Dünya

Rusiyada Navalnı tərəfdarlarının Dumaya seçilmək hüququ ləğv edilə bilər

5 May, 2021
917

BBC

Mayın 4-də Rusiya Dövlət Dumasının deputatlarının müzakirəsinə təqdim edilən qanun layihəsi “məhkəmə tərəfindən ekstremist və ya terrorçu təşkilat kimi tanınan ictimai və ya dini birliklərin, eləcə də başqa təşkilatların fəaliyyətinə aidiyyatı olan” şəxslərin parlament seçkilərində iştirakının qadağan edilməsini nəzərdə tutur. 

Bu barədə "Radio Svoboda" məlumat verib. 

Sənəddə göstərilir ki, qadağa sözgedən təşkilatların az qala bütün üzvlərinə – məhkəmənin həmin təşkilatı qadağan və ya ləğv etmək barədə hökmünə üç və ya bir il qalmışa qədər orada işləyən təsisçidən tutmuş sıravi işçiyə qədər – şamil olunacaq.

Qanunun əvvəlki illərə şamil olunmasıyla məhkəmə tərəfindən ekstremist təşkilat kimi tanınması məsələsinə indilərdə baxılan Korrupsiya ilə Mübarizə Fondunun ianəçiləri, ya da qadağan olunmuş Nasional-bolşevik partiyasının fəalları və tərəfdarları hədəfə çevrilə bilərlər. 

Qanun layihəsinə görə, məhkəmənin təşkilatı qadağan və ya ləğv etməsi haqqında qərarı qüvvəyə mindikdən sonra sözgedən təşkilatların rəhbərləri beş il müddətində, əməkdaşları isə üç il müddətində deputat seçilə bilməzlər.

Deputatlar qadağanın “belə təşkilatların fəaliyyəti ilə əlaqəli olan başqa şəxslərə” şamil olunmasını da təklif ediblər. Təklifə əsasən, təşkilatın qadağan olunmasından bir il əvvələ qədər ona maliyyə, əmlak, və digər yardım göstərənlər də üç il müddətində namizəd ola bilməzlər.

Aleksey Navalnının silahdaşı Leonid Volkov hesab edir ki, qanun layihəsi məxsusən müxalifət liderinin komandasına və onu dəstəkləyənlərə qarşı hazırlanıb. Onun qiymətləndirməsinə görə, qadağa Navalnı komandasına ianələr edən 200 mindən çox adama şamil oluna bilər. 

“Son bir il ərzində bizə heç olmasa bir qəpik vermisənsə, Navalnının qərargahında son üç ildə koordinator işləmisənsə - sənə Dumaya namizəd olmaq qadağandır. Bu yüzminlərlə adamın hüquqlarının pozulmasıdır, əsl faşizmdir”, - Leonid Volkov qanun layihəsini belə qiymətləndirib.

Dünya

Putin MDB-yə KTMT-də müşahidəçi statusunun verilməsini istəyir

16 May 2022

kremin.ru

Rusiya Prezidenti Vladimir Putin mayın 16-da Kollektiv Təhlükəsizlik Müqaviləsi Təşkilatının (KTMT) Moskvada keçirilən sammitindəki çıxışı zamanı Müstəqil Dövlətlər Birliyinə (MDB) təşkilatda müşahidəçi statusunun verilməsi təklifi ilə çıxış edib. “TASS”ın məlumatına görə, Prezident Şanxay Əməkdaşlıq Təşkilatı (ŞƏT) və MDB məkanında təbii tərəfdaşlarla əməkdaşlığın qurulmasının vacibliyini vurğulayıb. Putin onu da qeyd edib ki, KTMT payızda birgə hərbi təlimlər planlaşdırır. Onun sözlərinə görə, təlimlərin sayı getdikcə artacaq və onlar Qazaxıstan, Qırğızıstan və Tacikistanda keçiriləcək. Mayın 15-də Belarusun müdafiə naziri Viktor Xrenin bir neçə ildən sonra onlarla ölkənin KTMT-yə qoşulacağını bəyan etmişdi. Hazırda təşkilatın üzvləri Rusiya, Belarus, Qazaxıstan, Ermənistan, Qırğızıstan və Tacikistandır. Putin sammitdəki...
Dünya

BMT: Hər 10 ukraynalıdan 9-u yoxsulluq təhlükəsiylə üz-üzədir

16 May 2022

Getty Images

Rusiya ilə Ukrayna arasındakı müharibə uzanarsa, bu, hər 10 ukraynalıdan 9-nun yoxsulluq həddinindən də aşağı həddə düşməsinə gətirib çıxaracaq. Bu barədə BMT məlumat yayıb. “Ukraynada azı 100 milyard ABŞ dolları dəyərində olan binalar, yollar, körpülər, xəstəxanalar, məktəblər dağıdılıb. Müəssisələrin yarısı tamamilə bağlanıb, digər yarısı isə çətinliklə üzləşib”, - deyə BMT-nin açıqlamasında bildirilir. Qurum qeyd edir ki, əgər Ukraynada müharibə uzanarsa, bu, ölkənin inkişafını iyirmi ilə yaxın müddətdə təhlükə altına qoya bilər. Mayın əvvəlində «CNN» xəbər vermişdi ki, Ukraynanın cənubunda rus hərbçiləri işğal etdikləri ərazilərdə ukraynalı fermerlərdən taxıl ehtiyatını və kənd təsərrüfatı texnikasını oğurlayır, həmçinin ərzaq anbarlarını atəşə tuturlar. Kiyev İqtisadiyyat...

Seçilmiş Videolar

Toplum TV loqo