Dünya
Son sutkada Gürcüstanda və Ermənistanda COVID-19-a yoluxanların statistikası
14 Yanvar, 2021
Baxış: 76
FOTO:  iStock

Gürcüstanda son sutkada daha 1 357 nəfərə koronavirus diaqnozu qoyulub, 748 nəfər müalicə olunaraq sağalıb, 21 pasiyent isə vəfat edib.

Bu barədə yanvarın 14-də Gürcüstan hökumətinin xüsusi rəsmi saytında bildirilib.

Ölkədə COVID-19-a yoluxanların ümumi sayı 244 612 təşkil edir. Onların 228 359-u sağalıb, 2 867-si isə ölüb.

Hazırda karantin zonalarında 496, stasionar nəzarətdə 3 780 nəfər var. 638 nəfər isə xüsusi otellərdə tibbi nəzarətdə saxlanılır.

Ermənistanda isə daha 448 nəfərdə koronavirus aşkarlanıb.

Məlumatı yanvarın 14-də ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Bununla da Ermənistanda virusa yoluxanların sayı 163 576 olub.

Qeyd olunub ki, ölkədə pandemiyadan ölənlərin sayı daha 12 nəfər artaraq 2 963-ə çatıb. COVID-19 diaqnozu qoyulmuş, lakin başqa səbəbdən ölənlərin sayı isə 721-ə yüksəlib. İndiyədək 151 849 pasiyent infeksiyadan sağalıb.

Hazırda ölkədə 8 043 aktiv koronavirus xəstəsi var.
Dünya

Paşinyanın diplomatik pasportu oğurlanıb

27 Yanvar 2021

Sputnik

Ermənistanın baş naziri Nikol Paşinyanın diplomatik pasportu oğurlanıb. "Novosti-Armeniya"nın yanvarın 26-da verdiyi xəbərə görə, diplomatik pasport noyabrın 10-da imzalanan atəşkəs sazişindən sonra Yerevanda başlanan iğtişaşlar zamanı hökumət binasından oğurlanıb. "10 noyabrda hökumət binasına basqın edən şəxslər baş nazirinki daxil olmaqla, 14 diplomatik pasportu oğurlayıblar. Pasportların hamısı etibarsız elan edilib", - bunu Ermənistan XİN-in mətbuat katibi Anna Naqdalyan deyib. "Lenta.ru"nun məlumatına görə isə, Ermənistan hökuməti yanında analitik mərkəzin keçmiş əməkdaşı Andraik Ovannissan müsahibəsində Paşinyanın diplomatik pasportunu Qazaxıstanda azərbaycanlılardan uyğun məbləğə satın aldığını deyib. Ovannisyanın iddiasına görə, guya Qazaxıstanda tanış olduğu azərbaycanlıların ona istənilən erməni sənədini milli kəşfiyyat xidmətinin keçmiş sədri vasitəsilə...
Dünya

Almaniya: "Müharibədə muzdluların Azərbaycan tərəfdən iştirakına dair sübut yoxdur"

27 Yanvar 2021

DW.com

“Xarici muzdluların Qarabağ müharibəsində Azərbaycan tərəfdən iştirakına dair heç bir sübut yoxdur”. Bunu Avropa Şurası Nazirlər Komitəsinin sədri, Almaniyanın xarici işlər naziri Hayko Maas AŞPA-nın yanvarın 26-da keçirilən qış sessiyasında erməni deputatın sualını cavablandırarkən deyib. "Siz deyirsiniz ki, Azərbaycan Dağlıq Qarabağdakı müharibədə xarici muzdlulardan istifadə edib? Bununla bağlı heç bir sübut tapılmayıb", - Hayko Maas açıqlamasında bildirib ("Trend").
Seçilmiş Videolar