Dünya

Rusiya koronavirusa qarşı üçüncü vaksinini təsdiq etdi

22 Fevral, 2021
59

BBC

Rusiya koronavirusa qarşı hazırladığı üçüncü vaksini təsdiqləyib. 

Bu barədə fevralın 22-də Rusiya mətbuatı xəbər verib. 

Peyvəndi hazırlayan Çumakov Mərkəzinin alimlərinin iddiasına görə, "CoviVac" adlı vaksin COVID-19-a qarşı 90 faiz effektlidir. Bununla belə, vaksinin irimiqyaslı klinik sınaqları hələ tamamlanmayıb. Üçüncü faza klinik sınaqların apreldən tez başlanacağı gözlənilmir.

Məsələ barəsində açıqlama verən Rusiyanın baş naziri Mixail Mişustin deyib ki, "CoviVac"ı istehsal etməklə Rusiya dünyada üç vaksinə sahib olan yeganə ölkə olub. 

Bildirilir ki, vaksinin ilk 120 min dozası martda rusiyalıların istifadəsinə veriləcək. İlin sonunacan isə "CoviVac"ın 20 milyon dozasının istehsalı planlaşdırılır.

Fevralın əvvəlində “The Lancet” tibb jurnalı sonuncu faza sınaqlarına əsasən, Rusiya istehsalı olan "Sputnik V" vaksinin koronavirusa qarşı 91.6 faiz effektli olduğunu müəyyən etmişdi.

Dünya

Rusiya Qərbə səsləndi: "Odla oynamamağa çağırırıq"

 

3 Mart 2021

Sosial media

ABŞ və Avropa Birliyi müxalif lider Aleksey Navalnının zəhərlənməsi və həbs edilməsinə görə Rusiyaya qarşı birgə sanksiyalar tətbiq edib.  "Currentime.tv"-nin martın 3-də verdiyi məlumata görə, ABŞ sanksiyaları Rusiya Cəzaların İcrası Federal Xidmətinin rəhbəri Aleksandr Kalaşnikova, prezident administrasiyasının daxili siyasət idarəsinin rəisi Andrey Yarinə, baş prokuror İqor Krasnova, Federal Təhlükəsizlik Bürosunun direktoru Aleksandr Bortnikova, müdafiə nazirinin müavinləri Aleksey Krivoruçko və Pavel Popova, həmçinin prezident administrasiyası başçısının birinci müavini Sergey Kiriyenkoya tətbiq edib. Bildirilir ki, Qərbin sanksiyalarına həmçinin Rusiya ilə əlaqədar olan şirkətlər və elmi-tədqiqat institutları da məruz qalıb. Bunlara "Ximmed", "Femteko", "İnterlab", "Labinvest", "Analitik prodakts", "İnteks avadanlıqları", "Rau farm", "Regionsnab" və...
Dünya

Yunanıstanda güclü zəlzələ baş verib

3 Mart 2021

sosial media

Yunanıstanda 6,2 bal gücündə zəlzələ baş verib. Bu barədə martın 3-də "Anadolu" agentliyi məlumat verib. Məlumata görə, saat 13:16-da baş verən zəlzələnin episentri Yunanıstanın Saloniki şəhərindən 120 km cənub-şərqdə, Elasson şəhəri yaxınlığında qeydə alınıb. Məsələ ilə əlaqədar açıqlama verən Elasson şəhərinin meri Nikas Qatas deyib ki, ilkin məlumata görə, itki yoxdur. Hazırda dəyən ziyanın araşdırıldığı bildirilir.
Seçilmiş Videolar