Dünya

Putinin yeni dəniz doktrinası: NATO və ABŞ əsas təhlükə kimi göstərilir

Toplum TV
1 Avqust, 2022
150

Açıq mənbələrdən götürülüb

Prezident Vladimir Putin Rusiya Federasiyası dəniz doktrinasının təsdiq edilməsi haqqında fərman imzalayıb. 

"Radio Svoboda"-nın məlumatına görə, fərman bazar günü, iyulun 31-dən qüvvəyə minib. 

Sankt-Peterburq və Kronştadtda hərbi dəniz paradını qəbul edən Putin sənəddə “Rusiyanın milli maraqlarının sərhədləri və zonaları”nın göstərildiyini bildirib. Buraya Arktika suları, Qara, Oxot və Berinq dənizlərinin suları, Baltik və Kuril boğazları daxildir.

https://toplum.tv/dunya/cin-lideri-baydene-xeberdarliq-etdi-odla-oynayan-ozunu-yandiracaq

Sənəddə milli təhlükəsizliyə əsas təhdidlər kimi NATO-nun fəallığının artması, ABŞ-ın Dünya Okeanında hökmranlıq etməyə can atması, bir sıra dövlətlərin Moskvaya qarşı ərazi iddiaları, habelə dəniz fəaliyyətinin effektivliyini azaltmaq üçün Rusiyaya qarşı yönələn informasiya və hərbi təzyiqlər göstərilib. 

Dəniz doktrinası ilk dəfə 2001-ci ildə qəbul edilib. Sənəd sonuncu dəfə 2015-ci ilin yayında Krımın ilhaqı və NATO-nun genişlənməsi fonunda yenilənmişdi. 

Dünya

Salman Rüşdi özünə gəlib, danışa bilir

14 Avqust 2022

Global News

Hindistan əsilli britaniyalı yazıçı Salman Rüşdi süni nəfəs aparatından çıxarılıb, onun huşu yerindədir və danışa bilir. Bu barədə BBC-nin avqustun 14-də yaydığı məlumatda bildirilir. Yazıçının səhhəti haqqında əlavə məlumat verilməyib. Daha əvvəl onun bir gözünü itirə biləcəyi ilə bağlı ehtimallar səsləndirilirdi. Vəkili onun qaraciyərində, qolunda da ciddi  xəsarətlərin olduğunu bildirib.  Salman Rüşdi avqustun 12-də Nyu-York şəhərində “Chautauqua” İnstitutunda ədəbiyyat mühazirəsindən əvvəl bıçaqlı hücuma məruz qalıb. Hadisəni törədən Hadi Matar adlı şəxs  saxlanılıb. Onun sosial media səhifələrində İranın ali dini lideri, prezidenti, həmçinin ölmüş generalı Qasım Süleymaninin fotoları diqqət çəkib. S.Ruşdinin 1980-cı illərdə yazdığı “Şeytan ayələri” romanı bəzi müsəlmanlar arasında böyük...
Dünya

Yerevanda ticarət mərkəzində partlayış: ölən və yaralananlar var

14 Avqust 2022
Ermənistanın paytaxtı Yervanın “Surmalu” ticarət mərkəzində partlayış baş verib. "Armenpress" ölkənin Fövqaladə Hallar Nazirliyinə istinadən məlumat yayıb ki, partlayış zamanı 1 nəfər ölüb, 20 nəfər xəsarət alıb Bununla belə qeyd edilir ki, dağıntılar altında xeyli insan qalıb. Partlayış zamanı ərazidəki mağazalara və avtomobillərə də ciddi ziyan dəyib.  Hüquq mühafizə orqanlarının məlumatına görə, partlayış pirotexniki məhsulların olduğu mağazada baş verib, bundan sonra yanğın başlayıb və geniş ərazini əhatə edib.  Hazırda ərazidə axtarış-xilasetmə işlərinin davam etdirildiyi bildirilib  Ermənistan FHN xəbər verir ki, 1 nəfər ölüb, ən azı 20 yaralı var. Rəqəmlərin artacağı istisna olunmur.

Seçilmiş Videolar

Toplum TV loqo