Dünya

“Taliban” Türkiyəni cihadla hədələdi

13 İyul, 2021
1769

Açıq mənbələrdən götürülüb

“Taliban” hərəkatı türk hərbçilərindən Əfqanıstandan çıxmağı tələb edib.

"Röyters"-in məlumatına görə bu barədə “Taliban”ın yaydığı bəyanatda bildirilir. 

Hərəkat BMT və beynəlxalq ictimaiyyətin dəstəklədiyi Doha razılaşmasına əsasən, bütün xarici dövlətlərin qüvvələri Əfqanıstandan geri çəkilməsinin zəruru olduğunu vurğulayıb. 

“Türkiyə hökuməti ABŞ-la razılaşaraq öz hərbi qüvvələrini Əfqanıstanda saxlayır. Əfqanıstan İslam Əmirliyi və əfqan xalqı Türkiyə ilə tarixi, mədəni və dini əlaqələr saxlayır, amma işğalın genişləndirilməsi, ölkəmizin daxilində Türkiyə rəsmilərinə qarşı kin və düşmənçilik hisslərini oyadacaq, bu isə ikitərəfli əlaqələrə zərər verəcək”, - deyə bəyanatda bildirilib. 

“Taliban” bəyan edib ki, Türkiyə rəsmilərini hər iki ölkə üçün zərərli olan qərarı ləğv etməyə çağırır. 

"Hər hansı xarici ölkənin qüvvələrinin istənilən bir bəhanə ilə vətənimizdə qalmasını işğal kimi qəbul edirik. Onlara fətva əsasında cavab veriləcək. Bu fətva əsasında son 20 ildə cihad edilib. Türk məmurlar qərarlarını yenidən nəzərdən keçirməsələr, İslam Əmirliyi və əfqan milləti dini, vicdani və vətənpərvərlik borclarına uyğun olaraq, 20 illik işğala qarşı çıxdıqları kimi, onlara qarşı da mövqe tutacaqlar. Bu halda bütün məsuliyyət başqalarının işinə müdaxilə edən və bu cür düşünülməmiş qərarlar verənlərin üzərinə düşəcək”, - deyə bəyanatda vurğulanıb. 

Türkiyə tərəfi isə Əfqanıstanda qalıb Kabul hava limanının fəaliyyətini davam etdirməkdə israrlıdır. 

"NATO-nun 360 dərəcə nəzəriyyəsi çərçivəsində fəaliyyətimiz davam etdiririk. Hər hansı çətinliyimiz yoxdur”, - deyə Türkiyənin müdafiə naziri Hülusi Akar jurnalistlərə açıqlamasında bildirib. 

Akar Türkiyənin 20 ildir Əfqanıstanda olmasına baxmayaraq, indiyədək heç bir hərbi əməliyyatda itirak etmədiyini vurğulayıb. O, Kabul hava limanının fəaliyyətinin davam etdirilməsinin əfqan xaqının mənfəətinə uyğun olduğunu deyib.

"Hava limanı bağlanarsa, əmin-amanlıq olmaz, əlaqə və nəqliyyat olmaz. Əfqanıstanda da heç bir ölkə qalmaz. Belə şəraitdə dövlət təcrid halına düşər. Bu da qəbuledilməzdir", - deyə Türkiyənin müdafiə naziri qeyd edib. 

Dünya

KİV: Tunisin baş naziri döyülərək istefaya məcbur edilib

29 İyul 2021

Reuters

Tunisin baş naziri Hiçem Meçiçi məcburən istefa verməsi üçün prezident sarayında döyülüb.  Bu barədə iyulun 29-da "The Middle East Eye" nəşri xəbər verib.  Nəşrin məlumatına görə, Meçiçi prezident Kais Səidin iqamətgahına dəvət olunub, burada dövlət başçısı ondan könüllü surətdə istefa verməyi tələb edib. O, imtina edəndə isə naməlum şəxslər onu prezidentin tələb etdiyinə razı olanacan döyüblər.  Meçiçi rəsmi bəyanatında dövlət nizamına qarşı getməyəcəyini, səlahiyyətlərini növbəti baş nazirə ötürməyə hazır olduğunu və ona uğurlar arzuladığını bildirib.   İyulun 26-da Tunis prezidenti hökuməti istefaya göndərib, parlamentin fəaliyyətini dondurub, deputatların toxunulmazlığını ləğv edib və parlament spikerinin ölkədən çıxmasına qadağa qoyub. Bu qərar ölkəni...
Dünya

İran Bakı və Yerevana yardım təklif etdi

29 İyul 2021

Reuters

İran Bakı və Yerevan arasındakı münasibətlərin tənzimlənməsi üçün yardım etməyə hazırdır. "Sputnik Ermənistan"ın iyulun 29-da verdiyi məlumata görə, bu barədə İranın Xarici İşlər Nazirliyinin rəsmi nümayəndəsi Səid Xatibzadə açıqlama verib.  Xatibzadə Azərbaycan-Ermənistan sərhədində münaqişənin dərinləşməsindən narahat olduğunu, yaralanan əsgərlərə görə kədərləndiyini diqqətə çatdırıb. Diplomatın sözlərinə görə, gərginliyi və toqquşmaları bacardıqca tez aradan qaldırmaq və Cənubi Qafqazda əmin-amanlıq yaratmaq zəruridir. 
Seçilmiş Videolar