Dünya

"Taliban"dan qaçaraq Tacikistana sığınan əfqan hərbçilərin sayı artır

5 İyul, 2021
570

Dunya News

"Taliban"dan qaçaraq Tacikistana sığınan əfqan hərbçilərin sayı 500-ü keçib. 

Bu barədə Əfqanıstanın Baş Milli Təhlükəsizlik Komitəsi məlumat yayıb. 

Bildirilib ki, iyulun 4-ü axşam radələrində "Taliban" hərəkatının hərbi qruplaşmaları Bədaxşan əyalətinin Xoxon uezdini döyüşsüz ələ keçiriblər. Bundan sonra Əfqanıstan Silahlı Qüvvələrinin 94 hərbi qulluqçusu həyatlarını qorumaq üçün sərhədi keçərək Tacikistana sığınıblar. 

Bundan əvvəl də "Taliban"dan qaçan çox sayda əfqan hərbçisi Tacikistana sığınmışdı. Əfqanıstan və Tacikistan sərhədinin uzunluğu 1400 kilometr təşkil edir. Tacikistan sərhəddə hərbçilərin yüksək döyüş hazırlığına gətirildiyini açıqlayıb. 

BMT Əfqanıstan hökumətini və "Taliban"ı 2020-ci ilin sentyabrında ABŞ-ın vasitəçiliyi ilə başladılmış danışıqlar prosesinə qayıtmağa çağırıb. Amma ABŞ hərbi qüvvələrini Əfqanıstandan çıxarmaq barədə qərar qəbul etdikdən sonra taliblər hərbi fəaliyyətlərini gücləndiriblər. 

Məlumata görə, son günlərdə "Taliban" silahlıları Əfqanıstanın 13 bölgəsinə nəzarəti ələ keçiriblər, hazırda onlar ölkənin 370 rayonunun 110-na nəzarət edirlər.

Əfqanıstan Müdafiə Nazirliyi isə açıqlamasında bildirib ki, son bir gündə 9 əyalətdə gedən döyüşlərdə 224 “Taliban” döyüşçüsü öldürülüb. Hökumət həmçinin zəbt olunmuş ərazilərin geri qaytarılacağını vəd verib.

Dünya

Ukraynada Kommunist Partiyasının fəaliyyəti qadağan edildi

5 İyul 2022

Açıq mənbələrdən götürülüb

Lvov Səkkizinci İnzibati Apellyasiya Məhkəməsi “Xoşbəxt Ukrayna” siyasi partiyasının və Ukrayna Kommunist Partiyasının fəaliyyətini qadağan edib. Bu barədə iyulun 5-də «Ukrainskaya Pravda» nəşri məlumat yayıb.  Lvov məhkəməsi hər iki partiyanın qadağan edilməsi ilə bağlı Ukrayna Ədliyyə Nazirliyinin iddialarını təmin edib.  https://toplum.tv/dunya/ukrayna-ruslar-ucun-viza-tetbiq-etdi “Xoşbəxt Ukrayna” - Rusiyaya qaçan Viktor Yanukoviç hökumətinin keçmiş gəlirlər və rüsumlar naziri Aleksandr Klimenkonun siyasi layihəsi hesab edilirdi. Məhkəmə qərarından bir neçə gün əvvəl partiyanın adı dəyişdirilmişdi: əvvəllər o, "Uğurlu Ukrayna" adlanırdı. Ukrayna Kommunist Partiyası isə Petro Simonenkonun ideya məhsuludur. Bu partiya hələ 2015-ci ilin dekabrında Kiyev Rayon İnzibati Məhkəməsi tərəfindən qadağan edilib, amma məhkəmə dartışması səbəbindən mövcudluğunu...
Dünya

Finlandiya və İsveç NATO-ya üzvlük protokollarını imzaladı

5 İyul 2022

ZDF

Finlandiya və İsveçin xarici işlər nazirləri NATO-ya daxil olmaq haqqında protokolları imzalayıblar. "Reuters" xəbər verir ki, Finlandiyanın xarici işlər naziri Pekka Haavisto, İsveçin xarici işlər naziri Ann Linde və 30 NATO ölkəsinin səfirləri NATO-nun mənzil-qərargahında keçirilən rəsmi mərasimdə iki Skandinaviya ölkəsinin Şimali Atlantika Alyansına qoşulması ilə bağlı protokolları imzalayıblar.  “Bu gün biz rəsmi olaraq üzvlük protokolunu imzalayırıq və ratifikasiya proseduruna başlayırıq. NATO-nun qapısı bütün Avropa demokratiyaları üçün açıqdır. Bu, Finlandiya, İsveç və NATO üçün yaxşı gündür, biz 32 üzv ölkə ilə daha da güclənəcəyik”, - NATO-nun baş katibi Yens Stoltenberq mərasimi açarkən deyib. Finlandiya və İsveç Rusiyanın Ukraynada başlatdığı müharibə...

Seçilmiş Videolar

Toplum TV loqo