Dünya
Pens Trampı hakimiyyətdən uzaqlaşdırmaqdan imtina etdi
13 Yanvar, 2021
Baxış: 57
FOTO: Sosial media

ABŞ-ın vitse-prezidenti Mayk Pens fəaliyyətdə olan prezident Donald Trampı hakimiyyətdən uzaqlaşdırmaqdan imtina edib. 

Bu barədə yerli vaxtla yanvarın 12-də "USA Today” məlumat verib.

Trampı hakimiyyətdən uzaqlaşdırmaq üçün ölkə konstitusiyasının 25-ci düzəlişdən istifadə etməyə çağırılan Pens bu addımı atmayıb.

"Hadisələrin bu cür inkişafının ölkənin maraqlarına və ya konstitusiyaya uyğun olduğunu düşünmürəm”, - deyə vitse-prezident cavab verib.

Vitse-prezident Trampın səlahiyyət müddətinin bitməsinə cəmi səkkiz gün qaldığından impiçmentin yersiz olduğunu deyib. O, 25-ci düzəlişin bu şəkildə tətbiq edilməsinin çox pis presedent yaradacağını bildirib.

Pens ABŞ Konqresini cəmiyyəti daha da parşalayacaq və ya qarşıdurmanın artmasına səbəb ola biləcək addımlardan çəkinməyə çağırıb. O, əmin edib ki, hakimiyyətin dinc yolla ötürülməsi prosesində iştirak edəcək. 

ABŞ Konqresinin Nümayəndələr Palatası vitse-prezident Mayk Pensi hazırkı prezident Donald Trampı hakimiyyətdən uzaqlaşdırmağa çağıran qətnamə qəbul edib.

Məlumata görə, 223 deputat qətnamənin lehinə, 205 deputat əleyhinə səs verib.

Qətnamə vitse-prezidenti dövlət başçısının vəzifələrini icra edə bilməməsi ilə bağlı konstitusiyanın 25-ci düzəlişin müddəalarından istifadə etməyə çağırır. Belə olan halda Pens administrasiya üzvlərinin böyük əksəriyyətinin dəstəyi ilə D. Trampı istefaya göndərə və onun yerini tuta bilər.


Dünya

Tramp haqqında çıxarılmış iki impiçment qərarı nə mənaya gəlir? - Analiz

22 Yanvar 2021
Donald Tramp ABŞ tarixində yeganə prezidentdir ki, Nümayəndələr palatası onun haqqında iki dəfə impiçment hökmü çıxarıb. İlk dəfə 2019-cu ilin dekabrında hakimiyyətdən sui-istifadəyə (O, Ukrayna hökumətinə təzyiq göstərməkdə ittiham edilirdi) və Konqresin araşdırmasına əngəllər yaratdığına görə. İkinci dəfə isə 2021-ci ilin yanvarında qiyama təhrik etməyə görə. Vəzifəsini tərk edən prezident üçün impiçment nə deməkdir? ABŞ Konqresinin aşağı palatasından – Nümayəndələr palatasından impiçment qərarının çıxması prezidentin dərhal vəzifədən kənarlaşdırılması mənasına gəlmir. Bunun üçün Konqressin yuxarı palatası – Senat impiçment üzrə xüsusi mühakimə iclasında 2/3 səs çoxluğu ilə onu günahkar bilməlidir. ABŞ Nümayəndələr palatası cəmi üç prezidentə qarşı impiçment hökmü çıxarıb: Endrü...
Dünya

Kasıb ölkələrə "Pfizer" vaksini göndəriləcək
 

22 Yanvar 2021
"Pfizer/BioNTech" şirkətlərinin koronavirusa qarşı istehsal etdiyi vaksin Ümumdünya Səhiyyə Təşkilatının COVAX proqramı çərçivəsində kasıb ölkələrə də çatdırılacaq. Bu barədə yanvarın 22-də "Röyters" xəbər verib. Məlumata görə, "Pfizer"in kasıb ölkələrə çatdırılması ilə bağlı təfərrüatlar hələlik məlum deyil, amma həcmin o qədər də böyük olmayacağı ehtimal edilir. Buna səbəb kimi COVAX proqramının həyata keçirildiyi ölkələrdə peyvəndin əsasən tibb işçiləri üçün nəzərdə tutulması göstərilir. COVAX vasitəsilə "Pfizer" vaksinlərinin kasıb ölkələrə fevraldan etibarən çatdırılacağı bildirilib. Daha əvvəl Ukrayna və Gürcüstan kimi post-Sovet ölkələrinin hökumətləri ilin birinci rübündə "Pfizer" vaksinlərini əldə edəcəklərini bildirmişdilər. Amma doza sayının yüksək olmayacağı bildirilib. Gürcüstanın cəmi 700 min doza "Pfizer"...
Seçilmiş Videolar