Çətin, ağrılı qərarlarla qarşı-qarşıyayıq. Azərbaycan və Türkiyə ilə heç kimin xoşuna gəlməyən müqavilələr imzalanmalıdır, amma bir şey var ki, alternativ yoxdur. 

Bunu Ermənistan İctimai Televiziyasının efirində ölkənin birinci prezidenti Levon Ter-Petrosyan deyib.

“Əgər sənəd imzalanmasa, bu iki qonşu ilə sülh bağlanmasa, biz artıq Sovet İttifaqının 70 illik reallıqlarını bərpa edə bilmərik. Biz yenidən dövlət qurmalı olarıq”, - deyə o bildirib. 

https://toplum.tv/siyaset/pasinyan-ermenistan-azerbaycanin-erazi-butovluyunu-tanimaga-hazirdir

"Müxalifətin zənnincə, Paşinyanı hakimiyyətdən uzaqlaşdırılsa, ağrılı qərarlardan qaçmaq olar. Bu, sadəlövhlükdür. Kim gəlsə, ondan da pis sənədə imza atacaq", - sabiq prezident deyib və əlavə ki, Paşinyan sənədi imzalamaqdan çəkinir, çünki onu “satqın” adlandıracaqlar: "Bəli, bu kapitulyasiyadır, vəziyyət belədir. Heç bir faciə yoxdur, bundan daha güclü dövlətlər də bu yoldan keçiblər.

Ermənistan cəmiyyətində konsolidasiya olmasa və daxili iğtişaşlar davam edərsə, o zaman Türkiyə və Azərbaycanın tələbləri artacaq. Yarım il də davam etsək, ölkəmiz olmayacaq", - o deyib.

Ter-Petrosyan müsahibəsində Rusiya və Qarabağdakı qondarma quruluşa dair də açıqlama verib: 

Onun sözlərinə görə, artıq Rusiyanın köməyinə ümid etmək olmaz, çünki Moskva Cənubi Qafqazda öz təsirini itirib. “"Artsax" məsələsi artıq həll olunub, mən adamların ümidini kəsmək istəmirəm, amma hazırda Ermənistan "Artsax"da oyuncu deyil. Bu müharibədən öncə "Artsax" məsələsinin həllinin açarı Rusiyanın əlində idi, indi Rusiyanın çoxlu problemləri var”.

Sabiq prezident ölkədə milli birliyin əhəmiyyətindən danışıb.

“Mənim təklifim hakimiyyətlə - Nikol Paşinyanı nəzərdə tuturam - dialoqdur. Baş verənlərdən cəmiyyətimizin xəbəri yoxdur.Təkcə bir adam-  Nikol Paşinyan hər şeydən xəbərdardır. Ola bilsin, bunu yaxın ətrafı ilə bölüşür. Bütün həqiqəti bilən iki-üç adam ola bilər. Onlar bilirlər ki, Rusiya, Türkiyə və ABŞ nə təklif edir. İstər mən, istər Robert Köçəryan, istər Serj Sarkisyanın isə heç bir məlumatı yoxdur”, - deyə Ter-Petrosyan bildirib.