Dünya

Rusiyalı Nobel mükafatçısı Dmitri Muratova hücum edilib

8 Aprel, 2022
152

Dmitri Muratov/sosial media

Nobel sülh mükafatı laureatı və “Novaya qazeta”nın baş redaktoru Dmitri Muratova hücum olub. Moskva-Samara qatarında onun üzərinə yağlı boya və aseton qatışığı töküblər.

Bu barədə “Novaya qazeta” məlumat verib.

İnsidentin məhz harada baş verdiyi göstərilmir. Saat 20.10-da Kazan vağzalından “Jiquli” adlı qatar yola düşür, çox güman, söhbət ondan gedir. Qəzetin məlumatında qatarın yola düşməsinin ləngidildiyi bildirilir. Muratovun sözlərinə görə, hücum edən “Muratov, bu sənə bizim uşaqlara görədir” qışqırıb.

Muratov filippinli jurnalist Mariya Ressa ilə birlikdə 2021-ci ilin oktyabrında Nobel sülh mükafatına layiq görülüblər. Jurnalistlər “demokratiya və sülhün şərti olan fikir azadlığının müdafiəsi səyləri”nə görə mükafatlandırılıblar.

Martın sonlarında Muratov elan etdi ki, Ukrayna qaçqınlarına yardım etmək məqsədilə öz Nobel medalını satışa çıxarır. O, tərəfləri atəşi dayandırmağa, əsirləri dəyişməyə, ölənlərin cəsədlərini qaytarmağa və humanitar dəhlizlər açmağa çağırıb.

Rusiyanın Ukraynaya təcavüzü başlayanda “Novaya qazeta” Rusiyada fəaliyyət göstərən və Kremlin nəzarətində olmayan azsaylı KİV-dən biri idi. Amma müharibə başlayandan sonra "Roskomnadzor" tərəfindən iki dəfə xəbərdarlıq aldığından “Ukrayna ərazisində xüsusi əməliyyat yekunlaşana qədər” öz fəaliyyətini dayandırıb. Çünki KİV lisenziyasının ləğv edilmə təhlükəsi olub.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo