Dünya

Rusiyada Navalnıya dəstək aksiyalarında yüzlərlə insan saxlanılıb

22 Aprel, 2021
821

Rusiya prezidenti Vladimir Putin hər il olduğu kimi bu il də aprelin 21-də Federal Məclisə müraciət ünvanlayıb. O prezidentliyi dövründə 17-ci dəfə bu müraciəti edib. Həmin gün həbsdə olan müxalif siyasətçi Aleksey Navalnının tərəfdarları isə ölkə miqyasında kütləvi etiraz aksiyalarına çıxıblar. Vladimirsk vilayətində həbs həyatı yaşayan Navalnı artıq iki həftədir ki, aclıq aksiyası keçirir. Həkimlərin verdiyi məlumata görə, onun sağlamlığı getdikcə pisləşir. 

"Radio Svoboda" xəbər verib ki, hələ aksiyalar başlanmazdan əvvəl Aleksey Navalnının təsis etdiyi Anti-korrupsiyas Fondunun üzvləri hüquq mühafizə orqanları tərəfindən saxlanılıblar. 

Həmçinin bəzi jurnalistlərin də saxlandığı qeyd olunub. 

"OVD İnfo"nun məlumatına görə, Rusiya miqyasındakı 96 şəhərdə ümumən 1770 nəfər saxlanılıb. 

Həbslər ən çox Sankt-Peterburq şəhərində qeydə alınıb - 805 nəfər. İkinci yerdə Ufa şəhəridir, orada 119 nəfər saxlanılıb. Moskvada isə 29 aksiyaçının saxlandığı bildirilib. 

Rusiya Daxili İşlər Nazirliyinin məlumatına görə, etiraz aksiyalarında 6 min nəfər iştirak edib. Navalnını qərargahı 50-60 min iştirakçı sayıb. "Açıq Media" resursu 25 min rəqəmini, "Exo Moskvı" isə 10-15 min rəqəmini irəli sürüb. 

Aksiyaçıların əsas tələbi aclıq aksiyası keçirən Navalnının yanına müstəqil həkimin buraxılması olub. Siyasətçinin lehinə və Vladimir Putinin əleyhinə şüarlar da səsləndirilib. 

Navalnlya dəstək üçün London, Paris, Roma, Varşava və digər şəhərlərdə də aksiyaların keçirildiyi bildirilib. 
 

Dünya

Rusiya Finlandiyaya qaz nəqlini dayandıracaq

20 May 2022

Gazprom.ru

“Gazprom” Finlandiyanın “Gasum” şirkətini mayın 21-dən etibarən qaz təchizatının dayandırılması barədə xəbərdar edib. Bu barədə “Gasum”un rəsmi məlumatında deyilir. Finlandiya qaz çatışmazlığını Estoniyadan gələn “Balticconnector” qaz kəməri ilə kompensasiya etmək niyyətindədir. “Gasum” Rusiyanın tələbi ilə qazın rublla ödənilməsinə keçməkdən imtina edib və arbitrajda buna etiraz etmək niyyətindədir. “Reuters” yazır ki, Finlandiyanın Rusiyadan idxal etdiyi qaz ölkənin enerji istehlakının yalnız beş faizini təşkil edir. Rusiya “dost olmayan” ölkələrdən aprelin 1-dən əvvəllər bağlanmış müqavilələrə görə ödənişlərin rublla aparılmasını tələb edib. Bolqarıstan və Polşa artıq təklif olunan sxem üzrə qazın pulunu ödəməkdən imtina edib, bundan sonra bu ölkələrə tədarük dayandırılıb. Rusiya hökumətinin məlumatına...
Dünya

Türkmənistan qadınların xarici görünüşünə və davranışlarına nəzarəti gücləndirib

20 May 2022

AFP

Aprelin əvvəlindən Türkmənistan hakimiyyəti qadınların öz bədənlərinə nəzarət etmək hüquqlarını əhəmiyyətli dərəcədə məhdudlaşdırıb. Bu barədə BBC və “Azadlıq” radiosunun türkmən xidməti məlumat yayıb. Paytaxt Aşqabadda dövlət qurumlarının əməkdaşlarından “xarici cəlbediciliyi artırmaq üçün əlavə üsullardan çəkinmək” barədə yazılı vəd vermələri tələb olunur. Əvvəllər qadınlara qarşı analoji tələblər ölkənin digər bölgələrində də irəli sürülürdü. Hakimiyyətin təzyiqi ilə dövlət işçiləri kosmetikadan istifadə etməməyə, saçlarını boyamamağa, manikür etməməyə, cins şalvar və dar paltar geyinməməyə - bunun əvəzinə geniş ənənəvi paltar və baş örtüyü taxmağa məcburdurlar. İşdən çıxarılma təhlükəsi altında qadınlar tez bir zamanda saxta dırnaq və kirpiklərdən qurtulmalı, sarı saçlarını tünd rəngə boyamalıdırlar. Eyni...

Seçilmiş Videolar

Toplum TV loqo