Dünya

Rusiyada müharibəyə qarşı aksiyalara çıxanlara çağırış vəsiqələri verilir

22 Sentyabr, 2022
124

Sosial Media

Rusiyada sentyabrın 21-də keçirilən səfərbərliyə qarşı mitinqdə saxlanılan bəzi şəxslərə polis idarələrində hərbi komissarlığa çağırış vərəqələri təqdim edilib. 

"Radio Svoboda"-nın məlumatına görə, bu barədə “OVD-İnfo” hüquq müdafiə layihəsinə məhbuslar məlumat veriblər.

Hüquq müdafiəçilərinin bildirdiyinə görə, saxlanılanlardan ən azı biri çağırış vərəqəsini imzalamaqdan imtina etdiyinə görə cinayət işi ilə hədələnib.

https://toplum.tv/dunya/dmitri-medvedev-nuve-silahiyla-tehdid-edib

“Rusiyada səfərbərliyə qarşı razılaşdırılmamış aksiyalarda saxlanılan vətəndaşlara çağırış vərəqələrinin verilməsi qanuna zidd deyil. Bu səbəbdən də, burada sözügedən şəxslərin hüquqlarının pozulmasına yol verilməyib”.

Bunu isə Kremlin mətbuat katibi Dmitri Peskov jurnalistlərə açıqlamasında deyib. 

Ötən gün Vladimir Putinin elan etdiyi səfərbərliyə qarşı Rusiyanın 38 şəhərində keçirilən etiraz aksiyalarında 1400-dən çox insan saxlanılıb. 

Dünya

Şimali Koreya Rusiyanın Ukrayna ərazilərini ilhaq etməsini dəstəkləyir

4 Oktyabr 2022

CNN

Koreya Xalq Demokratik Respublikasının Xarici İşlər Nazirliyi Rusiyanın Ukraynanın şərqində keçirdiyi referendumun nəticələrini dəstəkləyib.  Bu barədə Şimali Koreyanın Mərkəzi Xəbər Agentliyi məlumat yayıb. “Biz Rusiyaya birləşməyə çalışan Donetsk və Luqansk Xalq Respublikalarının, Xerson və Zaporojye vilayətlərinin sakinlərinin iradəsinə hörmət göstəririk və Rusiya hökumətinin yuxarıda göstərilən regionların öz tərkibinə qəbul edilməsi ilə bağlı mövqeyini dəstəkləyirik”. - bəyanatda deyilir. https://toplum.tv/dunya/zelenski-vladimir-putinle-danisiqlardan-imtina-barede-serencam-verdi Beləliklə, Şimali Koreya səsvermənin nəticələrini dəstəkləyən yeganə ölkə olub. ABŞ və dünyanın bir çox ölkələri Rusiyanın ilhaqını pisləyib. Bu gün, oktyabrın 4-də Federasiya Şurası Ukraynanın beş vilayətinin ərazisinin Rusiyaya daxil olmasına dair sazişləri ratifikasiya edib. Ukrayna ərazilərinin ilhaqını Nümayəndələr Palatasının iştirak edən...
Dünya

 Xameneyi: İrandakı etirazların arxasında ABŞ və sionistlər dayanır

4 Oktyabr 2022
"Bu iğtişaşlar Amerika, sionist rejim və onların agentləri tərəfindən təşkil edilir". "Fars" agentliyi xəbər verir ki, bu sözləri İranın ali dini lideri Ayətullah Əli Xameneyi Tehranda bir qrup tələbə qarşısındakı çıxışı zamanı deyib. Xameneyi Məhsa Əminin ölümündən kədərləndiklərini bildirsə də, bu qətli törədənlərin cəzalandırılacağından, yaxud hadisənin araşdırılacağından bəhs etməyib. Onun sözlərinə görə, bu cür hallar İranda dəfələrlə baş verib: "Ancaq bəziləri bunu görmürlər. Onlar itaətkar, inək kimi sağılan Pəhləvi dönəmini axtarırlar”. Sentyabrın ortalarında 22 yaşlı kürd qadın hüquq müdafiəçisi Məhsa Əmini başındakı hicabını açdığına görə əxlaq polisi tərəfindən saxlanılıb və döyülüb. Qız komaya düşdükdən bir neçə gün sonra xəstəxanada ölüb....

Seçilmiş Videolar

Toplum TV loqo