Dünya

Rus jurnalistin Nobel medalı satışa çıxarıldı

2 İyun, 2022
217

rappler.com

“Novoya qazeta”nın baş redaktoru Dmitri Muratovun Nobel medalı “Heritage Auctions” hərrac evi tərəfindən satışa çıxarılıb.

“Meduza” portalına daxil olan press-relizdə deyilir ki, hərrac iyunun 1-də, Uşaqları müdafiə günündə start götürüb. 

Pul qoyuluşları əvvəlcə onlayn qəbul ediləcək, iyunun 20-də, Ümumdünya qaçqınlar günündə Manhettendəki “Times Square Center”də isə final satışı baş tutacaq. 

Satışdan əldə olunan bütün gəlir Ukraynada və qonşu ölkələrdə müharibədən zərər görən uşaqlara yardım proqramı üçün UNICEF-ə veriləcək. 

“Biz “Novaya qazeta”nın redaksiyasında bu barədə çox düşündük və anladıq ki, bizdən daha pis vəziyyətdə olan insanlar var. Bunlar qaçqınlardır. Xəstə ukraynalı uşaqlardır. Onların vəziyyəti bizdən xeyli ağırdır”, - Muratov bildirib və əməkdaşların hamısının Nobel medalını satmaq qərarını dəstəklədiyini vurğulayıb.

Dmitri Muratov 2021-ci ildə "demokratiya və dayanıqlı sülh üçün əsas şərt olan ifadə azadlığını qorumaq səylərinə görə" Nobel sülh mükafatına layiq görülüb

Rusiya Silahlı Qüvvələri Ukraynada hərbi əməliyyatlara başlayandan sonra müharibə barədə nəşr etdiyi məqalələrə görə dövlət tərəfindən xəbərdarlıqlar alan “Novoya qazeta” qapanmaq təhlükəsindən qaçmaq üçün kağız formatında çapı mart ayında dayandırıb. 

Ötən aylarda D. Muratov müharibə mövzusunda tutduğu mövqeyə görə fiziki hücuma da məruz qalmışdı. 

Xatırlatma

Rusiya 2022-ci il, fevralın 24-də Ukraynada "xüsusi hərbi əməliyyat adlandırdığı" genişmiqyaslı müharibəyə başlayıb. 

Hərbi əməliyyatlarla əlaqədar Prezident Vladimir Putin bəyan edib ki, Moskvanın məqsədi Donbass regionunda “səkkiz il ərzində Kiyev rejimi tərəfindən zorakılığa və soyqırıma məruz qalmış insanları qorumaqdır”.

Hərbi əməliyyatların başlamasından 2 gün əvvəl, fevralın 22-də isə Kreml Ukraynanın şərqindəki separatçı qurumları - "Donbas Xalq Respublikası"nı və Luqansk Xalq Respublikasını" rəsmən tanıyıb. 

Ukraynada müharibə başlayandan sonra ABŞ, Avropa Birliyi, Böyük Britaniya, Kanada, Yaponiya, Avstraliya və digər Qərb ölkələri Rusiyaya qarşı sərt sanksiyalar tətbiq etməyə başlayıblar. Sanksiyalar paketinə Rusiya neftinə embarqo qoyulması, Rusiya iqtisadiyyatını təcrid edilməsi, oliqarxlara və siyasətçilərə məhdudiyyətlərin tətbiqi daxildir. Rusiya Prezidenti də sanksiya tətbiq edilən şəxslər siyahısına salınıb.

Aprelin 7-də BMT Baş Assambleyası Rusiyanın təşkilatın İnsan Hüquqları Şurasından çıxarılması ilə bağlı qətnamə qəbul edib.

Rusiya ordusunun Buça və digər Ukrayna şəhərlərində kütləvi qətliamlar və müharibə cinayətləri törətdiyi iddia olunur. BMT-nin açıqlamasına görə, müharibə başlayandan bəri 10 milyondan çox ukraynalı ölkəni tərk edib. Müharibənin Ukrayna iqtisadiyyarına milyardlarla dollar ziyan vurduğu bildirilir.


 

Dünya

Rusiya Xarkov Universitetini raketlə vurub

6 İyul 2022
İyulun 6-da gecə saatlarında Rusiya ordusunun Xarkovun Osnovyanski rayonlarına və Kiyev vilayətinə raket zərbəsi endirdiyi bildirilir.  Xarkov Vilayət Hərbi Administrasiyasının rəhbəri Oleq Sinegubov “Telegram”da məlumat yayıb. O, Novobavarskoyedə binaların bir hissəsinin dağıdıldığını qeyd edib. Oleq Sinegubov bildirib ki, raket zərbələri Xarkov Universitetini də dağıdıb: “Kiyev vilayətinə raket hücumu nəticəsində ali təhsil müəssisəsinin binası da dağıdılıb”. Oleq Sinegubov yaşayış binaları, açıq sahələr və buğda tarlasının yandığını əlavə edib.
Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...

Seçilmiş Videolar

Toplum TV loqo