Dünya

Rusiyada Putinin nüfuzu niyə aşağı düşüb? 

Nigar Səmədli
22 İyun, 2021
2279

Açıq mənbələrdən götürülüb

"Levada Center"-in Rusiyanın tarixi şəxsiyyətlərinin reytinqi ilə bağlı keçirdiyi anketin nəticələrinə görə, Prezident Vladimir Putinin reytinqi 34 faizdən 15 faizə düşüb və o, 5-ci yerdə qərarlaşıb. 

Bu barədə “Azadlıq Radiosu”nun rus xidməti iyunun 21-də məlumat yayıb. Məlumata görə, ilk pillədə İosif Stalin yer alıb. 

Başqa sorğuda 40 faizlə birinci pillədədir

Müsavat Partiyasının üzvü Elman Fəttahın fikrincə, sorğunun nəticələrinə birmənalı yanaşmaq doğru deyil.

Elman Fəttah

“Bu sorğu mərkəzi Rusiyanın ən ciddi və etimad olunan mərkəzlərindən biridir. Müxtəlif mövzularda sorğular keçirir, elə bu ilin aprelində keçirilən güncəl Rusiya siyasəti ilə bağlı sorğunun nəticələri də “Levada Center”-in rəsmi saytında yayımlanıb. Orada Putin 40 faizlə hazırkı Rusiya siyasətçiləri arasında birinci pillədədir. Bu sorğu isə Rusiya tarixindəki məşhur şəxslər arasındakı reytinqi müəyyən etmək üçün keçirilib və Putin Stalin, Lenin, Puşkin kimi şəxslərlə müqayisə edilib. Yeri gəlmişkən illərdir keçirilən bu sorğuda liderlik Stalindədir. Bu kateqoriya üzrə Putinin 34 faizdən 15 faizə enməsinin güncəl siyasətə təsir edib-etmədiyi sualına isə birmənalı şəkildə cavab vermək yanlış olar. Çünki qeyd etdiyim digər sorğuda Putin birinci sıradadır”. 

“Ölkənin iqtisadi durumu ağırlaşdıqca Putinin nüfuzunun aşağı düşməsi də normaldır”

Zaur Əkbər - Sosial Media

Siyasi şərhçi Zaur Əkbər isə Rusiya liderinin nüfuzunun 34 faizdən 15 faizə düşməsinin bir neçə səbəbi olduğunu düşünür. O, birinci səbəb kimi Rusiyanın regional və qlobal müstəvidə aqressiv siyasət aparmasını göstərir.

“Daxildə cəmiyyət kasıbladıqca insanlar anlayır ki, onların dövlətə ödədiyi vergilər silaha, hansısa ölkələrin zəbt olunmasına xərclənir. 

Eyni zamanda Avropa İttifaqı, İngiltərə və ABŞ-ın durmadan ağırlaşan sanksiyalarının da Putinin reytinqinin günü-gündən aşağı düşməsinə rəvac verir. Rusiya rəsmiləri belə etiraf edilər ki, ölkədə demokratik vəziyyət getdikcə daha da pisləşir, əhalinin artımı sıfırın altındadır. Düşünürəm ki, bu proses zamanla dərinləşəcək və ölkənin iqtisadi durumu ağırlaşdıqca Putinin nüfuzunun aşağı düşməsi də normaldır”. 

Bu proses 2021-ci ilin sentyabrında keçiriləcək Dövlət Duması seçkilərinə təsir göstərəcəkmi? 

E.Fəttah düşünür ki, Putinin nüfuzunun aşağı düşməsi sentyabrda keçiriləcək parlament seçkilərinə təsir etsə belə, rəsmi nəticələrə təsiri olmayacaq. 

“Rusiyada da seçkilərin nəticələrini səsvermənin həqiqi mənzərəsi yox, administrativ resursların müəyyən etdiyi qiymətlər müəyyənləşdirir, yəni nəticələr saxtalaşdırılır. Bu baxımdan hazırkı iqtidarın nüfuzunun azalması sorğulara yansıya bilər, amma rəsmi nəticələrə yansıması gözlənirmir”.  

