Dünya

Rus jurnalist Nobel medalını 103,5 milyon dollara satıb

21 İyun, 2022
99

Açıq mənbələrdən götürülüb

“Novaya qazeta”nın baş redaktoru Dmitri Muratovun 2021-ci ildə laqyiq görüldüyü Nobel sülh mükafatı medalı ABŞ-da keçirilən hərracda 103,5 milyon dollara satılıb. Hərracı aparan “Heritage Auctions” ticarət evinin saytında bu barədə məlumat yerləşdirilib. Alıcının adı məlum deyil. 

Satışdan əldə olunan bütün vəsait ukraynalı qaçqın uşaqlara və onların ailələrinə yardım göstərmək üçün BMT-nin Uşaq fonduna (UNICEF) veriləcək.  Hərrac iyunun 20-də qeyd olunan Ümumdünya qaçqınlar günündə baş tutub.

Dmitri Muratov medalı satacağını martın 22-də elan etmişdi. O zaman xəbər verilirdi ki, ideya “Novaya qazeta”nın bütün heyəti tərəfindən dəstəklənib. Baş redaktor 2021-ci ilin oktyabrında filippinli Mariya Ressa illə birlikdə “demokratiya və sülhün şərti olan fikir azadlığını müdafiəsi səylərinə görə” mükafata layiq görülüb. 

Mətbuatın yazdığına görə, bu, Nobel medalının tarix boyu ən baha satışıdır.

https://toplum.tv/sosial/rus-jurnalist-nobel-mukafatini-herraca-cixardi-azerbaycanli-ziyalilarin-reaksiyalari

2014-cü ildə fiziologiya üzrə laureat Ceyms Uotson Nobel medalını 4,8 nilyon dollara satıb. 2015-ci ildə fizika üzrə laureat Leon Lederman tibbi xərclərini ödəmək üçün satışa çıxardığı medalını 765 min dollara satmışdı. Medallar bir neçə dəfə laureatların ailələri tərəfindən satışa çıxarılıb və 395 dollardan 2,2 milyon dollara qədər qiymətə satılıb.

Rusiyanın Ukraynaya təcavüzü başlayanda “Novaya qazeta” Rusiyada fəaliyyət göstərən və Kremlin nəzarətində olmayan azsaylı KİV-dən biri idi. Amma müharibə başlayandan sonra "Roskomnadzor" tərəfindən iki dəfə xəbərdarlıq aldığından “Ukrayna ərazisində xüsusi əməliyyat yekunlaşana qədər” öz fəaliyyətini dayandırıb. Çünki KİV lisenziyasının ləğv edilmə təhlükəsi olub.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo