Dünya

Pakistanın keçmiş baş naziri İmran Xan nədə ittiham edilir?

Yadigar Sadıqlı
17 Mart, 2023
602

Açıq mənbələrdən götürülüb

İmran Xan

Martın 15-də Pakistan məhkəməsi polisə keçmiş baş nazir, indi müxalifət lideri İmran Xanın həbs cəhdlərini dayandırmaq barədə göstəriş verib.

BBC bildirir ki, bu addım ölkədəki gərginliyi azaltmaq məqsədilə atılıb.

Keçmiş baş nazirin yüzlərlə tərəfdarı iki gün ərzində onun həbsə alınmasına imkan vermirdilər və gözyaşardıcı qazdan, su şırnaqlarından istifadə edən polislə şiddətli toqquşmalara girirdilər.

Həbsin dayandırılması barədə göstərişdən az sonra İmran Xan evdən çıxaraq tərəfdarları ilə şəkil çəkdirib.

Pəncab vilayətinin yüksək çinli məmurlarından biri deyib ki, həbsin təxirə salınması ölkənin əsas idman tədbirinin – kriket üzrə superliqanın finalının keçirilməsi ərəfəsində asayişi bərpa etmək zərurətindən doğub. Final martın 19-da Xanın evindən bir neçə kilometr aralıda yerləşən stadionda keçiriləcək.

Keçmiş baş nazir hədiyyələrin satılması barədə prosesdə ifadə vermək üçün məhkəməyə gəlməkdən imtina etdikdə İslamabad məhkəməsi onun həbsi haqqında order verib və müvafiq əməliyyat başlayıb. Həmin hədiyyələr Xana 2018-2022-ci illərdə baş nazir olarkən xarici dövlətlərin nümayəndələri tərəfindən verilib.

İmran Xan tərəfdarları qarşısında - The Diplomat

Hələ ötən il siyahısı dərc olunan hədiyyələrin arasında biri 300 min dollar dəyərində olmaqla yeddi saat, eləcə də brilyant zinət əşyaları və nahar servizləri olub.

Keçən ilin aprelində baş nazir vəzifəsini itirən İmran Xan özü hər hansı qeyri-qanuni əməllər törətməsini inkar edir və ona qarşı qaldırılan işi siyasi motivli sayır. Bu zaman öz tvitterində yazıb ki, martın 18-də məhkəməyə getmək barədə öhdəliyə imza atıb və bundan sonra həbsi haqqında göstəriş ləğv olunub. Əməliyyatda iştirak edən polislər və reyncerlər blokpostları yığışdıraraq Xanın iqamətgahı yerləşən ərazini tərk ediblər.

https://toplum.tv/dunya/pserbiyanin-kennedisi-zoran-cinciccedilin-qetlinden-20-il-oumltduumlp

Polis hələ çərşənbə axşamı İmran Xanı həbs etmək istəmişdi, amma onun yüzlərlə tərəfdarı asayiş keşikçilərini iqamətgaha buraxmadılar. Kütlədən polisə tərəf daş və kərpic atıldı, əvəzində onlar da dəyənəkdən, gözyaşardıcı qazdan və su şırnaqlarından istifadə etdilər.

Keçmiş kriket ulduzu olan İmran Xan isə məhkəməyə təhlükəsizlik səbəbindən getmədiyini iddia edir, amma şənbə günü gedəcəyini vəd edib.

Siyasətçi daha əvvəl BBC-yə verdiyi müsahibəsində həbsi üçün heç bir əsasın olmadığını, amma hakimiyyətin onu barmaqlıqlar arxasına göndərməkdə israrlı olduğunu deyib. Onun sözlərinə görə, hakimiyyət bununla onun və partiyasının növbəti seçkilərdə iştirakına əngəl yaratmaq istəyir: “Amma həbsdə olsam da, olmasam da, mənim partiyamın qələbə çalmasına mane ola bilməyəcəklər”.

