Dünya

Rusiya aktivləri Ukraynaya kömək üçün istifadə ediləcək

28 Aprel, 2022
88

whitehouse.gov

ABŞ Konqresinin Nümayəndələr Palatası Rusiya ilə əlaqəli aktivlərin Ukraynaya yardım üçün istifadəsinə icazə verən qanun layihəsini təsdiqləyib.

Bu barədə “Amerikanın səsi” məlumat yayıb.

Demokrat Tom Malinovski və Respublikaçı Co Vilsonun irəli sürdüyü qanun layihəsini 417 konqresmen dəstəkləyib, 8-i isə əleyhinə çıxıb.

Sənəddə qeyd edilir ki, bu tədbirlər Rusiyanın enerji şirkətlərinə məxsus olanlar da daxil olmaqla 2 milyon dollar və daha çox dəyərində olan aktivlərə münasibətdə həyata keçirilməlidir. Qanun Rusiya hakimiyyət orqanlarına dəstəyin göstərilməsi yolu ilə əldə edilən aktivlərə də təsir edəcək.

Müsadirə olunan vəsaitlərin yenidən satılması nəzərdə tutulur və əldə olunan vəsait hərbi, humanitar yardımlar, eləcə də Ukraynanın infrastrukturunun bərpası və digər ölkələrdəki ukraynalı qaçqınlara yardım üçün istifadə olunacaq.

Bundan əlavə, bu vəsaitlərin “Rusiya xalqının inkişafına, o cümlədən demokratiya sahəsində, insan hüquqları sahəsində proqramlar və onların monitorinqinə yardım” üçün istifadə imkanını nəzərdə tutur.

Sənədə əsasən, ABŞ dövlət katibinin başçılığı ilə bu qanun layihəsini praktikada tətbiq etməyə imkan verəcək “konstitusiya mexanizmlərini müəyyən edəcək” idarələrarası qrup yaratmalıdır.

Bundan əvvəl Ukraynanın ədliyyə naziri Denis Malyuska bildirib ki, Kiyev hərbi əməliyyatlar nəticəsində dəymiş itkiləri kompensasiya etmək üçün Rusiyanın dondurulmuş ehtiyatlarından istifadə etmək niyyətindədir. Onun sözlərinə görə, bunun üçün Rusiyanın aktivlərini donduran ölkələrdə xüsusi qanunlar qəbul etmək lazımdır.

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo