TASS
Mordaşov cə Vekselberq
"Frank Media" resursu "Bloomberg Milyarderlər İndeksi"nin məlumatlarına əsasən hesablayıb ki, Rusiyanın ən zəngin iş adamlarının maliyyə vəziyyəti 2022-ci ilin əvvəlindən 3 oktyabr tarixinə qədər 94,64 milyard dollar azalıb.
Sentyabrın 1-nə olan məlumata görə, 2022-ci ilin əvvəlindən iş adamlarının itkiləri 53,939 milyard dollar təşkil edib. Beləliklə, sentyabrın 1-dən oktyabrın 3-nə kimi rus oliqarxlarının sərvəti ümumilikdə 40,7 milyard dollar dəyər itirib.
Bir çox rus şirkətləri sahibləri və top menecerləri haqqında məlumatları gizlədir. Buna görə də "Frank Media" "Bloomberg" sistemində olan məlumatlardan istifadə edib.
https://toplum.tv/iqtisadiyyat/opec-neft-hasilatini-azaldir-bu-qiymetleri-qaldira-biler
"Frank Media" qeyd edir ki, Rusiyadan olan sahibkarlar siyahısında ən çox “yoxsullaşan” “Renova” investisiya qrupunun sədri və “Rusal”ın həmsahibi Viktor Vekselberq olub: onun sərvəti 11,2 milyard dollar azalıb, indi 7,24 milyard dollar həcmində qiymətləndirilir.
Ziyana düşən milyarderlərin siyahısını "Severstal"ın Direktorlar Şurasının sədri Aleksey Mordaşov tamamlayıb - o, 9,78 milyard dollar itirib, indi onun sərvəti 19,1 milyard dollardır. "Volga Group" investisiya şirkətinin yaradıcısı Gennadi Timçenkonun sərvəti 9,66 milyard dollar azalaraq 12,8 milyard dollara düşüb.
"Bloomberg Milyarderlər İndeksi" dünyanın ən zəngin insanlarının real vaxtdakı reytinqidir. O, bazar dəyişiklikləri və "Bloomberg" hesabatlarına əsaslanaraq iştirakçıların şəxsi sərvətini əks etdirir. Bu indeksə daxil olan ən zəngin insanlar ilin əvvəlindən ümumilikdə 1,4 trilyon dollar itirib. Bu, 1970-ci ildən bəri ən böyük azalmadır. Ən çox "yoxsullaşan" sahibkarlar arasında ilk beşlikdə Çanpen Zjao, Mark Zukerberq, Ceff Bezos, Elon Mask və Bernar Arnonun adı var.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Sosial media
Açıq mənbələrdən götürülüb