Dünya

Şotlandiya müstəqillik haqqında yeni referendum keçirmək istəyir

13 Sentyabr, 2021
674

Voice of America

Şotlandiyanın birinci naziri və Milli Partiyanın sədri Nikola Stergen ümid edir ki, Böyük Britaniya hökuməti regionun müstəqilliyi mövzusunda əməkdaşlıq yolunu seçəcək. 

TASS xəbər verir ki, bu fikir Stergenin keçirəcəyi mətbuat konfransındakı nitqinin mətnində yer alıb. 

“Mənim idarəçiliyə və siyasətə yanaşmam konfrontasiya deyil, mümkün qədər əməkdaşlıq üzərində qurulacaq. Buna görə də ümid edirəm ki, Şotlandiya və Böyük Britaniya 2014-cü ildə olduğu kimi razılığa gələ və şotland xalqının demokratik arzularının eşidilməsinə və onlara hörmətlə yanaşılmasına nail olacaqlar”, - deyə nazirin çıxışında qeyd edilib. 

“Böyük Britaniya ölkələrin könüllü ittifaqıdır. Yaxın zamanlara qədər Şotlandiya xalqının müstəqil olub-olmamaq hüququnu kimsə şübhə altına almırdı. Bizim gələcəyimizi burada yaşayan insanların razılığı olmadan Britaniya parlamenti həll edə bilməz”.

Müstəqillik tərəfdarı olan xanım Stergen hesab edir ki, 5,5 milyon əhalisi olan region müstəqil olacağı halda London və Edinburq arasındakı münasibətlər daha da möhkəmlənəcək: “Müstəqil Şotlandiya və Böyük Britaniyanın digər hissələri arasında əməkdaşlıq daha möhkəm əsaslar üzərində davam edəcək. Şotlandiya bərabər partnyor olacaq”. 

Şotlandiyanın müstəqilliyi haqqında referendum 2014-cü ildə keçirilib və iştirakçıların 55,3 faizi müstəqilliyin əleyhinə səs veriblər. Amma Şotlandiya əhalisinin 2016-cı ildə keçirilən referendumda "Breksit"i dəstəkləməməsi şotland millətçilərinə müstəqillik məsələsinə yenidən qayıtmaq üçün əsas verib.

Dünya

Putin Ukrayna müharibəsindən bəri ilk dəfə ölkəni tərk edib

29 İyun 2022

Sosial media

Rusiya Prezidenti Vladimir Putin Tacikistanda işgüzar səfərdədir.  O, Tacikistanın dövlət başçısı Emoməli Rəhmonla danışıqlar aparacaq. Bu barədə “RİA Novosti” məlumat verib.  Bildirilir ki, daha sonra Vladimir Putin “Xəzər beşliyi”nin sammitində iştirak etmək üçün Tacikistandan Türkmənistanın paytaxtı Aşqabada yollanacaq. Daha əvvəl Rusiya Prezidentinin köməkçisi Yuri Uşakov jurnalistlərə bildirmişdi ki, Putin və Rəhmon ikitərəfli əməkdaşlığın aktual məsələlərini, o cümlədən ticari-iqtisadi, hərbi, hərbi-texniki, mədəni-humanitar, miqrasiya sahələrini müzakirə edəcəklər.
Dünya

Boris Conson: "Putin qadın olsaydı, müharibəyə başlamazdı"

29 İyun 2022

BBC

Böyük Britaniyanın Baş naziri Boris Conson çərşənbə axşamı bildirib ki, əgər Putin qadın olsaydı, Ukraynaya hərbi müdaxilə etməzdi.  “Əgər Putin qadın olsaydı, - göründüyü kimi, elə deyil, - amma əgər olsaydı, mən, həqiqətən də, düşünmürəm ki, bu ağılsız maço müharibəsini başlayardı, xüsusən də baş verən təcavüz və zorakılıq şəklində”, - G7-nin Elmau qəsrindəki sammitindən sonra Almaniyanın ZDF kanalına müsahibə verən Baş nazir belə deyib.  “Əgər sizə toksik maskulinliyin ideal nümunəsi lazımdırsa, bu, onun Ukraynada etdikləridir”, - Boris Conson söyləyib. Rusiya Prezidentinin mətbuat katibi Dmitri Peslov Boris Consonun fikirlərinə reaksiya verib.  “Qoca Freyd yaşasaydı, belə bir tədqiqat obyektini yalnız arzulaya bilərdi”,...

Seçilmiş Videolar

Toplum TV loqo