İnformasiya naziri Marriyum Övrəngzib, öz növbəsində iddia edir ki, məsələnin heç bir siyasi mahiyyəti yoxdur, polis yalnız məhkəmənin qərarını yerinə yetirir. Xanım nazirin sözlərinə görə, Xan suni şəkildə zorakılıq törətməyə və həbsdən yayınmağa çalışaraq qadın və uşaqlar da daxil olmaqla tərəfdarlarından canlı qalxan kimi istifadə edir.

https://toplum.tv/dunya/pbmt-efqanistan-qadinlara-qarsi-en-repressiv-oumllkedirp

İmran Xan ötən il parlamentdə səsvermə nəticəsində vəzifəsini itirəndən sonra ölkəni dolaşaraq etiraz mitinqləri keçirir, hökuməti və ordunu tənqid edərək növbədənkənar seçkilər keçirilməsini istəyir. 

Belə mitinqlərin birində hücuma məruz qalaraq ayağından yaralanan siyasətçi hadisədə indiki baş nazir Şahbaz Şərifin tərəfdarlarını ittiham edib. Bu ittihamları rədd edən Şərif isə seçkilərin vaxtında keçiriləcəyini bildirir.

Mənbə: BBC

Tərcümə: Yadigar Sadıqlı


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Kılıçdaroğlu prezident seçilsə, Rusiyaya Türkiyənin NATO üzvü olduğunu "xatırlatacaq"

Toplum TV
17 Mart 2023

Açıq mənbələrdən götürülüb

Kamal Kılıçdaroğlu Türkiyədə keçirilən prezident seçkilərində qalib gəlsə, Moskvaya Türkiyənin NATO-nun üzvü olduğunu xatırladacaq.  Toplum TV xəbər verir ki, bunu Türkiyə müxalifətinin vahid namizədi Kamal Kılıçdaroğlunun müşaviri Ünal Çeviköz “Politico” nəşrinə verdiyi müsahibədə deyib. Müsahibəsində o, Türkiyənin Rusiya ilə Ukrayna arasında vasitəçi rolunu davam etdirəcəyini, amma Kılıçdaroğlu hakimiyyətə gələrsə, Türkiyənin Rusiya Federasiyası ilə “bərabər münasibətlərə” can atacağını bildirib. Onun sözlərinə görə, Ankara İsveç və Finlandiyanın NATO-ya üzv olmasına da mane olmayacaq. https://toplum.tv/dunya/perdoganin-prezidentliye-namizedliyi-tesdiqlendip Hazırda müharibə səbəbindən Rusiyanı tərk edən vətəndaşlar fəal şəkildə Türkiyədə mülk alırlar. Ünal Çeviköz müsahibəsində onu da qeyd edib ki, əgər Kılıçdaroğlu seçkilərdə qalib gələrsə, əcnəbilərin Türkiyədə ən...
Dünya

Ərdoğanın prezidentliyə namizədliyi təsdiqləndi

Toplum TV
16 Mart 2023

Rəsmi səhifə

Türkiyənin Ədalət və İnkişaf Partiyası (AKP) mayın 14-də keçiriləcək prezident seçkilərində iştirak etmək üçün yenidən hazırkı prezident Rəcəb Tayyib Ərdoğanın namizədliyini irəli sürüb.  Toplum TV "CNN Türk"ə istinadən xəbər verir ki, bu barədə martın 16-da parlamentdə AKP-nin deputatları ortaq qərara gəliblər.  Ərdoğanın prezident seçkilərində ən ciddi rəqibinin müxalifətin vahid namizədi Kamal Kılıçdaroğlunun olması gözlənilir.  https://toplum.tv/dunya/pmeral-aksener-quot6-li-masaquotyanbspqayitmaq-uumlccediluumln-sert-ireli-suumlruumlbp Kılıçdaroğlunun namizədliyini CHP, İYİ Partiyası, Səadət Partiyası, Demokrat Partiyası, DEVA Partiyası ve Gələcək Partiyasından ibarət "Xalq İttifaqı" dəstəkləyir.  Vətəndaşlar arasında keçirilən son sorğularda Kılıçdaroğlunun Ərdoğandan irəli olduğu müşahidə olunub.  Fevral ayında Türkiyənin cənub-şərqində baş verən və 50 minə yaxın insanın ölümünə səbəb olan dağıdıcı zəlzələnin...

Seçilmiş Videolar

Toplum TV loqo