Dünya

Putin Lavrovun sözlərinə görə İsrail Baş nazirindən üzr istəyib

6 May, 2022
77

açıq mənbədən götürülüb

Rusiya Prezidenti Vladimir Putin İsrailin Baş naziri Naftali Bennetlə telefon danışığı zamanı xarici işlər naziri Sergey Lavrovun yəhudilər və antisemitizm barədə fikirlərinə görə üzr istəyib.

Bu barədə Bennetin dəftərxanası məlumat yayıb.

“Baş nazir Prezident Putinin Lavrovun sözlərinə görə üzrlərini qəbul edib, yəhudi xalqına və Holokost xatirəsinə münasibətinə aydınlıq gətirdiyi üçün Prezidentə təşəkkür edib”, - deyə danışıqlar barədə xəbərdə deyilir.

Kremlin saytında Rusiya prezidentinin üzr istəməsi barədə məlumat yoxdur. Orada deyilir ki, Putin Benneti İsrailin müstəqillik günü münasibətilə təbrik edib, onunla Ukraynadakı müharibəni, xüsusən də Mariupoldakı “Azovstal” zavodundan insanların təxliyəsini müzakirə edib.

Kreml həmçinin iki ölkə liderinin yaxınlaşan Qələbə gününü – 9 Mayı müzakirə etdiklərini xəbər verir. Rusiya prezidenti “40 faizi sovet vətəndaşları olan 6 milyon yəhudinin” nasistlər tərəfindən öldürülməsini xatırladıb, “İsraildə yaşayan veteranlara sağlamlıq və firavanlıq diləklərini çatdırmağı xahiş edib”.

Dünya

Yerevanda saxlanılan müxalifətçilərin sayı 400-ü keçib

17 May 2022

AFP

Ermənistan polisi Baş nazir Nikol Paşinyanın istefası tələbi ilə vətəndaş itaətsizliyi aksiyaları çərçivəsində küçələri bağlayan 400-dən çox aksiyaçını saxlayıb. Yerevan polisininin rəsmi məlumatına görə, 414 nəfər saxlanılıb. Bundan əvvəl müxalifət liderlərindən biri, parlamentin vitse-spikeri İşxan Saqatelyan küçə aksiyalarının dayandırıldığını və axşam saatlarında mitinq keçiriləcəyini açıqlamışdı: "Biz qarşıya qoyulan məqsədi yerinə yetirmişik - qeyd etmişik ki,Ermənistanda vəziyyətin sahibi xalqdır. Biz itaətsizlik aksiyalarını dayandırırıq". Mayın 17-i səhər saatlarından etibarən nümayişçilər Yerevanın müxtəlif yerlərində, o cümlədən hava limanına və Müdafiə Nazirliyinə gedən yollarda nəqliyyatın hərəkətini dayandırıblar. Saxlanılanlar arasında Ermənistanın ikinci prezidenti Robert Köçəryanın oğlu Levon da var. Bu barədə o, özünün “Telegram” kanalında...
Dünya

Zelenski və Şolz Ukrayna müharibəsinin bitməsi üçün şərti açıqlayıb

17 May 2022

açıq mənbədən götürülüb

Ukrayna Prezidenti Volodimir Zelenski və Almaniya kansleri Olaf Şolz arasında telefon danışığı olub və onlar münaqişənin diplomatik yolla həlli üçün Rusiya qoşunlarının ölkə ərazisindən çıxarılmasının zəruriliyini bəyan ediblər. Bu barədə mayın 17-də Almaniya Nazirlər Kabinetinin rəsmi nümayəndəsi Şteffen Hebeştreit özünün “Twitter” səhifəsində məlumat verib. Hebeştreitin məlumatına görə, Zelenski və Şolz humanitar və hərbi vəziyyəti müzakirə ediblər. Liderlər Ukraynadakı münaqişənin danışıqlar yolu ilə sülh şəraitində həlli yollarını axtarıblar. Onlar bu qənaətə gəliblər ki, bu, yalnız Rusiya hərbi əməliyyatlara son qoyacağı və qoşunlarını çıxaracağı halda mümkün olacaq. Bundan əvvəl Şolz və Zelenski mayın 11-də tetefonla danşıblar. Liderlər Moskva və Kiyev arasında danışıqların...

Seçilmiş Videolar

Toplum TV loqo