Dünya

Qırğızıstan Tacikistanı beynəlxalq sazişləri pozmaqda ittiham edir

4 May, 2021
52

Açıq mənbələrdən götürülüb

Qırğızıstanın Baş prokurorluğu Tacikistanı iki ölkə sərhədindəki hərbi münaqişə zamanı beynəlxalq sazişləri pozmaqda ittiham edib. 

Bu barədə TASS Qırğızıstanın Baş prokurorluğuna istinadən məlumat yayıb. 

Prokurorluq bəyan edib ki, 29 apreldə Batken mahalında bandit qruplaşmaları və Tacikistan qoşunları "bilərəkdən Qırğızıstan Respublikasının sərhədinə hücum ediblər", hücum faktları və "digər cinayətlər"lə bağlı prokurorluqda cinayət işi açılıb. 

Bildirilir ki, hücum mülki əhaliyə qarşı avtomat, minaatan, döyüş helikopteri, ağır zirehli texnika, artilleriya heyəti və digər silah növlərinin tətbiqi ilə həyata keçirilib. 

Prokurorluğun məlumatına görə, bununla Tacikistan BMT-nin 1976-cı il Ümumi İnsan Hüquqları bəyannaməsinin tələblərini, 1991-ci ildə MDB-nin yaradılması haqqında razılaşmanı, 1991-ci ildə imzalanan Alma-Ata bəyannaməsinin, 1994-cü ildə imzalanan suverenliyə, ərazi bütövlüyünə və MDB dövlətlərinin sərhədlərinin toxunulmazlığına dair Moskva bəyannaməsinin şərtlərini, həmçinin Qırğızıstan və Tacikistan Respublikası arasında 1996-cı ilin dövlətlərarası münasibətlərinin əsasları haqqındakı müqavilələri pozub. 

Faktla bağlı araşdırmaların davam etdirildiyi bildirilib. 

Dünya

BMT Təhlükəsizlik Şurası Qüds məsələsində razılığa gələ bilmir

17 May 2021

Sosial Media

BMT Təhlükəsizlik Şurası İsrail və Fələstin arasında münaqişənin kəskinləşməsi barədə bəyanatını üçüncü dəfə razılaşdıra bilməyib.  Bu barədə mayın 17-də “The Times of Israel” diplomatik mənbələrinə istinadən xəbər verib. Bildirilir ki, Təhlükəsizlik Şurasına üzv ölkələrin vahid nəticəyə gəlməməsinə səbəb ABŞ-ın mövqeyi olub. Diplomatların sözlərinə görə, Birləşmiş Ştatların təmsilçiləri özlərinin “diplomatik səyləri üçün bir qədər vaxt” istəyiblər.  Məlumata görə, məsələ ətrafında danışıqlar hələ davam edir. Fələstinə bağlı təşkilatlar mayın 10-dan başlayaraq İsraili güclü raket atəşinə tuturlar. İsrail ordusu buna cavab olaraq ehtiyatda olan beş min hərbçisini səfərbər edib və “Divar keşikçiləri” adlı əməliyyat keçirib.  Mayın 16-na olan məlumata görə, Fələstin-İsrail münaqişəsi qızışandan...
Dünya

Gürcüstan daxili işlər naziri böhranı həll etmək üçün Dmanisiyə yollandı

17 May 2021

Sputnik

Gürcüstan daxili işlər naziri Vaxtanq Qomelauri azərbaycanlılarla svanlar arasında qarşıdurmanın baş verdiyi Dmanisi şəhərinə gəlib. Bu barədə mayın 18-də "Sputnik Gürcüstan" məlumat verib.  Məsələ ilə əlaqədar açıqlama verən Qomelauri bildirib ki, vəziyyət gözlənilmədən nəzarətdən çıxıb, ona görə də polisin səyləri nəticə verməyib.  "İnsanlar çox tez toplandılar və qısa zamanda xaotik vəziyyət yarandı. Bölgəyə əlavə qüvvələr cəlb edilmişdi, amma bu da kifayət etmədi. Təəssüf ki, bu qədər böyük kütlə idarə oluna bilmədi və Dmanisiyə əlavə qüvvələr göndərildi. Ona görə də insanları və bu qarşıdurmanı vaxtında dayandırmaq mümkün olmadı. Etnik azərbaycanlılar bizim vətəndaşlarımızdır, Azərbaycan strateji tərəfdaşımız, qonşumuz, müttəfiqimiz, dostumuzdur. Bunun etnik bir...
Seçilmiş Videolar