Dünya

Rusiyada “arzuolunmaz təşkilatlar”a maddi dəstək göstərənlər həbsə oluna bilər 

11 İyun, 2021
80

Caspian News

Rusiya Cinayət Məcəlləsinin “arzuolunmaz təşkilatlar” barədə maddəsinə dəyişiklik edilməsi haqqında qanun layihəsi Dövlət Dumasına təqdim olunub. 

"Radio Svoboda" xəbər verir ki, dəyişikliyə əsasən belə təşkilatların xeyrinə ianə edənləri 5 il həbs gözləyə bilər.

Parlamentin profil komitəsinin dəyişikliyi bəyəndiyi bildirilir. 

Dövlət Duması daha əvvəl Rusiya Maliyyə Monitorinqinə vətəndaşlara və təşkilatlara xaricdən pul köçürmələrini izləməyə icazə verən qanun layihəsini, eləcə də fiziki və hüquqi şəxslərə təkcə Rusiya ərazisində deyil, onun hüdudlarından kənarda da arzuolunmaz təşkilatların fəaliyyətində iştirak etməyi qadağan edən qanun layihəsini ikinci oxunuşda qəbul edib. 

Arzuolunmaz təşkilatlar haqqında qanun Vladimir Putin tərəfindən 2015-ci ilin mayında imzalanıb. O vaxtdan etibarən qanun dəfələrlə sərtləşdirilib. 

Baş prokurorun və ya onun müavinin fikrincə, “dövlət təhlükəsizliyinə və onun konstitusiya quruluşuna təhdid törədən” istənilən qeyri-hökumət təşkilatı arzuolunmaz elan edilə bilər. 

Siyahıya düşən təşkilatın Rusiya ərazisində fəaliyyəti qadağan olunur, hesabları dondurulur, bütün şöbələri qapadılır. Belə təşkilatlarla əməkdaşlıq böyük məbləğdə cərimə və 8 ilə qədər həbslə nəticələnə bilər.

Dünya

Baş Prokurorluq 4 namizədin həbsi üçün vəsatət verib

20 İyun 2021

Açıq mənbələrdən götürülüb

Ermənistan Baş Prokurorluğu Mərkəzi Seçki Komissiyasına 4 namizədin haqqında həbs qətimkan tədbirinin seçilməsi barədə vəsatət göndərib. MSK-nın hüquq şöbəsinin müdiri Liliya Akopyan “Azadlıq” radiosunun erməni xidmətinə deyib ki, komissiya iki namizədlə bağlı razılığını verib. Bunlar “Şərəf duyaram” blokunun namizədi Ruben Xlgatyan və “Çiçəklənən Ermənistan” partiyasının namizədi Aramais Aproyandır. MSK təmsilçisinin sözlərinə görə, daha iki namizəd üçün vəsatətlər müzakirə olunmayıb, qanun üç günlük bir müddət təyin edib. Həmin vəsatətlərin seçkidən bir gün öncə - iyunun 19-da daxil olduğu bildirilir. Seçki günü təşviqatın Seçki Məcəlləsi ilə də qadağan olunduğunu əsas gətirən Liliya Akopyan Akopyan Baş Prokurorluğun hansı namizədlərin həbsi ilə bağlı müraciət...
Dünya

Seçki günü Ermənistanda məntəqədə atəş açılıb

20 İyun 2021

Sia.az

İyunun 20-də Ermənsitanda seçki məntəqəsinə atəş açıldığı bildirilir. Bu haqda News.am xəbər verir. Polis Şöbəsinə Azataşen kəndindəki seçki məntəqəsinə atəş edildiyi barədə məlumat daxil olduğu deyilir. Araşdırma zamanı məlum olub ki, seçki məntəqəsində “Çiçəklənən Ermənistan” Partiyası ilə “Verelk” Partiyasının nümayəndələri arasında mübahisə düşüb və bir neçə dəfə atəş açılıb. Faktla bağlı araşdırma aparılır. Emənistanda “Respublika naminə” partiyasının rəhbəri, “Şirinyan-Babacanyan demokratlar bloku”nun liderlərindən Arman Babacanyan seçki günü səhər saatlarında avtomobilinin yan şüşəsində güllə izi tapdığını deyir. Bu haqda “Azadlıq” radiosunun erməni xidmətinə danışan siyasətçi özünə heç nə olmadığını bildirib. Onun sözlərindən məlum olur ki, hadisə vaxtı avtomobildə nə özü, nə də...
Seçilmiş Videolar