Dünya

Qaraqalpaqıstanda etirazlar zamanı ölənlərin sayı açıqlanıb

4 İyul, 2022

202

Orda.kz

Özbəkistan Baş Prokurorluğunun bu gün, iyulun 4-də yaydığı açıqlamaya görə, Qaraqalpaqıstan Respublikasında ötən həftə bölgənin muxtariyyətinin məhdudlaşdırılması planlarına qarşı başlayan etiraz aksiyaları zamanı 18 nəfər həlak olub.

“Nukusda kütləvi iğtişaşlar nəticəsində 18 nəfər ağır bədən xəsarətlərindən dünyasını dəyişib”, - prokuror Abror Mamatov bildirib.

Milli Qvardiyanın mətbuat xidmətindən isə bildiriblər ki, aksiyaların dağıdılması zamanı təhlükəsizlik qüvvələri 500-dən çox insanı saxlayıb, onların çoxu artıq sərbəst buraxılıb. Həmçinin qeyd edilib ki, iğtişaşlar zamanı 240-dan çox insan xəsarət alıb, onlardan 90-a yaxını xəstəxanalara çatdırılıb.

Muxtar respublikanın paytaxtı Nukusda və bir sıra başqa şəhərlərdə böyük etiraz aksiyaları keçirilib. Aksiya iştirakçıları iyun ayında Konstitusiyaya dəyişiklik layihəsini dərc edən Özbəkistan hakimiyyətinin təşəbbüsü ilə razılaşmadıqlarını bildiriblər. Konstitusiya düzəlişlərində digər məsələlərlə yanaşı, Qaraqalpaqıstanın suverenliyi və onun öz müqəddəratını təyin etməklə bağlı müddəaların çıxarılması təklif edilirdi.

Özbəkistan Prezidenti Şavkat Mirziyoyev muxtar respublikanın paytaxtı Nukus şəhərinə gələrək regionun suverenliyi ilə bağlı konstitusiyaya dəyişiklik etməməyi təklif edib.

Bununla belə, hökumət muxtar respublikada keçirilən nümayişləri qanunsuz adlandırıb. Ölkənin Baş Prokurorluğu konstitusiya quruluşuna qəsd maddəsi ilə cinayət işi açıb.

İyulun 4-də Özbəkistan parlamentinin aşağı palatası ölkə Konstitusiyasına dəyişikliklər layihəsində Qaraqalpaqıstanın suverenliyinin qorunub saxlanılması barədə qərar qəbul edib.

Oxşar Xəbərlər

20 Yanvar şəhidlərinin yaxınları etiraz aksiyası keçirdi

Vətəndaş: “Dövlət yoxdursa, qoçu dəstəsi ilə problemimi həll edim”

"Müsavat" başqanının müşaviri saxlanılıb

Tərtər işi üzrə zərərçəkən: Tələbimiz Hikmət Həsənovun tutulmasıdır

Qazilər Milli Məclisin qarşısında etiraz aksiyası keçirir

Şri-Lanka Prezidenti ölkədən qaçıb

Redaktorun Tövsiyələri

Azərbaycanın hansı göstərici ilə rekord qırmağını istəyirsiniz?

Qərb Ukraynaya daha 1,5 milyard avroluq hərbi yardım göstərəcək

Nazirlik rejissorlara cavab verdi - Film layihələri yenidən işləndikdən sonra istehsalata buraxılacaq

20 Yanvar şəhidlərinin yaxınları etiraz aksiyası keçirdi

Ən uca bayraq dirəyinin qalmaqallı tarixçəsi

Məhbus anası: Oğlumdan işgəncə ilə ifadə almaq istəyirlər

Dünya

Qərb Ukraynaya daha 1,5 milyard avroluq hərbi yardım göstərəcək

12 Avqust 2022

Açıq mənbələrdən götürülüb

Qərb ölkələri Rusiyanın təcavüzünü dəf etmək üçün Ukraynanın hərbi ehtiyacları üçün bir milyard yarım avrodan çox vəsait ayırmağa söz verib. "Radio Svoboda" xəbər verir ki, bu barədə avqustun 12-də Kopenhagendə 26 ölkənin müdafiə nazirlərinin konfransında bildirilib. Bu vəsaitdən silah, raket və sursatların tədarükü, Ukrayna üçün silah istehsalının artırılması, ukraynalı əsgərlərin təlimi və Ukraynanın müharibə gedən ərazilərində minaların təmizlənməsi üçün istifadə olunacaq. https://toplum.tv/dunya/ukrayna-krimi-vurdu-rusiyanin-reaksiyasi-nece-olacaq Ukrayna Prezidenti Vladimir Zelenski videobağlantı vasitəsilə Qərb müttəfiqlərindən daha çox maliyyə vəsaiti və silah-sursat istəyib. "Rusiyanı nə qədər tez dayandırsaq, özümüzü bir o qədər tez təhlükəsiz hiss edəcəyik. Müdafiəmiz üçün silah-sursat lazımdır", - deyə Zelenski bildirib. Ukraynanın müdafiə...

Davamını oxu

Dünya

Türkiyə Krım tatarlarına uzunmüddətli yaşayış icazəsi verməyə başlayıb

12 Avqust 2022

Açıq mənbələrdən götürülüb

Türkiyə Krım tatarlarına uzunmüddətli yaşayış icazəsi verməyə başlayıb. "Anadolu" agentliyi xəbər verib ki, bu barədə ölkənin daxili işlər naziri Süleyman Soylu göstəriş verib. https://toplum.tv/dunya/ruslar-kutlevi-sekilde-turkiyeden-ev-alir “Avqustun əvvəlindən Türkiyənin Daxili İşlər Nazirliyinin Miqrasiya Xidməti Krım tatarlarına “türk mənşəli həmvətən” statusu əsasında uzunmüddətli yaşayış icazəsi verməyə başlayıb. Əvvəllər Ahıska türkləri, uyğurlar, Bolqarıstan və Yunanıstandan olan etnik türklər bu statusdan yararlanıblar", - deyə o bildirib. Qeyd olunub ki, Krım tatarlarına yaşayış icazəsi 2022-ci ilin iyununda daxili işlər naziri Süleyman Soylunun adından verilməyə başlanıb.

Davamını oxu