Z.Əkbər də eyni fikirdədir, o da Rusiyada keçirilən seçkilərin Azərbaycandakı seçkilərdən heç nə ilə fərqlənmədiyini söyləyir. 

“Sadəcə ərazi baxımından böyük olduğu üçün Rusiyada bu proses daha sistemli şəkildə həyata keçirilir. Putinin rəhbərlik etdiyi dönəmdən bugünədək beynəlxalq təşkilatların, xüsusilə ATƏT-in Demokratik Təsisatlar Bürosunun Rusiyadakı seçkilərlə bağlı verdiyi hesabatlar heç də ürəkaçan olmayıb, yəni demokratiyadan əsər-əlamət yoxdur. Bu baxımdan Dövlət Dumasına keçirilən seçkilərdə Putinin göstəricilərinin aşağı olacağına inanmıram. Burada əsas məsələ seçkilərin azad və demokratik keçirilməsidir ki, bu da avtoritar Putin rejimi dövründə mümkün deyil. Digər tərəfdən ölkədəki əsas müxalif qüvvə Navalnıdır və o da həbsdədir. Digərləri bizdə olduğu kimi məmur müxalifəti olduğundan seçkilərdə müxalifət üçün hansısa şansın yaranacağını düşünmürəm”. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

NATO Ukraynanın Rusiyaya hücumlarına haqq qazandırıb

Toplum TV
1 İyun 2023

Açıq mənbələrdən götürülüb

"Kiyevin özünü müdafiə etmək hüququ var" Toplum TV xəbər verir ki, bunu iyunun 1-də NATO-nun baş katibi Yens Stoltenberq Rusiyaya təşkil olunan hücumlarla bağlı açıqlamasında bildirib.  Stoltenberq vurğulayıb ki, NATO-nun mövqeyi dəyişməzdir: Kiyevin özünü müdafiə etmək hüququ var.   “Rusiyanın Ukraynaya qarşı təcavüzkar müharibəsi beynəlxalq hüququn kobud şəkildə pozulmasıdır. Özünümüdafiə hüququ BMT Nizamnaməsində təsbit olunub”, - deyə o qeyd edib.  Baş katibin sözlərinə görə, Ukraynaya dəstək NATO-nu münaqişə tərəfi etmir: "NATO-nun iki vəzifəsi var: Ukraynanı dəstəkləmək və Rusiyanın Ukraynaya qarşı təcavüzkar müharibəsinin bu ölkədən kənara çıxmasının qarşısını almaq”. https://toplum.tv/dunya/pmoskvaya-dron-huumlcumu-rusiya-ukraynani-ittiham-edirp Bundan əvvəl Ağ Ev Rusiya daxilinə hücumları dəstəkləmədiyini bildirmişdi.  "Vaşinqton Ukraynaya...
Dünya

Kiyevə gecə hücumu: ölənlər və yaralılar var

Toplum TV
1 İyun 2023

Açıq mənbələrdən götürülüb

Rusiyanın mayın 31-dən iyunun 1-də keçən gecə Kiyevə raket hücumu nəticəsində 1-i uşaq olmaqla 3 nəfər ölüb, 11 nəfər yaralanıb. Toplum Tv "Guardian" nəşrinə istinadən xəbər verir ki, bu barədə Ukrayna Hərbi Hava Qüvvələri məlumat yayıb.  Bildirilir ki, hücum zamanı Rusiya “İsgəndər-M” ballistik raketlərindən və “İsgəndər-K” qanadlı raketlərindən istifadə edib. Onların hamısının zərərsizləşdirildiyi bildirilsə də, yerə düşən qalıqların dağıntılar yaratdığı qeyd olunub.  https://toplum.tv/dunya/pag-ev-rusiya-daxiline-huumlcumlari-desteklemirp Kiyev meriyasının məlumatına görə, dağıntıların böyük hissəsi Kiyevin şərqindəki Desnyanski rayonunda baş verib. Sursat qalıqları uşaq xəstəxanası və yaşayış binasının üzərinə düşüb, 2 məktəbə və 1 polis idarəsinə ziyan dəyib. İkinci hadisə Dniprovski rayonunda baş verib, 1...

Seçilmiş Videolar

Toplum TV loqo