafiə Nazirliyi hələ ki, məsələyə münasibət bildirməyib.

Odessaya hücum Rusiya Müdafiə Nazirliyinin Ukraynanın Qara dənizdəki İlan adasından qarnizonun çıxarılmasını “xoşməramlı addım kimi” elan etməsindən bir gün sonraya təsadüf edib. Qara dənizin şimal-qərb hissəsindəki ada Odessa regionunda sahilə nəzarət və Odessa limanına yaxınlaşmaq üçün vacibdir.

Dünya

Qərb Ukraynaya daha 1,5 milyard avroluq hərbi yardım göstərəcək

12 Avqust 2022

Açıq mənbələrdən götürülüb

Qərb ölkələri Rusiyanın təcavüzünü dəf etmək üçün Ukraynanın hərbi ehtiyacları üçün bir milyard yarım avrodan çox vəsait ayırmağa söz verib.  "Radio Svoboda" xəbər verir ki, bu barədə avqustun 12-də Kopenhagendə 26 ölkənin müdafiə nazirlərinin konfransında bildirilib. Bu vəsaitdən silah, raket və sursatların tədarükü, Ukrayna üçün silah istehsalının artırılması, ukraynalı əsgərlərin təlimi və Ukraynanın müharibə gedən ərazilərində minaların təmizlənməsi üçün istifadə olunacaq. https://toplum.tv/dunya/ukrayna-krimi-vurdu-rusiyanin-reaksiyasi-nece-olacaq Ukrayna Prezidenti Vladimir Zelenski videobağlantı vasitəsilə Qərb müttəfiqlərindən daha çox maliyyə vəsaiti və silah-sursat istəyib. "Rusiyanı nə qədər tez dayandırsaq, özümüzü bir o qədər tez təhlükəsiz hiss edəcəyik. Müdafiəmiz üçün silah-sursat lazımdır", - deyə Zelenski bildirib. Ukraynanın müdafiə...
Dünya

Türkiyə Krım tatarlarına uzunmüddətli yaşayış icazəsi verməyə başlayıb

12 Avqust 2022

Açıq mənbələrdən götürülüb

Türkiyə Krım tatarlarına uzunmüddətli yaşayış icazəsi verməyə başlayıb. "Anadolu" agentliyi xəbər verib ki, bu barədə ölkənin daxili işlər naziri Süleyman Soylu göstəriş verib.   https://toplum.tv/dunya/ruslar-kutlevi-sekilde-turkiyeden-ev-alir “Avqustun əvvəlindən Türkiyənin Daxili İşlər Nazirliyinin Miqrasiya Xidməti Krım tatarlarına “türk mənşəli həmvətən” statusu əsasında  uzunmüddətli yaşayış icazəsi verməyə başlayıb. Əvvəllər Ahıska türkləri, uyğurlar, Bolqarıstan və Yunanıstandan olan etnik türklər bu statusdan yararlanıblar", - deyə o bildirib.  Qeyd olunub ki, Krım tatarlarına yaşayış icazəsi 2022-ci ilin iyununda daxili işlər naziri Süleyman Soylunun adından verilməyə başlanıb. 

Seçilmiş Videolar

Toplum TV loqo