Dünya

Pakistan İran ərazisini bombalayıb

18 Yanvar, 2024
155

Açıq mənbələrdən götürülüb

İran ərazisi bombalanıb

Yanvarın 18-nə keçən gecə Pakistan ordusu İranın Sistan və Bəlucistan əyalətindəki rayonları raket və dronlarla atəşə tutub.

Toplum TV xəbər verir ki , Pakistan hücum ərəfəsində birtərəfli qaydada İranla sərhədlərini bağlayıb. Daha sonra İran ərazisindəki hədəfləri bombalamağa başlayıb.

Hücum əməliyyatı çərçivəsində bir neçə terrorçunun məhv edildiyi bildirilir.

Rəsmi İslamabad İran ərazisinə zərbələrin endirilməsinin yeganə məqsədinin Pakistanın təhlükəsizliyini və milli maraqlarını təmin etmək olduğunu bildirib.

İran təhlükəsizlik qüvvələrinin sözçüsü isə Press TV-yə bildirib ki, İran Pakistan Hərbi Hava Qüvvələrinin ölkə ərazisinə endirdiyi zərbələrlə bağlı İslamabaddan izahat tələb edib. 

İran tərəfi həmçinin hücum zamanı mülki sakinlərin həlak olduğunu bildirib.

Qeyd edək ki, yanvarın 17-də də İran tərəfi Pakistan ərazisini terrorçuları hədəf aldığını bildirərək raket və dronlarla bombalamışdı.

Hücumdan dərhal sonra Pakistan İrana hücumun ağır nəticələrə səbəb ola biləcəyi barədə xəbərdarlıq etmişdi.

 

 

 

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Navalnı ilə vidalaşma mərasimində izdiham yaşanıb

1 Mart 2024

Sosial Media

Rusiyalı mərhum siyasətçi Aleksey Navalnının dəfn mərasimi bu gün Moskva yaxınlığındakı Müqəddəs Məryəmin İkonası Kilsəsində baş tutub. Toplum TV "Meduza" onlayn nəşrinə istinadən xəbər verir ki, kilsədəki vidalaşma mərasiminə yalnız qohumlar və yaxınlar buraxılıb. Açıq tabut mərasimindən sona tabut kilsədən çıxarılıb və qəbiristanlığa aparılıb. Vidalaşma mərasiminin 20 dəqiqədən də az çəkdiyi bildirilib.  Mərasim vaxtı ərazidə çox sayda polis nəzərə çarpıb, kilsə ərazisi metal hasarlarla əhatə olunub. Navalnı ilə vidalaşmaq istəyənlərin sırasının isə bir kilometrdən çox uzandığı qeyd olunub.  Əraziyə toplaşan insanlar vaxtaşırı "Navalnı!" və "Biz bağışlamayacağıq!" kimi şüarlar səsləndiriblər.  ABŞ-ın Rusiyadakı səfirinin, həmçinin Almaniya və Fransa səfirlərindən ibarət nümayəndə heyətinin...
Dünya

Ermənistan Rusiya sərhədçilərinin çıxarılması məsələsini müzakirə edir

1 Mart 2024

Açıq mənbələrdən götürülüb

Ermənistan rəhbərliyi rus sərhədçilərinin Yerevanın "Zvartnots" hava limanından çıxarılması məsələsini müzakirə edir. Toplum TV xəbər verir ki, bu barədə martın 1-də jurnalistlərə açıqlamasında parlamentdəki hakim “Vətəndaş müqavilə” fraksiyasının katibi Artur Hovhannisyan bildirib. “Bu məsələ həm bizi, həm də cəmiyyətimizin əksəriyyətini narahat edir. Partiyamız daxilində müzakirələr gedir, lakin hələlik heç bir qərar yoxdur”, - Hovhannisyan açıqlamasında bildirib.  Rusiya sərhədçilərinin hava limanından çıxarılması ehtimalını fraksiyanın digər deputatı Vladimir Vardanyan da şərh edib. O qeyd edib ki, ölkənin hava sərhədləri Ermənistan silahlı qüvvələri tərəfindən qorunmalıdır. https://toplum.tv/dunya/psimonyan-ermenistanin-ktmt-de-istirakini-dondurmasina-aydinliq-getiribp Qeyd edək ki, fevralın 27-də Ermənistan Parlamentinin spikeri Alen Simonyan bildirmişdi ki, rus sərhədçiləri "Zvartnots" hava limanını...

Seçilmiş Videolar

Toplum TV loqo