Dünya

Rusiyanın 300 milyard dollar aktivi Ukraynaya verilə bilər

5 Oktyabr, 2023
145

Açıq mənbələrdən götürülüb

Bank binası

ABŞ və Aİ Rusiyanın 300 milyard dollarlıq aktivini Ukraynanın yenidən qurulması və digər ehtiyaclarına yönəltmək üçün müsadirə edə bilər.

Toplum Tv xəbər verir ki, bu barədə oktyabrın 4-ü ABŞ-ın dövlət katibi Entoni Blinken Texas Universitetindəki çıxışı zamanı bildirib.

Blinken Rusiyanın Ukraynaya vurduğu ziyanı ödəməsinin bir yolu kimi onların aktivlərindən istifadə etmək olduğunu qeyd edib. O, aktivlərin böyük hissəsinin ABŞ-da deyil, Avropada olduğunu açıqlayıb.

"Fikrimcə, nəyisə qırıb-dağıtsan, əvəzini ödəməlisən. Ona görə də ruslar sındırdıqlarını ödəməlidirlər”, - dövlət katibi vurğulayıb.

https://toplum.tv/dunya/pmuumlharibe-eleyhdari-jurnaliste-hebs-cezasi-verilibp

Bildirək ki, ötən həftə ABŞ artıq əsas hissəsi Avropa və Yaponiyada olan Rusiyanın 8 milyard dollarlıq hüquqi aktivlərini dondurub. Aİ Ukraynanın yenidən qurulmasını maliyyələşdirmək üçün Rusiya Mərkəzi Bankının təxminən 36,8 milyard dollar dəyərində dondurulmuş aktivlərindən istifadə planı hazırlayıb.

Bununla belə, 2022-ci ilin martında Ukraynanın baş naziri Denis Şmiqal müharibədən sonra Ukraynanı bərpa etmək üçün 565 milyard dollara ehtiyac olacağını bildirmişdi.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Navalnı ilə vidalaşma mərasimində izdiham yaşanıb

1 Mart 2024

Sosial Media

Rusiyalı mərhum siyasətçi Aleksey Navalnının dəfn mərasimi bu gün Moskva yaxınlığındakı Müqəddəs Məryəmin İkonası Kilsəsində baş tutub. Toplum TV "Meduza" onlayn nəşrinə istinadən xəbər verir ki, kilsədəki vidalaşma mərasiminə yalnız qohumlar və yaxınlar buraxılıb. Açıq tabut mərasimindən sona tabut kilsədən çıxarılıb və qəbiristanlığa aparılıb. Vidalaşma mərasiminin 20 dəqiqədən də az çəkdiyi bildirilib.  Mərasim vaxtı ərazidə çox sayda polis nəzərə çarpıb, kilsə ərazisi metal hasarlarla əhatə olunub. Navalnı ilə vidalaşmaq istəyənlərin sırasının isə bir kilometrdən çox uzandığı qeyd olunub.  Əraziyə toplaşan insanlar vaxtaşırı "Navalnı!" və "Biz bağışlamayacağıq!" kimi şüarlar səsləndiriblər.  ABŞ-ın Rusiyadakı səfirinin, həmçinin Almaniya və Fransa səfirlərindən ibarət nümayəndə heyətinin...
Dünya

Ermənistan Rusiya sərhədçilərinin çıxarılması məsələsini müzakirə edir

1 Mart 2024

Açıq mənbələrdən götürülüb

Ermənistan rəhbərliyi rus sərhədçilərinin Yerevanın "Zvartnots" hava limanından çıxarılması məsələsini müzakirə edir. Toplum TV xəbər verir ki, bu barədə martın 1-də jurnalistlərə açıqlamasında parlamentdəki hakim “Vətəndaş müqavilə” fraksiyasının katibi Artur Hovhannisyan bildirib. “Bu məsələ həm bizi, həm də cəmiyyətimizin əksəriyyətini narahat edir. Partiyamız daxilində müzakirələr gedir, lakin hələlik heç bir qərar yoxdur”, - Hovhannisyan açıqlamasında bildirib.  Rusiya sərhədçilərinin hava limanından çıxarılması ehtimalını fraksiyanın digər deputatı Vladimir Vardanyan da şərh edib. O qeyd edib ki, ölkənin hava sərhədləri Ermənistan silahlı qüvvələri tərəfindən qorunmalıdır. https://toplum.tv/dunya/psimonyan-ermenistanin-ktmt-de-istirakini-dondurmasina-aydinliq-getiribp Qeyd edək ki, fevralın 27-də Ermənistan Parlamentinin spikeri Alen Simonyan bildirmişdi ki, rus sərhədçiləri "Zvartnots" hava limanını...

Seçilmiş Videolar

Toplum TV loqo