Dünya

Roma papası “Azov” döyüşçülərinin xanımları ilə görüşüb

12 May, 2022

nationalcorps.org

Roma papası Fransisk Vatikanda “Azov” alayının döyüşçülərinin xanımları ilə görüşüb. Katerina Prokopenkonun və Yuliya Fedosyukun ərləri Mariupolda “Azovstal” metallurgiya kombinatında müdafiə olunurlar. Rusiya ordusu iki aydan çoxdur ki, müəssisəni mühasirədə saxlayır.

Hərbçi xanımları papaya zavodda ərzaq və su qalmadığını deyiblər. “Siz bizim son ümidimizsiniz. Onların həyatını xilas edəcəyinizə ümid edirik. Lütfən, onları ölməyə qoymayın”, - ukraynalı qadınlardan biri söyləyib. Onun sözlərini “The Insider” sitat gətirir. Papa “Azovstal”da olanlar üçün dua edəcəyini bildirib.

Prokopenko və Fedosyuk papaya zavoddakı yaralı döyüşçülərin şəkillərini və hərbçilərin üçüncü tərəfə təslimə hazır olmaları barədə müraciətlərini təqdim ediblər. Qadınların sözlərinə görə, onlar Rusiyaya təslim ola bilməz, çünki bu halda onları işgəncələr və ölüm gözləyir.

Papa audensiyasında “Mediazona”nın naşiri Pyotr Verzilov iştirak edib. O, papaya Mariupola getmək ehtimalı barədə sual verib. Fransisk bildirib ki, insanların xilası üçün Ukraynaya getməsi problem deyil.

Ukrayna tərəfinin məlumatına görə, BMT və Qırmızı xaçın iştirakı ilə “Azovstal”dan qadınların, uşaqların və qocaların təxliyəsi mayın 7-də başa çatıb.

Oxşar Xəbərlər

Peskov: Dost olmayan ölkələri düşmən adlandırmağın vaxtı çatıb

İsveç 200 illik neytrallıq siyasətini pozaraq NATO-ya müraciət edib

Nikol Paşinyan KTMT-ni tənqid edib

Yerevanda müxalifət etiraz aksiyası keçirir, onlarla şəxs saxlanılıb

KTMT NATO ilə qarşılıqlı əlaqələr yaratmaq istəyir

Zelenski "Azovstal"da mühasirədə qalan həbçilərin təxliyyəsini təsdiqlədi

Redaktorun Tövsiyələri

Bakıda etiraz aksiyası keçirilib, saxlanıların olduğu deyilir

Siyasi şərhçi: "Rusiya istəyir ki, münaqişə onun monopoliyasında olsun"

“Mətbuat intiharı epidemiya kimi yayır”

Mədəniyyət evlərinin acınacaqlı vəziyyəti – “Büdcədən vəsait ayrılacağı təqdirdə tədbir görüləcək”

55 yaşlı Gülər: "Vaqifi gözləyirəm, gələn kimi qoşulub onunla gedəcəm"

“Bu, onun sonuncu etirazı idi”

Dünya

Peskov: Dost olmayan ölkələri düşmən adlandırmağın vaxtı çatıb

17 May 2022

Reuters

Amerika Birləşmiş Ştatları Rusiyaya qarşı düşmən dövlətə çevrilib. “TASS” xəbər verir ki, bunu mayın 17-də Rusiya Prezidentinin mətbuat katibi Dmitri Peskov deyib. Onun sözlərinə görə, artıq dost olmayan ölkələri düşmən adlandırmağın vaxtı çatıb: “Bəli, biz hələ də yumşaq şəkildə onları dost olmayan dövlətlər adlandırırıq. Mən deyərdim ki, bunlar artıq düşmən dövlətlərdir, çünki onların etdiklərinin bir adı var - müharibə”. Peskov çıxışı zamanı onu da qeyd edib ki, dövlət öz maraqlarını müdafiə edərkən bütövlük nümayiş etdirməyəndə suverenliyini itirir. Mart ayında rəsmi Moskva Rusiya şirkətlərinə və vətəndaşlarına qarşı yönəlmiş dövlətlərin siyahısını əks etdirən fərman imzalayıb. Təsdiq edilmiş siyahıya ABŞ, Kanada və Avropa...

Davamını oxu

Dünya

İsveç 200 illik neytrallıq siyasətini pozaraq NATO-ya müraciət edib

17 May 2022

EPA/EFE

İsveçin xarici işlər naziri Ann Linde ölkəsinin NATO-ya üzv olması üçün ərizə imzalayıb. Məlumatı mayın 17-də İsveçin ictimai yayım şirkəti “Sveriges Television” yayıb. Mayın 16-da İsveç hökuməti alyansa üzvlüklə bağlı yekun qərarını açıqlayıb. Beləliklə, o, 200 il davam edən neytral ölkə siyasətinə son qoyub. Baş nazir Magdalena Anderson “Ölkənin üzvlüklə gələn təhlükəsizlik zəmanətlərinə ehtiyacı var" deyib. Baş nazir bu qərarı təhlükəsizlik siyasətində tarixi dəyişiklik adlandırıb. Sözügedən qərar Rusiyanın Ukraynaya müdaxiləsi fonunda verilib. Üzvlük ərizəsi bütün NATO ölkələri tərəfindən təsdiqlənməlidir. Əvvəllər bunun daha operativ şəkildə baş tutacağı güman edilirdi. Lakin Türkiyə prezidenti Rəcəb Tayyib Ərdoğan Türkiyənin bu qərarın “əleyhinə” səs verəcəyini...

Davamını oxu